ខេត្តបន្ទាយមានជ័យ ៖ រដ្ឋបាលស្រុកមង្គលបូរីជូនដំណឹងដល់ប្រជាពលរដ្ឋឲ្យផ្អាកចរាចរណ៍ផ្លូវជាប់មាត់ស្ទឹងពីឃុំបត់ត្រង់តភ្ជាប់ទៅឃុំរហាត់ទឹក នៅពេលទឹកហូរកាត់ផ្លូវ និងច្រោះដាច់ផ្លូវនៅថ្ងៃទី១៤ ខែតុលា ឆ្នាំ២០២០ ស្ថិតក្នុងស្រុកមង្គលបូរី។ លោក រ័ត្ន…
ខេត្តបន្ទាយមានជ័យ ៖ រដ្ឋបាលស្រុកមង្គលបូរីជូនដំណឹងដល់ប្រជាពលរដ្ឋឲ្យផ្អាកចរាចរណ៍ផ្លូវជាប់មាត់ស្ទឹងពីឃុំបត់ត្រង់តភ្ជាប់ទៅឃុំរហាត់ទឹក នៅពេលទឹកហូរកាត់ផ្លូវ និងច្រោះដាច់ផ្លូវនៅថ្ងៃទី១៤ ខែតុលា ឆ្នាំ២០២០ ស្ថិតក្នុងស្រុកមង្គលបូរី។ លោក រ័ត្ន ដាស៊ីណង់ អភិបាលស្រុកមង្គលបូរីបានឲ្យដឹងថា៖ ផ្លូវ១ខ្សែស្របមាត់ស្ទឹងដែលមានប្រវែងជិត១០គីឡូម៉ែត្រតភ្ជាប់ពីឃុំបត់ត្រង់ទៅឃុំរហាត់ទឹកក្នុងស្រុកមង្គលបូរី ត្រូវបានទឹកហូរកាត់ផ្លូវ និងច្រោះដាច់ជាច្រើនកន្លែងនៅថ្ងៃទី១៤ ខែតុលា ឆ្នាំ២០២០នេះ ដែលជាការព្រួយបារម្ភប្រជាពលរដ្ឋកាត់រដ្ឋបាលស្រុកមង្គលបូរីបានជូនដំណឹងដល់បងប្អូនប្រជាពលរដ្ឋត្រូវផ្អាកចរាចរណ៍មួយរយៈសិន។
លោកបានបញ្ជាក់ថា៖ ផ្លូវស្របមាត់ស្ទឹងនេះមានប្រវែងជិត១០គីឡូម៉ែត្រ ដែលទើបកសាងបានរយៈពេល២ឆ្នាំ ហើយផ្លូវនេះតភ្ជាប់ពីផ្លូវជាតិលេខ៥ក្នុងឃុំបត់ត្រង់ តភ្ជាប់ទៅឃុំរហាត់រហូតដល់ស្រុកបវេលខេត្តបាត់ដំបង។ តែនៅឆ្នាំ២០២០នេះដោយទឹកជំនន់បានជន់លិចផ្ទះសម្បែងប្រជាពលរដ្ឋឃុំជាប់មាត់ស្ទឹង ហើយបណ្តាលលិចផ្លូវចំនួន៨០កន្លែងដែលមានប្រវែង៩០.៦៤៥ម៉ែត្រ ក្នុងនោះផ្លូវ១ខ្សែជាប់ស្ទឹងប្រវែងជិត១០គីឡូម៉ែត្រត្រូវបានទឹកហូរច្រុះដាច់ហើយត្រូវផ្អាក់ចរាចរណ៍។
លោក រ័ត្ន ដាស៊ីណង់ បានបញ្ជាក់ថា៖ ក្រោយពេលដែលរដ្ឋបាលសាលាស្រុកមង្គលបូរីបានជូនដំណឹងហើយសូមឲ្យបងប្អូនប្រជាពលរដ្ឋត្រូវផ្អាក់ចរាចរណ៍ដើម្បីការពារសុវត្ថិភាពព្រោះផ្លូវត្រូវបានទឹកហូរកាត់ និងច្រោះដាច់ដែលមិនអាចធ្វើដំណើរទៅមកបានហើយទឹកកំពុងហក់ឡើងខ្លាំងនៅស្រុកមង្គលបូរី៕ ដោយ ៖ ប៊ុន ធឿន
ចែករំលែកព័តមាននេះ