អង់គ្លេស ៖ អ្នកគាំទ្រម្នាក់របស់ក្រុម West Ham United បានទទួលរងទណ្ឌកម្ម មិនឱ្យចូលរួមទស្សនាការប្រកួតបាល់ទាត់ផ្ទាល់រយៈពេល ៣ឆ្នាំ បន្ទាប់ពីរូបគេបានសារភាពអំពីកំហុសរបស់ខ្លួន…
អង់គ្លេស ៖ អ្នកគាំទ្រម្នាក់របស់ក្រុម West Ham United បានទទួលរងទណ្ឌកម្ម មិនឱ្យចូលរួមទស្សនាការប្រកួតបាល់ទាត់ផ្ទាល់រយៈពេល ៣ឆ្នាំ បន្ទាប់ពីរូបគេបានសារភាពអំពីកំហុសរបស់ខ្លួន ក្នុងការរើសអើងពូជសាសន៍ទៅកាន់ខ្សែប្រយុទ្ធ Mohamed Salah របស់ក្រុមហង្សក្រហម Liverpool។
លោក Bradley Thumwood អាយុ ៤៨ឆ្នាំបានទទួលរងទណ្ឌកម្ម បន្ទាប់ពីបានបង្ហាញខ្លួននៅតុលាការ Thames Magistrates កាលពីថ្ងៃអង្គារ ចំពោះហេតុការណ៍រើសអើងពូជសាសន៍មួយ ដែលបានកើតឡើងអំឡុងការប្រកួតដែលក្រុមម្ចាស់ផ្ទះ West Ham បានចាញ់ Liverpool ក្នុងលទ្ធផល ២-០ កាលពីថ្ងៃទី២៩ ខែមករា ឆ្នាំ២០២០ កន្លងទៅ។
ប៉ូលីសបានថ្លែងឱ្យដឹងថា « Thumwood បានទទួលរងបំរាមហាមឃាត់មិនឱ្យចូលរួមទស្សនាបាល់ទាត់រយៈពេល ៣ឆ្នាំ និងពិន័យជាទឹកប្រាក់ចំនួន ៤០០ផោន (៥២១ដុល្លារអាមេរិក) ។
ក្លិប West Ham ក៏បានចេញសេចក្តីប្រកាសមួយផងដែរ ដើម្បីបង្ហាញការសោកស្តាយយ៉ាងខ្លាំង ចំពោះទង្វើដែលបានកើតឡើងដោយអ្នកគាំទ្រខ្លួន ព្រមទាំងបានប្តេជ្ញាចិត្តថានឹងប្រកាន់យកវិធីសាស្ត្រអធ្យាស្រ័យគ្នា ដើម្បីបញ្ឈប់រាល់សកម្មភាពរើសអើងពូជសាសន៍គ្រប់ទម្រង់រូបភាពទាំងអស់៕ (ដកស្រង់ចេញពី Reuters)
ចែករំលែកព័តមាននេះ