អ្នកបើកបរគ្រប់រូបតែងតែជួបនូវបញ្ហាស្ពឹកស្រពន់ នៅពេលដែលគាត់បើកបររយៈពេលយូរ ។ ការបំពាក់នូវបច្ចេកវិទ្យាចុងក្រោយបំផុតរបស់រថយន្ត Ford Taurus អ្នកបើកបរនឹងទទួលបាននូវផាសុកភាព
អ្នកបើកបរគ្រប់រូបតែងតែជួបនូវបញ្ហាស្ពឹកស្រពន់ នៅពេលដែលគាត់បើកបររយៈពេលយូរ ។ ការបំពាក់នូវបច្ចេកវិទ្យាចុងក្រោយបំផុតរបស់រថយន្ត Ford Taurus អ្នកបើកបរនឹងទទួលបាននូវផាសុកភាពបំផុតសម្រាប់ការបើកបរ មិនថាចម្ងាយផ្លូវដែលត្រូវបើបករឆ្ងាយប៉ុណ្ណានោះទេ ដោយសារកៅអីម៉ាស្សាដែលបានបំពាក់លើរថយន្ត សម្រាប់អ្នកបើកបរក៏ដូចជាអ្នករួមដំណើរនៅផ្នែកខាងមុខផងដែរ។ ការបំពាក់កៅអីម៉ាស្សានៅលើរថយន្ត Ford Taurus នេះអាចផ្តល់ជូនអ្នកបើកបរ និងអ្នករួមដំណើរ នូវការម៉ាស្សាចាប់ពីជើងរហូតដល់ខ្នង អាស្រ័យទៅតាមរយៈពេលដែលលោកអ្នកចង់ម៉ាស្សា ។
ពិសេសជាងនេះទៅទៀត លោកអ្នកបើកបរអាចទទួលបាននូវសីតុណ្ហភាពពីផ្សេងគ្នាពីកៅអីម៉ាស្សារបស់រថយន្តនេះដែរ គឺសីតុណ្ណភាពក្តៅ ឬត្រជាក់សម្រាប់ជួយសម្រួលភាពធុញថប់ពីការបើកបរផងដែរ។ ការបំពាក់នូវប្រព័ន្ធផ្តល់នូវសីតុណ្ហភាពនៅលើកៅអីរបស់រថយន្ត Ford Taurus នេះមិនត្រឹមតែមាននៅផ្នែកខាងមុខនោះទេ កៅអីផ្នែកខាងក្រោយក៏បំពាក់នូវប្រព័ន្ធផ្តល់នូវសីតុណ្ហភាពពីផ្សេងគ្នា ដើម្បីជួយសម្រួលដល់ការធ្វើដំណើរសម្រាប់អ្នកធ្វើដំណើរដែលអង្គុយនៅផ្នែកខាងក្រោយផងដែរ ៕
សូមទស្សនាវីដេអូតាមរយៈតំណរភ្ជាប់នេះ ៖
ចែករំលែកព័តមាននេះ