រាជធានីភ្នំពេញ ៖ ថៅកែងហាងអូរប័រយីហោ មិន ខុនឱមារ្យ ត្រូវបានកម្លាំងនគរបាលខណ្ឌឬស្សីកែវ សហការជាមួយនគបាលប៉ុស្តិ៍ឬស្សីកែវ ឃាត់ខ្លួនតាមដីកាបង្កាប់ឲ្យចាប់ខ្លួន-ឃុំខ្លួនរបស់សាលាដំបូងរាជធានីភ្នំពេញពីបទរំលោភលើទំនុកចិត្តនិងពាក់ព័ន្ធជួល កម្មករចំនួន១០ដុល្លារ អោយវាយបំផ្លិចបំផ្លាញរបងអ្នកជិតខាង។…
រាជធានីភ្នំពេញ ៖ ថៅកែងហាងអូរប័រយីហោ មិន ខុនឱមារ្យ ត្រូវបានកម្លាំងនគរបាលខណ្ឌឬស្សីកែវ សហការជាមួយនគបាលប៉ុស្តិ៍ឬស្សីកែវ ឃាត់ខ្លួនតាមដីកាបង្កាប់ឲ្យចាប់ខ្លួន-ឃុំខ្លួនរបស់សាលាដំបូងរាជធានីភ្នំពេញពីបទរំលោភលើទំនុកចិត្តនិងពាក់ព័ន្ធជួល កម្មករចំនួន១០ដុល្លារ អោយវាយបំផ្លិចបំផ្លាញរបងអ្នកជិតខាង។
ការចាប់ខ្លួនថៅកែហាងអូរប័រខាងលើនេះបានធ្វើឡើងកាលពីវេលាម៉ោងប្រមាណ១០និង៣០នាទីព្រឹកថ្ងៃទី១៤ ខែតុលា ឆ្នាំ២០២០ នៅចំនុចផ្លូវជាតិលេខ៥ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ថៅកែហាងអូរប័រ ដែលត្រូវចាប់ខ្លួនខាងលើឈ្មោះមិន ឱមារ្យ ភេទប្រុស អាយុ៥៧ឆ្នាំ ជនជាតិខ្មែរ ស្នាក់នៅផ្ទះលេខ ៤៦៩ ផ្លូវជាតិលេខ៥ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ។
តាមនគរបាលខណ្ឌឬស្សីកែវ បានអោយដឹងថា ការចាប់ខ្លួននេះ អនុវត្តន៍តាមដីកាបង្កាប់ឲ្យចាប់ខ្លួន-ឃុំខ្លួន លេខ៥៧៧ដ.ច.ន របស់ចៅក្រមជំនុំជម្រះលោក ហន សុខេមរិន ចុះថ្ងៃទី២៥ ខែកក្កដា ឆ្នាំ២០១៩ ពីបទរំលោភលើទំនុកចិត្ត ប្រព្រឹត្តនៅរាជធានីភ្នំពេញ កាលពីថ្ងៃទី១៨ ខែឧសភា ឆ្នាំ២០១៦។
តាមដីការបង្កាប់ឲ្យចាប់ខ្លួន-ឃុំខ្លួន ក៏បានសម្រេចសេចក្កី១-ផ្តន្ទាទោសជនជាប់ចោទ មិន ឱមារ្យ ដាក់ពន្ធនាគារកំណត់រយៈពេល១ឆ្នាំ និងពិន័យជាប្រាក់២លានរៀលបង់ចូលរដ្ឋ ក្នុងបទល្មើសព្រហ្មទណ្ឌ ដែលមានចែងនិងអោយផ្តន្ទាទោសតាមបញ្ញាត្តិមាត្រា៩១និងមាត្រា៣៩២នៃក្រមព្រហ្មទណ្ឌ។
២-អោយឈ្មោះ មិន ឱមារ្យ សងប្រាក់សរុបចំនួន៣៧៩០ដុល្លារ ទៅអោយដើម្បីបណ្តឹងរដ្ឋប្បវេណីឈ្មោះយូស៊ុន ណាឆុង។៣.អោយឈ្មោះមិន ឱមារ្យ សងសំណងជួសជុលការខូចខាតនិងជំងឺចិត្តសរុបចំនួន១០លានរៀលទៅអោយដើម្បីបណ្តឹងឈ្មោះយូ ស៊ុនណាឆុង។ ៤-ចេញដិការបង្គ្រាប់អោយចាប់ខ្លួននិងឃុំខ្លួន ជនជាប់ជាប់ឈ្មោះ មិន ឱមារ្យដែលមានសាវតា ជាតិដូចខាងលើ តាមមាត្រាលេខ៥៣នៃនីតិវិធីព្រហ្មទណ្ឌ ។
តាមនគរបាលអោយដឹងទៀតថា ក្រៅពីពាក់ព័ន្ធនឹងដីកានេះ ថៅកែហាងអូរប័រនោះ ក៍បានជាប់ពាក់នឹងជួលកម្មករម្នាក់ឈ្មោះ ហ៊ុន ប៊ុនថន ភេទប្រុស អាយុ៣៣ឆ្នាំ មុខរបរកម្មករសំណង់ មានទីលំនៅផ្ទះជួល ផ្លូវលំ ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវករណីធ្វើអោយខូចខាតដោយចេតនា (យកពូថៅវាយបំផ្លិចបំផ្លាញរបង)អ្នកជិតខាងកាលពីថ្ងៃទី៧ ខែតុលា ឆ្នាំ២០២០។
តាមព័ត៌មានអោយដឹងទៀតថា ជនរងគ្រោះឈ្មោះ គួន ភីម៉ាលីន ភេទស្រី អាយុ៤១ឆ្នាំ មុខរបរលក់ដូរ មានទីលំនៅផ្ទះលេខ១៥E២ ផ្លូវ២៩៦ ភូមិ១០ សង្កាត់ទួលស្វាយព្រៃទី ២ ខណ្ឌចំការមន បានជួលជាងធ្វើរបងសង្ក័សីព័ទ្ធព្រំដីរបស់ខ្លួន នៅក្បែរហាងអូរប័រស្រាប់តែឈ្មោះ មិន ឱមារ្យ បានជួលជនសង្ស័យឈ្មោះ ហ៊ុន ប៊ុនថន អោយវាយកំទេចរបងសង្ក័សីរបស់ជនរងគ្រោះ ក្នុងតម្លៃ១០ដុល្លារ។
បន្ទាប់ពីឃាត់ខ្លួនឈ្មោះមិន ឱមារ្យ តាមដីកាជនដៃដល់ក៏ត្រូវបាននគរបាលឃាត់ខ្លួន នៅវេលារសៀលផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ