ADផ្ទាំងផ្សព្វផ្សាយពាណិជ្ជកម្ម

ភ្លៀងធ្លាក់ខ្លាំងពីរបីថ្ងៃ ស្រាប់តែក្លាយជង្ហុកធំមួយកណ្តាលផ្លូវជិតពេទ្យរុស្ស៊ី(វីដេអូ)

3 ឆ្នាំ មុន

ភ្នំពេញ
១៥ ខែ តុលា ឆ្នាំ ២០២០ ម៉ោង ០៩:៥១

រាជធានីភ្នំពេញ ៖ រ៉ឺម៉កម៉ូតូដឹកធុងទឹកកកយ៉ាងច្រើនសំពីងសំពោងមួយគ្រឿង បានក្រឡាប់ផ្ងារជើងប្រាស់ខ្លួនដេកទៅលើផ្លូវ បន្ទាប់ពីបុរសជាអ្នកបើករ់ឺម៉កដឹកពីផ្សារដើមគក្នុងបំណងយកទៅអ្នកលឿង ដោយធ្វើដំណើរតាមផ្លូវលេខ១៩៩ ក្បែរផ្សារសុវណ្ណា ហើយក៏ជិតមន្ទីរពេទ្យរុស្ស៊ីដែរ បណ្តាលឱ្យធ្លាក់ជង្ហុកនោះ ខណៈកាលពីពេលកន្លងមកតែងតែបានដឹកឆ្លងកាត់ផ្លូវមួយនេះរាល់ដងតែមិនអី…

ករណីខាងលើនេះដែរបានកើតឡើកាលពីវេលាម៉ោង១០និង១៥នាទីព្រឹកថ្ងៃទី១៣ ខែ តុលា ឆ្នាំ២០២០ នៅចំណុចផ្លូវលេខ១៩៩ កែងផ្លូវ ២៧១ (ក្បែរផ្សារសុវណ្ណា និងជិតមន្ទីរពេទ្យរុស្ស៊ី) ក្នុងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។

បុរសជាអ្នកបើករ៉ឺម៉កដឹកធុងទឹកកកខាងលើបានប្រាប់ឱ្យដឹងថា មុនពលកើតហេតុពួកគាត់មានគ្នា២នាក់ ដោយរូបគាត់ជាអ្នកបើករ៉ឺម៉ក និងម្នាក់ទៀតជិះខាងក្រោយ ព្រមទាំងបានដឹកធុងទឹកកក មានតូច មានធំសរុបពី៥៦ ទៅ៥៧ធុង ចេញពីម្តុំផ្សារដើមគ តាមបណ្តោយផ្លូវលេខ១៩៩នេះ ក្នុងគោលបំណងដឹកយកទៅកាន់ផ្សារអ្នកលឿង។

តាមប្រភពដដែលបានបន្តថា លុះមកដល់កន្លែងកើតហេតុខាងលើ ឃើញថា ផ្លូវមាន ការខូចខាតខ្លាំង ដោយផ្លូវមានជង្ហុកច្រើន ខ្លះជ្រៅ ខ្លះរាក់ ក៏ធ្លាក់កង់រ៉ឺម៉កម្ខាងក្រឡាប់តែម្តង ហើយធុងទឹកកកស្ទើរតែខ្ទាតទៅត្រូវចំរថយន្តម៉ាកឡិចស៊ីស ៥៧០ មួយគ្រឿង ដែលធ្វើដំណើរក្បែរនោះ ប៊ិះតែគ្មានលុយសងគេទៅហើយ តែពួកគាត់មិនមានអ្នកណាម្នាក់រងគ្រោះថ្នាក់ឡើយ។

តាមប្រភពដដែលក៏បានប្រាប់បន្តទៀតថា កាលពីពេលកន្លងមក រូបគាត់តែងតែបានបើករ៉ឺម៉កដឹកធុងទឹកកកឆ្លងកាត់តាមផ្លូវលេខ១៩៩នេះ យកទៅកាន់ផ្សារអ្នកលឿងជាញឹកញាប់ដែរ តែស្ថានភាពផ្លូវល្អស្អាតធម្មតាមិនអីទេ លុះក្នុងរយៈពេលពី២ទៅ៣ថ្ងៃនេះមានភ្លៀងធ្លាក់ខ្លាំងទើបធ្វើអោយផ្លូវខូចមានជង្ហុក និងធ្វើអោយរ៉ឺម៉កករបស់គាត់ធ្លាក់ ជង្ហុកក្រឡាប់ផ្ងារជើងបែបនេះតែម្តង។

ក្រោយពេលកើតហេតុ ដោយសារតែរ៉ឺម៉កម៉ូតូដែលមានដឹកធុងទឹកកកយ៉ាងច្រើនសំពីងសំពោង ធ្លាក់ជង្ហុកក្រឡាប់ផ្ងាជើងកណ្តាលផ្លូវនេះមិនបង្កគ្រោះថ្នាក់ដល់មនុស្សណាម្នាក់ និងប៉ះពាល់ដល់រថយន្ត និងម៉ូតូរបស់អ្នកដំណើរតាមផ្លូវណានោះ ទើបបុរសជាអ្នកបើកបរហៅរ៉ឺម៉កផ្សេងទៀតមកដឹកបន្តយកទៅវិញ ៕ (កែសម្រួលដោយ ៖ ធីតា)