Ronaldo អាចប្រឈមអវត្តមានជួយ Juventus ពេលប៉ះក្រុម Lionel Messi
អ៊ីតាលី ៖ កីឡាករ Cristiano Ronaldo បានវិលត្រឡប់មកកាន់ទីក្រុង Turin ប្រទេសអ៊ីតាលីវិញហើយ តាមរយៈយន្តហោះឯកជន បន្ទាប់ពីបានធ្វើតេស្តវិជ្ជមាន…
អ៊ីតាលី ៖ កីឡាករ Cristiano Ronaldo បានវិលត្រឡប់មកកាន់ទីក្រុង Turin ប្រទេសអ៊ីតាលីវិញហើយ តាមរយៈយន្តហោះឯកជន បន្ទាប់ពីបានធ្វើតេស្តវិជ្ជមាន…
អ៊ីតាលី ៖ កីឡាករ Cristiano Ronaldo បានវិលត្រឡប់មកកាន់ទីក្រុង Turin ប្រទេសអ៊ីតាលីវិញហើយ តាមរយៈយន្តហោះឯកជន បន្ទាប់ពីបានធ្វើតេស្តវិជ្ជមាន Covid-19 កាលពីថ្ងៃអង្គារកន្លងទៅ នៅប្រទេសព័រទុយហ្គាល់។
ក្រុមសេះបង្កង់ Juventus បានបញ្ជាក់កាលពីថ្ងៃពុធថា ខ្សែប្រយុទ្ធឆ្នើមរបស់ខ្លួន នឹងបន្តធ្វើចត្តាឡីស័កនៅផ្ទះរបស់ខ្លួន បន្ទាប់ពីការហោះហើរពីប្រទេសព័រទុយហ្គាល់ ត្រូវបានអនុញ្ញាតដោយអាជ្ញាធរសុខាភិបាល។
ប្រធានក្រុមជម្រើសជាតិព័រទុយហ្កាល់វ័យ ៣៥ឆ្នាំរូបនេះ នឹងចំណាយពេល ១០ថ្ងៃនៅដាច់ដោយឡែកពីគេ ដែលមានន័យថាគេអាចត្រឡប់មកទីលានប្រកួតវិញ នៅថ្ងៃទី២៣ ខែតុលា។
គេក៏នឹងត្រូវអវត្តមានការប្រកួតក្របខណ្ឌ Serie A ទល់នឹង Crotone នៅថ្ងៃទី១៧ ក៏ដូចជាការបើកឆាកវគ្គចែកពូលក្របខណ្ឌ Champions League ទល់នឹង Dynamo Kiev នៅថ្ងៃទី២០ ផងដែរ។ Ronaldo អាចលេងវិញ នៅប្រកួតទល់នឹង Hellas Verona នៅថ្ងៃទី២៥ ប៉ុន្តែវាអាស្រ័យលើលទ្ធផលតេស្តលើកចុងក្រោយ។
Juventus សង្ឃឹមថា Ronaldo នឹងជាសះស្បើយទាន់ពេលសម្រាប់ការប្រកួត Champions League ទល់នឹង Barcelona ដែលមានវត្តមានគូប្រជែងចាស់ Lionel Messi ។
សូមបញ្ជាក់ថា បើយោងតាមច្បាប់ការពារការឆ្លង Covid-19 ដែលចេញដោយ UEFA បានបញ្ជាក់ថា Ronaldo អាចលេងការប្រកួតទល់នឹង Barcelona បាន ដរាបណាការធ្វើតេស្តចុងក្រោយ បង្ហាញលទ្ធផលអវិជ្ជមានមួយសប្តាហ៍ មុនពេលការប្រកួតនៅថ្ងៃទី២៨ ខែតុលាចូលមកដល់។
ដោយឡែកបច្ចុប្បន្នកីឡាករក្រុមឈុតធំទាំងអស់របស់ Juventus ក៏កំពុងបានធ្វើចត្តាឡីស័កផងដែរ បន្ទាប់ពីខ្សែបម្រើអាមេរិក Weston McKennie បានធ្វើតេស្តវិជ្ជមានជាមួយវីរុសនេះ៕ (ដកស្រង់ចេញពី Goal)
ចែករំលែកព័តមាននេះ