រាងកាយរបស់មនុស្សប្រៀបបានជាម៉ាស៊ីនដ៏ឆ្លាតវៃមួយ។ ប្រសិនបើអ្នកបន្តធ្វើការដោយមិនអនុញ្ញាតឲ្យខ្លួនឯងគិត និងទទួលយកអ្វីដែលអ្នកបានរៀនពីសកម្មភាពរបស់អ្នក អ្នកមិនបានរៀនសូត្រអ្វីទេ។ លើសពីនេះទៅទៀត អ្នកនឹងមានការលំបាកក្នុងការទទួលស្គាល់ការសម្រេចរបស់អ្នក និងមានជំនឿចិត្តលើខ្លួនឯង ។ ខាងក្រោមគឺជាមូលហេតុដែលអ្នកត្រូវទុកពេលឲ្យខ្លួនទំនេរ និងសម្រាកខ្លះ៖…
រាងកាយរបស់មនុស្សប្រៀបបានជាម៉ាស៊ីនដ៏ឆ្លាតវៃមួយ។ ប្រសិនបើអ្នកបន្តធ្វើការដោយមិនអនុញ្ញាតឲ្យខ្លួនឯងគិត និងទទួលយកអ្វីដែលអ្នកបានរៀនពីសកម្មភាពរបស់អ្នក អ្នកមិនបានរៀនសូត្រអ្វីទេ។ លើសពីនេះទៅទៀត អ្នកនឹងមានការលំបាកក្នុងការទទួលស្គាល់ការសម្រេចរបស់អ្នក និងមានជំនឿចិត្តលើខ្លួនឯង ។ ខាងក្រោមគឺជាមូលហេតុដែលអ្នកត្រូវទុកពេលឲ្យខ្លួនទំនេរ និងសម្រាកខ្លះ៖
១. ការសម្រាកអនុញ្ញាតឲ្យអ្នករៀនសូត្រ
ការសម្រាកក្នុងអត្ថបទនេះមិនមែនមានន័យថាការមិនធ្វើអ្វីទាល់តែសោះទេ តែគឺការធ្វើសកម្មភាពមួយចំនួនដែលអនុញ្ញាតឲ្យអ្នកគិត និងឮំលឹកពីអ្វីដែលអ្នកធ្វើបានល្អ និងកំហុសឆ្គងដែលអ្នកអាចរៀនសូត្របាន។ វាអាចជាការដើរហាត់ប្រាណរៀងរាល់ព្រឹក ឬការអង្គុយផឹកកាហ្វេនៅថ្ងៃចុងសប្តាហ៍ជាដើម។ វាជាពេលដែលអ្នកអាចមើលឃើញអ្វីដែលអ្នកខ្វះខាត និងគិតពីអ្វីដែលអ្នកត្រូវធ្វើដើម្បីបន្តអភិវឌ្ឍន៍ខ្លួនឯងបន្ថែមទៀត។
២. ការសម្រាកអនុញ្ញាតឲ្យអ្នកមើលឃើញកាន់តែច្បាស់
ការចំណាយពេលច្រើនក្នុងការបំពេញការងារតូចៗ និងមិនទុកពេលក្នុងការគិតធ្វើឲ្យអ្នកខ្ជះខ្ជាយឱកាសក្នុងការគិតពីគោលដៅរយៈពេលវែងសម្រាប់អ្នក អាជីពអ្នក ឬអាជីវកម្មរបស់អ្នក។ បុគ្គលដែលជោគជ័យភាគច្រើនជាមនុស្សដែលចូលចិត្តគិតឲ្យបានវែងឆ្ងាយដើម្បីធានាថារាល់សកម្មភាពដែលពួកគេកំពុងតែធ្វើជួយដល់ពួកគេឲ្យខិតជិតគោលដៅធំៗទាំងនោះ។
៣. ការសម្រាកជួយពង្រឹងទំនាក់ទំនងជាមួយអ្នកដទៃ
ពេលដែលអ្នកកំណត់ពេលវេលាច្បាស់លាស់សម្រាប់ការដើរចេញពីការងារ អ្នកនឹងចាប់ផ្តើមមានពេលវេលាដើម្បីយកចិត្តទុកដាក់លើមនុស្សដទៃ និងពិនិត្យមើលឡើងវិញនូវទំនាក់ទំនងដែលអ្នកមានជាមួយមនុស្សជុំវិញខ្លួន។ វាមិនត្រឹមតែល្អសម្រាប់ការងារ និងអាជីវកម្មទេ តែថែមទាំងអាចជួយពង្រឹងដល់ទំនាក់ទំនងរបស់អ្នកជាមួយមនុស្សជាទីស្រលាញ់ថែមទៀត។
អ្នកត្រូវចងចាំថា ការមានការងារធ្វើជាប់រវល់គ្រប់ពេលមិនធានាថាអ្នកនឹងជោគជ័យនៅថ្ងៃមុខទេ។ ពេលខ្លះ ការសម្រាកដើម្បីគិតនិងរៀបចំផែនការមានសារៈសំខាន់ណាស់ដើម្បីអាចជួយឲ្យអ្នកដើរទៅមុខបានកាន់តែឆ្ងាយ ៕
ចែករំលែកព័តមាននេះ