រាជធានីភ្នំពេញ ៖ ព្រឹកថ្ងៃទី១៤ តុលា នេះ កត់សម្គាល់ឃើញប្រជាពលរដ្ឋជាអ្នកដំណើរដោយម៉ូតូជាច្រើនគ្រឿង បានរលត់ម៉ាស៊ីនម៉ូតូរបស់ខ្លួនគ្រប់គ្នាខណៈជិះកាត់ទឹកជន់លិចត្រង់ចំណុចផ្លូវលេខ៥៩៨ កែងផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ…
រាជធានីភ្នំពេញ ៖ ព្រឹកថ្ងៃទី១៤ តុលា នេះ កត់សម្គាល់ឃើញប្រជាពលរដ្ឋជាអ្នកដំណើរដោយម៉ូតូជាច្រើនគ្រឿង បានរលត់ម៉ាស៊ីនម៉ូតូរបស់ខ្លួនគ្រប់គ្នាខណៈជិះកាត់ទឹកជន់លិចត្រង់ចំណុចផ្លូវលេខ៥៩៨ កែងផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ ដោយអ្នកខ្លះត្រូវបណ្តើរ ខ្លះធាក់ម៉ូតូមិនឆេះ ហើយខ្លះបណ្តើរម៉ូតូទៅរកជាងជួសជុល គឺពិតជាពិបាកខ្លាំងមែនទែន ។
គួរបញ្ជាក់ថា កាលពីល្ងាចថ្ងៃទី១៣ តុលា មេឃចាប់ផ្តើមធ្លាក់ភ្លៀងរហូតជាច្រើនម៉ោង បង្កឱ្យទឹកហូរមិនទាន់ត្រូវជន់លិចតាមបណ្តាផ្លូវនានាក្នុងរាជធានភ្នំពេញ ។ ក្នុងនោះ នៅក្នុងខណ្ឌសែនសុខទាំងមូល ពិសេសផ្លូវ១៩៨៦ គឺរងគ្រោះលិចផ្លូវធ្ងន់ធ្ងរជាងគេប្រហែល៨០ ទៅ៩០%ឯណោះ ។ នេះបើតាមការអះអាងពីអាជ្ញាធរមូលដ្ឋាន ។
គួរបញ្ជាក់ទៀតថា គិតត្រឹមថ្ងៃទី១៤ តុលា នេះ គឺស្ថានភាពទឹកបានជន់លិចខ្លាំងជាងកាលពីប៉ុន្មានថ្ងៃមុនទៅទៀត ព្រោះទឹកហូរលែងទាន់ហើយ ។ កំពុងមានការបារម្ភ បើមេឃនៅបន្តធ្លាក់ភ្លៀងថ្ងៃនេះទៀតនោះ គឺកាន់តែវីវរមែនទែនហើយ ពិសេសនៅក្នុងទឹកដីខណ្ឌសែនសុខទាំងមូលតែម្តង។ ដូច្នេះ សូមបងប្អូនមានការប្រុងប្រយ័ត្នប្រយែងពីសុវត្ថិភាពរបស់ខ្លួនឱ្យបានខ្ពស់បំផុត ។
ចែករំលែកព័តមាននេះ