រាជធានីភ្នំពេញ ៖ សមត្ថកិច្ចអាជ្ញាធររាជធានីភ្នំពេញសហការជាមួយអាជ្ញាធរខេត្តកណ្តាលបានប្រកាសជូនដល់ប្រជាពលរដ្ឋដែលធ្វើដំណើរឆ្លងកាត់កំណាត់ផ្លូវជាតិលេខ៣អោយជ្រាបថា ចាប់ពីវេលាម៉ោង១២អធ្រាត្រថ្ងៃទី១៣ ខែតុលា ឆ្នាំ២០២០ នៅតាមបណ្តោយផ្លូវជាតិលេខ៣ ត្រង់ចំណុចស្ពាន7មករា ព្រំប្រទល់ខេត្តកណ្តាល បានបិទផ្លូវ…
រាជធានីភ្នំពេញ ៖ សមត្ថកិច្ចអាជ្ញាធររាជធានីភ្នំពេញសហការជាមួយអាជ្ញាធរខេត្តកណ្តាលបានប្រកាសជូនដល់ប្រជាពលរដ្ឋដែលធ្វើដំណើរឆ្លងកាត់កំណាត់ផ្លូវជាតិលេខ៣អោយជ្រាបថា ចាប់ពីវេលាម៉ោង១២អធ្រាត្រថ្ងៃទី១៣ ខែតុលា ឆ្នាំ២០២០ នៅតាមបណ្តោយផ្លូវជាតិលេខ៣ ត្រង់ចំណុចស្ពាន7មករា ព្រំប្រទល់ខេត្តកណ្តាល បានបិទផ្លូវ ជាបណ្ដោះអាសន្ន។
គោលដៅឆ្លងកាត់ស្ពានទំនប់៧មករា ត្រូវបានផ្អាកដំណើរការជាបណ្ដោះអាសន្នចំពោះរថ យន្តធុនធំដែលបើកឆ្លងកាត់ គឺចាប់បិទពីផ្លូវលេខ១០៤ ពីរង្វង់មូលគួរស្រូវ ឆ្ពោះទៅ ស្រុកកណ្ដាលស្ទឹង និងផ្លូវជាតិលេខ៣ ចាប់ពីរង្វង់មូលចោមចៅទៅ ។
តាមប្រភពពត៌មានពីសមត្ថកិច្ចនគរបាលខណ្ឌដង្កោនឹងកំលាំងគណៈបញ្ជាការឯកភាពស្រុកកណ្តាលស្ទឹងខេត្តកណ្ដាល បានអោយដឹងថា រថយន្តធុនធំដែលបើកបរតាមបណ្តោយផ្លូវជាតិលេខ៣ ត្រង់ចំណុចស្ពាន៧មករា បានបិទមិនឲ្យដំណើរការជាបណ្ដោះអាសន្នសិន ចំណែករថយន្តដឹកអ្នកដំណើរ នឹងរថយន្តដឹកកម្មករ ព្រមទាំងរថយន្តធុនល្មម បើកដំណើរការជាធម្មតា ។
សមត្ថកិច្ចដដែលបានបន្តទៀតថា រថយន្ដធុនធំដែលបើកបរតាមបណ្តោយផ្លូវជាតិលេខ៣ ចេញពីរង្វង់មូលចោមចៅឆ្ពោះទៅស្ពាន៧មករា មានផ្លូវ វាង២ បត់ស្តាំឆ្ពោះទៅផ្លូវផ្សារ បែកចាន នឹងបត់ឆ្វេងឆ្ពោះទៅផ្លូវព្រៃសខណ្ឌដង្កោ ចំណែករថយន្តធុនធំ ដែលបើកបរ តាមបណ្តោយផ្លូវជាតិលេខ៣ចេញពីបណ្តាខេត្តមកកាន់ស្ពាន៧មករា បានអោយឈប់នឹងអោយបត់ត្រឡប់ក្រោយវិញ ។
ការបិទផ្លូវនេះនឹងបើកឲ្យដំណើរការធម្មតាឡើងវិញ ខណៈពេលដែលស្ថានភាពទឹកភ្លៀង ឈប់បន្តជន់លិចទៀត ៕ (កែសម្រួលដោយ ៖ ធីតា)
ចែករំលែកព័តមាននេះ