ខេត្តព្រះសីហនុ ៖ ពស់ថ្លាន់១ក្បាលមានទម្ងន់ជាង៧គីឡូក្រាម ត្រូវពលរដ្ឋចាប់បានបន្ទាប់ពីពស់ថ្លាន់១ក្បាលនេះលូនចូលក្នុងក្នុងចម្ការមួយកន្លែងរកស៊ីមាន់ នៅភូមិព្រែកប្រស់ ឃុំទឹកថ្លា ស្រុកព្រៃនប់ កាលពីវេលាម៉ោងជាង៩យប់ថ្ងៃទី១១ ខែតុលា ឆ្នាំ២០២០…
ខេត្តព្រះសីហនុ ៖ ពស់ថ្លាន់១ក្បាលមានទម្ងន់ជាង៧គីឡូក្រាម ត្រូវពលរដ្ឋចាប់បានបន្ទាប់ពីពស់ថ្លាន់១ក្បាលនេះលូនចូលក្នុងក្នុងចម្ការមួយកន្លែងរកស៊ីមាន់ នៅភូមិព្រែកប្រស់ ឃុំទឹកថ្លា ស្រុកព្រៃនប់ កាលពីវេលាម៉ោងជាង៩យប់ថ្ងៃទី១១ ខែតុលា ឆ្នាំ២០២០ ។
បើតាមពលរដ្ឋប្រាប់ថា ពស់ថ្លាន់នេះគាត់នឹងយកទៅដាក់នៅសាលាស្រុក ដើម្បីទុកប្រគល់ជូនមន្ត្រីជំនាញចាត់ចែងអភិរក្ស ។
នេះគឺជាលើកទី៣ហើយ ដែលមានពស់ថ្លាន់ចូលស៊ីមាន់អ្នកភូមិ ។ កាលពីល្ងាចថ្ងៃទី៩ ខែ
តុលា ឆ្នាំ២០២០កន្លងទៅ នៅភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ក៏មានពស់ថ្លាន់១ក្បាលដែរ ដែលចូលមកស៊ីមាន់អ្នកភូមិដូចគ្នា ។
ប៉ុន្តែដោយសារតែមិនមានអ្នកណាហ៊ានចូលទៅដេញឬហ៊ានចាប់ពស់ថ្លាន់នេះ ក៏បានស្នើសុំអាជ្ញាធរមូលដ្ឋានក៏ដូចជាសមត្ថកិច្ចពាក់ព័ន្ធ ឲ្យជួយដេញឬយកពស់ថ្លាន់ធំនេះចេញ ដើម្បីការពារខ្លាចប៉ះពាល់ដល់សុវត្ថិភាពអ្នកភូមិជាពិសេសក្មេងៗ ។
ដោយឡែក កាលពីប៉ុន្មានខែមុន នៅឃុំទំនប់រលក ស្រុកស្ទឹងហាវ ក៏មានពស់ថ្លាន់ចូលស៊ីមាន់អ្នកភូមិនៅពេលយប់ដូចគ្នានេះដែរ ៕
ចែករំលែកព័តមាននេះ