រាជធានីភ្នំពេញ ៖ ឃ្លាំងស្តុកសារធាតុគីមីមួយកន្លែង ត្រូវអគ្គិភ័យឆាបឆេះឡើងផ្សែងហុយ ខ្មួលខ្មាញ់អស់ជាច្រើនម៉ោងមកហើយ និងផ្ទុះលាន់យ៉ាងកក្រើក ខណៈពេលដែលសមត្ថកិច្ចបាញ់ទឹកពន្លត់ បង្កឱ្យមានការភ្ញាក់ផ្អើលកាលពីម៉ោងប្រមាណ១០និង៣០នាទីព្រឹក ថ្ងៃទី១១ ខែតុលា…
រាជធានីភ្នំពេញ ៖ ឃ្លាំងស្តុកសារធាតុគីមីមួយកន្លែង ត្រូវអគ្គិភ័យឆាបឆេះឡើងផ្សែងហុយ ខ្មួលខ្មាញ់អស់ជាច្រើនម៉ោងមកហើយ និងផ្ទុះលាន់យ៉ាងកក្រើក ខណៈពេលដែលសមត្ថកិច្ចបាញ់ទឹកពន្លត់ បង្កឱ្យមានការភ្ញាក់ផ្អើលកាលពីម៉ោងប្រមាណ១០និង៣០នាទីព្រឹក ថ្ងៃទី១១ ខែតុលា ឆ្នាំ២០២០ នៅតាមផ្លូវបេតុង មុខវត្តក្រាំងធ្នង់ ស្ថិតក្នុងភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ ។
ឃ្លាំងដែលត្រូវអគ្គិភ័យឆាបឆេះនោះ មានទំហំប្រមាណ១១,៥០ម៉ែត្រ គុណ១៧ម៉ែត្រ ធ្វើអំពីបេតុងប្រក់ស័ង្កសី ដែលមានម្ចាស់ឈ្មោះ អ៊ាម សុភ័ក្ត្រា ភេទប្រុស អាយុ៤០ឆ្នាំ ដែលបានជួលទៅឱ្យស្ត្រីម្នាក់ឈ្មោះឈុន ណាវ៉ែត អាយុ៣២ឆ្នាំ ដើម្បីស្តុកម៉ៅក្លសម្រាប់សម្លាប់មេរោគ( CALCIUM HYPOCHLORITE)។
បើតាមប្រភពនៅកន្លែងកើតហេតុបានឱ្យដឹងថា នៅមុនកើតហេតុ ស្រាប់តែភ្លើងបានឆាបឆេះ ខណៈពេលដែលឃ្លាំងបានចាក់សោទុកចោល ហើយបង្កឱ្យមានការភ្ញាក់ផ្អើលដល់ប្រជាពលរដ្ឋ និងអាជ្ញាធរ សមត្ថកិច្ចបាននាំគ្នាហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់ ។
សមត្ថកិច្ចបានឱ្យដឹងថា សារធាតុដែលនៅក្នុងឃ្លាំងជាសារធាតុគីមីបានប្រតិកម្មជាងមួយនឹងទឹក នៅពេលដែលបាញ់ទឹកពន្លត់មិនរលត់នោះទេ ហើយភ្លើងរឹតតែឆេះ និងពុះរងំផ្ទុះលាន់យ៉ាងកក្រើនតែម្តង។ ខណៈពេលនោះសមត្ថកិច្ចមានការលំបាកក្នុងការបាញ់ពន្លត់ រួមជាមួយនឹងក្លិនសាយភាយបង្កឱ្យប៉ះពាល់ដល់សុខភាព មិនអាចឱ្យចូលជិតបានឡើយ។ ភ្លើងនោះតែបន្តឆេះងំ រហូតដល់រសៀលថ្ងៃដដែល សមត្ថកិច្ចក៏បានបន្តជញ្ជូនសារធាតុនោះទេ ព្រមទាំងរិះរកវិធីដើម្បីពន្លត់។
បើតាមម្ចាស់ឃ្លាំងឈ្មោះ អ៊ាម សុភក្ត្រា បានអោយដឹងថា លោកបានជួលឃ្លាំងខាងលើនោះ ទៅឱ្យស្ត្រីម្នាក់ដើម្បីស្តុកម្សៅក្លសម្រាប់សម្លាប់មេរោគដោយកុងត្រា៣ឆ្នាំ ហើយថ្មីៗនេះ ម្ចាស់ទំនិញអ្នកជួលក៏បានប្រាប់ថា គាត់នឹងរើអីវ៉ាន់ចេញនៅពេលឆាប់នេះ ស្រាប់តែ មានគេតេប្រាប់ថា ឃ្លាំងត្រូវភ្លើងឆេះតែម្តង ។
ចំណែកកម្មករឃ្លាំងឈ្មោះ សើរ ឡុង ភេទប្រុស អាយុ២១ឆ្នាំ បានឱ្យដឹងថា នៅមុនកើតហេតុ ខ្លួនកំពុងតែធ្វើការនៅឃ្លាំងមួយកន្លែងទៀតម្តុំវត្តឈូកវ៉ា ថៅកែស្រីក៏បានឱ្យមកចាក់សោឃ្លាំងបើកយកម៉ាស់ ស្រាប់តែឃើញឃ្លាំងត្រូវភ្លើងឆេះផ្សែងហុយទ្រលោមតែម្តង ។
តាមកម្មកររូបនោះ ឱ្យដឹងទៀតថា ឃ្លាំងនោះ មានស្តុកសារធាតុសាច់ជួ, ថ្មកំបោរ និងក្ល ប្រមាណ៤ថ្ងៃមុន ហើយសារធាតុនោះ ទុកខាងក្រៅត្រូវទឹកឆេះម្តងមកហើយ ។
តាមនគរបាលការិយាល័យ បង្ការ ពន្លត់អគ្គីភ័យ និងសង្គ្រោះ នៃស្នងការនគរបាលរាជធានីភ្នំពេញបានឱ្យដឹងថា នៅក្នុងហេតុការណ៍ពន្លត់ពន្លត់អគ្គិភ័យទៅអន្តរាគមន៍ចំនួន១០គ្រឿង ហើយភ្លើងក៏បានរលត់នៅវេលាម៉ោងប្រមាណ២រសៀល ។
ទាក់នឹងទិននឹងការកើតមានអគ្គីភ័យនេះ សមត្ថកិច្ចពុំទាន់ដឹងថា បណ្តាលមកពីមូលហេតុឡើយ តែគេមានការសង្ស័យថា អាចបណ្តាលមកពីដំបូលលិចទឹក ហើយស្រក់ចុះប៉ះជាមួយនឹងសារធាតុគីមីនេះ ទើបបង្កឱ្យមានប្រតិកម្មក្លាយទៅជាអគ្គិភ័យបែបនេះតែម្តង៕
ចែករំលែកព័តមាននេះ