ស្រុកព្រៃនប់-ព្រះសីហនុ ៖ នេះជាករណីទី២ហើយ នៅក្នុងទឹកដីខេត្តព្រះសីហនុ ដែលមានពស់ថ្លាន់ធំៗចូលទៅក្នុងភូមិឋានពលរដ្ឋ ដែលវាររកចំណីផ្តោតសំខាន់លើសត្វ
មាន់ ។
ជាក់ស្តែង មានពលរដ្ឋបានរាយការណណ៍ថា ពស់ថ្លាន់ធំមួយក្បាលបានចូលខាំសម្លាប់មាន់អ្នកភូមិធ្វើជាចំណី កើតឡើងនៅព្រលប់ថ្ងៃទី០៩ តុលា ស្ថិតនៅភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
បើតាមពលរដ្ឋបានប្រាប់តាមទូរស័ព្ទបន្ថែមទៀតថា ដោយសារតែមិនមានអ្នកណាហ៊ានចូលទៅដេញឬចាប់ពស់នេះ បានស្នើសុំអជ្ញាធរមូលដ្ឋានឬសមត្ថកិច្ចពាក់ព័ន្ធ មេត្តាជួយដេញ ឬយកពស់ថ្លាន់ធំនេះចេញ ដើម្បីការពារខ្លាចប៉ះពាល់សវុត្ថិភាពមនុស្ស ជាពិសេសក្មេងៗ ។
គួរបញ្ជាក់ថាថា នេះជាលើកទី២ហើយ ដែលពស់ថ្លាន់ចូលទៅស៊ីមាន់អ្នកភូមិ ដែលលើកទីមួយបានកើតឡើងនៅឃុំទំនប់រលក ស្រុកស្ទឹងហាវ ខេត្តព្រះសីហនុ ចូលរកស៊ីមាន់ពេលយប់ដូចគ្នា តែត្រូវបានក្រុមបានក្រុមជំនាញចាប់យកទៅរក្សាទុកនៅពេលព្រឹក ។
នេះជាសារមួយសម្រាប់បងប្អូនប្រជាពលរដ្ឋយើងផងដែរ ស្ថិតតាមបណ្តាតំបន់នានា ដែលកំពុងជួបប្រទះនូវបញ្ហាជំនន់ទឹកភ្លៀងលិចលង់នេះ គឺត្រូវមានការប្រុងប្រយ័ត្នឱ្យបានខ្ពស់ជានិច្ច ព្រោះយើងមិនដឹងថា តើមានសត្វកាចៗណាខ្លះអ្វីខ្លះចេញមកនោះ ដែលអាចធ្វើឱ្យយើងគ្រោះថ្នាក់បាន ។
ចែករំលែកព័តមាននេះ