រាជធានីភ្នំពេញ ៖ បុរសម្នាក់ដែលគេអះអាងថា ជាឪពុកចុងបានប្រើអំពើហិង្សាមកលើកូនប្រុសរបស់ខ្លួន(កូនប្រពន្ធប្តីមុន) បង្កអោយមានការភ្ញាក់ផ្អើលដល់អ្នកដំណើរដែលឈឺឆ្អាលនាំគ្នាឃាត់ហើយ រាយការណ៍ប្រាប់សមត្ថកិច្ច ដែលហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោងប្រមាណ១១និង៤០នាទីថ្ងៃត្រង់ ទី០៩ ខែតុលា…
រាជធានីភ្នំពេញ ៖ បុរសម្នាក់ដែលគេអះអាងថា ជាឪពុកចុងបានប្រើអំពើហិង្សាមកលើកូនប្រុសរបស់ខ្លួន(កូនប្រពន្ធប្តីមុន) បង្កអោយមានការភ្ញាក់ផ្អើលដល់អ្នកដំណើរដែលឈឺឆ្អាលនាំគ្នាឃាត់ហើយ រាយការណ៍ប្រាប់សមត្ថកិច្ច ដែលហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោងប្រមាណ១១និង៤០នាទីថ្ងៃត្រង់ ទី០៩ ខែតុលា ឆ្នាំ២០២០ នៅតាមបណ្តោយផ្លូវលេខ ២០០៤ ភូមិស្លែងរលើង សង្កាត់អូរបែកក្អម ខណ្ឌសែនសុខ ។
ទោះបីជាយ៉ាងណាបន្ទាប់ពីប្រើហិង្សាររួចហើយប្រពន្ធមកដល់បុរសដែលជាប្តីវាយកូនចុងក៏បានគេចខ្លួនបាត់ ។ បុរសដែលបង្កហិង្សានោះពុំត្រូវបានស្គាល់អត្តសញ្ញាណឡើយ ជិះម៉ូតូម៉ាកហុងដាឌ្រីម ពាក់ស្លាកលេខ តាកែវ ១S.១៦៦២ ។ ចំណែកស្ត្រីជាម្តាយត្រូវបានគេស្គាល់ថា ឈ្មោះ ណា វី អាយុ៣៥ឆ្នាំ ស្នាក់នៅចំការដូង ខណ្ឌដង្កោ ។
តាមសាក្សីបានអោយដឹងថា នៅមុនពេលកើតហេតុគេឃើញ បុរសដែលគេអះអាងថា ជាឪពុកចុងរបស់ក្មេងបានជិះម៉ូតូមួយគ្រឿងខាងលើធ្វើដំណើរតាមបណ្តោយផ្លូវលេខ ២០០៤ ក្នុងទិសដៅពីកើតទៅលិច ដោយឌុបកូនប្រុសចុងម្នាក់ អាយុ៤ឆ្នាំ ។ នៅតាមដងផ្លូវគេឃើញបុរសរូបនោះបានប្រើហិង្សាមកលើក្មេងដោយវាយមុខជាច្រើនដៃ និងចាប់អុកនឹងម៉ូតូដោយឃើញដូចនោះអ្នកដំណើរ២នាក់ក៏បានសួរនាំបុរសនោះថា មិនមែនកូន ហើយសួរក្មេងថា មិនមែនឪពុកក៏មានការសង្ស័យអ្នកដំណើរក៏បានឃាត់អោយឈប់ហើយរាយការណ៍ទៅនគរបាលមូលដ្ឋានអោយចុះអន្តរាគមន៍បង្កអោយមានការភ្ញាក់ផ្អើលឡើង ។
តាមអ្នកដំណើរបានអះអាងថា ក្មេងនោះត្រូវបានបុរសនោះវាយជាំមុខបែកមាត់ តែជាក់ស្តែងសមត្ថកិច្ច មិនឃើញជាំនោះទេ គឺគ្រាន់តែដាច់អញ្ចាញតែបន្តិច ។ តាមព័ត៌មានអោយដឹងទៀតថា លុះក្រោយមកក៏មានស្រីម្នាក់អះអាងថា ជាម្តាយក៏បាននាំកូនប្រុសម្នាក់ទៀតមកដល់ ហើយក៏បានទទួលយកក្មេងដែល រងគ្រោះនោះ ។ ភ្លាមនោះបុរសម្នាក់នោះក៏បានជិះម៉ូតូទៅបាត់ថាទៅផ្សារអូរឬស្សី ។ ខណៈនោះដែរនគរបាលមូលដ្ឋានក៏បានចុះទៅសួរនាំ តែត្រូវបានស្ត្រីរូបនោះអះអាងថា អ្នកវ៉ៃជាឪពុកដោយវ៉ៃប្រដៅបន្តិចបន្តួចតែប៉ុណ្ណោះ ។
តាមស្ត្រីម្នាក់ដែលជាបងស្រីក្មេងរូបនោះបានអោយដឹងថា ប្អូនជាក្មេងរពិស ហើយត្រូវអ៊ំដែលជាឪពុកចុងរបស់ខ្លួនវាយប្រដៅ ។ បន្ទាប់ពីភ្ញាក់ផ្អើលនគរបាលក៏បានសួរនាំស្ត្រីជាម្តាយថា ឪពុក ជាអ្នកវ៉ៃប្រដៅ ហើយពុំឃើញមានរបួសម្នាក់ឡើយនគរបាលក៏បានអោយនាំកូនត្រឡប់ទៅផ្ទះបាត់ទៅ ៕
ចែករំលែកព័តមាននេះ