លោកដេនៀល អេក (Daniel Ek) ដែលជាសហស្ថាបនិករបស់ក្រុមហ៊ុន Spotify មានទម្លាប់ពេកព្រឹកចម្លែកមួយដូចនាយកប្រតិបត្តិជោគជ័យជាច្រើនទៀតដែរ។ ប៉ុន្តែបើប្រៀបធៀបនឹងអ្នកដឹកនាំមួយចំនួន លោកអេនបាននិយាយក្នុងបទសម្ភាសន៍ថាលោកប្រៀបដូចជាខ្ចិលច្រអូសជាងអ្នកដទៃ។ លោកបានប្រាប់ក្នុងបទសម្ភាសន៍មួយថា…
លោកដេនៀល អេក (Daniel Ek) ដែលជាសហស្ថាបនិករបស់ក្រុមហ៊ុន Spotify មានទម្លាប់ពេកព្រឹកចម្លែកមួយដូចនាយកប្រតិបត្តិជោគជ័យជាច្រើនទៀតដែរ។ ប៉ុន្តែបើប្រៀបធៀបនឹងអ្នកដឹកនាំមួយចំនួន លោកអេនបាននិយាយក្នុងបទសម្ភាសន៍ថាលោកប្រៀបដូចជាខ្ចិលច្រអូសជាងអ្នកដទៃ។
លោកបានប្រាប់ក្នុងបទសម្ភាសន៍មួយថា «ខ្ញុំក្រោកឡើងនៅម៉ោង ៦ កន្លះព្រឹក និងចំណាយពេលជាមួយកូនៗនិងប្រពន្ធរបស់ខ្ញុំ។ នៅម៉ោង ៧កន្លះព្រឹក ខ្ញុំធ្វើលំហាត់ប្រាណ។ នៅម៉ោង ៨កន្លះ ខ្ញុំចេញដើរ ទោះជានៅរដូវរងាក៏ដោយ។ ខ្ញុំគិតថាវាជាពេលល្អបំផុតសម្រាប់ការគិត។»
នៅម៉ោង ៩ កន្លះព្រឹក លោកអេកអានប្រមាណ៣០នាទីទៅ១ម៉ោងសិនមុននឹងចាប់ផ្តើមធ្វើការ។ លោកបានប្រាប់ថា «ពេលខ្លះខ្ញុំអានព័ត៌មាន ប៉ុន្តែអ្នកក៏នឹងអាចឃើញសៀវភៅដែលតែងតែផ្លាស់ប្តូរក្នុងការិយាល័យរបស់ខ្ញុំ ជិតគ្រែគេង លើតុក្នុងផ្ទះដែរ។»
លោកចាប់ផ្តើមធ្វើការនៅម៉ោង ១០ កន្លះព្រឹក។ មនុស្សជាច្រើនចូលចិត្តធ្វើការសម្រេចចិត្តធំៗនៅពេលព្រឹក តែលោកចូលចិត្តធ្វើការសម្រេចចិត្តធំៗនៅពេលល្ងាចទៅវិញ ព្រោះតែលោកមានបុគ្គលិកជាច្រើននៅសហរដ្ឋអាមេរិក ខណៈដែលលោកនៅប្រទេសស៊ុយអែត។
លោកមហាសេដ្ឋីជេហ្វ បេសូស (Jeff Bezos) ដែលជានាយកប្រតិបត្តិរបស់ Amazon និងបុរសដែលមានទ្រព្យសម្បត្តិច្រើនជាងគេលើលោកក៏ចូលចិត្តធ្វើការនៅម៉ោង ១០ កន្លះដែរ។ លោកធ្លាប់បាននិយាយក្នុងបទសម្ភាសន៍មួយថា លោកចូលចិត្តធ្វើការសម្រេចចិត្តធំៗនៅម៉ោង ១០កន្លះ។ប៉ុន្តែសម្រាប់លោកអេកវិញ លោកចូលចិត្តប្រើពេកព្រឹករបស់លោកសម្រាប់ការណែនាំបុគ្គលិក និងរៀបចំកិច្ចការ។ បន្ទាប់មក លោកចូលចិត្តដោះស្រាយប្រធានបទមួយក្នុងមួយថ្ងៃដែលទាមទារពេលវេលាច្រើណាស់ពីលោក។
ជាមួយគ្នានេះដែរ លោកអេកក៏ចំណាយពេលចករើនត្រៀមខ្លួនសម្រាប់ការប្រជុំដែរ ដូចជាអាន និងនិយាយជាមួយសមាជិកក្នុងក្រុមដែលជាផ្នែកមួយនៃការសម្រេចចិត្ត ឬមានទស្សនៈ និងចំណេះដឹងពីប្រធានបទនោះ។ ពេលខ្លះទៀតលោកក៏សួរអ្នកជំនាញដែលនៅក្រៅក្រុមហ៊ុនដែរ។ លោកបានបន្ថែមទៀតថា «មនុស្សមិនដែលមានពេលគ្រប់គ្រាន់សម្រាប់ការងារ គ្រួសារ និងមិត្តភក្តិទេ ហើយវាទាមទារឲ្យមានការខិតខំប្រឹងប្រែងដើម្បីប្រើពេលវេលាឲ្យបានល្អបំផុត។»
ចែករំលែកព័តមាននេះ