ក្នុងពេលដែលសេដ្ឋកិច្ចកំពុងតែទទួលរងការប៉ះពាល់ពីការផ្ទុះជំងីកូវីដ ១៩ ការការពារសុខភាពផ្លូវចិត្តរបស់អ្នកមានសារៈសំខាន់ណាស់ ព្រោះការឆ្លើយតបរបស់មនុស្សទៅនឹងការផ្លាស់ប្តូរ និងឧបសគ្គផ្សេងៗអាចមានឥទ្ធិពលខ្លាំងណាស់ទៅលើភាពជោគជ័យរបស់ពួកគេ។ ប្រសិនបើអ្នកចង់ធ្វើឲ្យជីវិតរបស់អ្នកកាន់តែល្អប្រសើរឡើងនោះ អ្នកគួរតែរៀនលុបបំបាត់នូវទម្លាប់មិនល្អៗមួយចំនួន៖
១. អនុវត្តផ្នត់គំនិតអាចធ្វើបាន
អ្នកប្រហែលជាធ្លាប់លឺ ឬធ្លាប់អនុវត្តទម្លាប់នេះខ្លួនឯងផ្ទាល់ផងដែរ។ នៅពេលដែលចង់ធ្វើអ្វីមួយ អ្នកបែរជាគិតតែឧបសគ្គដែលបង្កឲ្យខ្លួនគិតថាវាមិនអាចទៅរួច។ ឧទាហរណ៍ អ្នកមានគំនិតបើកអាជីវកម្មផ្ទាល់ខ្លួនមួយតែអ្នកគិតថាអ្នកមិនមានសមត្ថភាពព្រោះតែមិនមានបទពិសោធន៍ពីមុនមកជាដើម។
ដើម្បីសម្រេចបានគោលដៅផ្សេងៗក្នុងជីវិត មនុស្សត្រូវតែចេះសម្របខ្លួនទៅនឹងបរិស្ថានផ្សេងៗក្នុងជីវិត។ ជាក់ស្តែង អ្នកត្រូវតែធ្វើការផ្លាស់ប្តូរធំៗមួយចំនួនដើម្បីអាចសម្រេចវាបាន។ ដូច្នេះប្រសិនបើអ្នកប្រកាន់ខ្ជាប់ផ្នត់គំនិតអាចធ្វើបាន មិនមានអ្វីដែលអ្នកមិនអាចធ្វើបានទេ។
២. បណ្តុះចិត្តចង់ជួយអ្នកដទៃ
សូក្រាតធ្លាប់និយាយថា មនុស្សគួរតែរក្សាចិត្តឲ្យល្អ ព្រោះមនុស្សម្នាក់ៗដែលអ្នកជួបកំពុងតែប្រយុទ្ធក្នុងសង្គ្រាមដ៏ពិបាកមួយ។ ជាក់ស្តែង អ្នកមិនអាចមើលឃើញទុក្ខលំបាករបស់មនុស្សម្នាក់ទាំងស្រុងទេប្រសិនបើពួកគេមិនបង្ហាញ ឬនិយាយប្រាប់អ្នក។ លើសពីនេះទៅទៀត ការសម្តែងចិត្តចង់ជួយអ្នកដទៃអាចជះឥទ្ធិពលល្អៗដែលបង្កើតនូវឱកាសផ្សេងៗក្នុងជីវិតរបស់អ្នកបានដែរ ៕
ចែករំលែកព័តមាននេះ