សហរដ្ឋអាមេរិក ៖ ពេលនេះក្បាលម៉ាស៊ីនសន្តិសុខជាតិអាមេរិក កំពុងរងការគាបសង្កត់ដោយសារការឆ្លងរាលដាលនៃវីរុស COVID-19 ។ ក្រោយពីប្រធានាធិបតីអាមេរិកលោកដូណាល់ ត្រាំ វិលចូលសេតវិមានវិញ ក្រោយចូលពេទ្យ៣ថ្ងៃព្រោះឆ្លងវីរុស ឥឡូវក្នុងផ្ទៃសេនាធិការដ្ឋានកងទ័ពអាមេរិក ត្រូវស្ថិតក្នុងស្ថានភាពចត្តាឡីស័កកាលពីថ្ងៃទី៦ ខែតុលា ឆ្នាំ២០២០ បន្ទាប់ពីកិច្ចប្រជុំមួយ ជាមួយជនលេខ២ នៃកងឆ្មាំឆ្នេរសមុទ្រ ដែលធ្វើតេស្តឃើញលទ្ធផលវិជ្ជមាននៃការឆ្លងCOVID-19 ។
ឧត្ដមនាវី CHARLES RAY បានចូលរួមកាលពីថ្ងៃទី២៧ កញ្ញា ក្នុងកិច្ចប្រជុំមួយនៅសេតវិមាន ជាកិត្តិយសដល់បណ្ដាគ្រួសារអាមេរិកដែលទទួលមេដាយអាមេរិក។ កិច្ចប្រជុំនោះចូលរួម ក្រៅពីនាយសេនាធិការកងទ័ពអាមេរិក ឧត្ដមសេនីយ MARRK MILLEY នាយទាហានជាន់ខ្ពស់អាមេរិកមានជនលេខ២ នៃសេនាធិការដ្ឋានកងទ័ពអាមេរិក ប្រមុខកងទ័ពជើងទឹក មេបញ្ជាការកងទ័ពជើងគោក មេទ័ពជើងអាកាស មេបញ្ជាការកងកម្លាំងអវកាស មេបញ្ចាការកងកម្លាំងឆ្មាំជាតិនិងមេបញ្ជាការ កងស៊ើបការណ៍យោធាព្រមទាំងមេបញ្ជាការកងកម្លាំងពិសេសសុទ្ធតែចូលរួមក្នុងកិច្ចប្រជុំនេះ ដែលពួកគេត្រូវស្ថិតនៅដាច់ពីគេ។ នេះជាការអះអាងរបស់អ្នកទទួលខុសត្រូវមន្ទីរប៉ង់តាហ្គោនមួយរូបដែលមិនបញ្ចេញឈ្មោះ។
រដ្ឋមន្ត្រីការពារប្រទេសអាមេរិកលោក MARK ESPER ដែលកាលពីសប្ដាហ៍មុនបានទៅកាន់តំបន់ MAGHREB មិនបានស្ថិតក្នុងស្ថានភាពធ្វើចត្តាឡីស័កឡើយ។ កាលពីថ្ងៃទី៦ ខែតុលា លោកបានចូលរួម ក្នុងសន្និសីទមួយស្ដីពីអនាគតរបស់កងទ័ពជើងទឹកអាមេរិក រៀបចំធ្វើឡើងដោយមជ្ឈមណ្ឌលពិចារណាពិសេស គឹមជ្ឈមណ្ឌលCENTER FOR STRATEGIC AND BUDGETARY ASSESSMENTS។
មន្ទីរប៉ង់តាហ្កោន ក្នុងសេចក្ដីប្រកាសមួយអះអាងថា ប្រការដែលមេទ័ពអាមេរិកច្រើនរូបធ្វើការពីនិវេសនដ្ឋានរបស់ពួកគេ ក៏ពុំមានផលប៉ះពាល់លើការរៀបចំឬសមត្ថភាពប្រតិបត្តិការ របស់កងទ័ពអាមេរិកឡើយ។ បណ្ដានាយទាហានជាន់ខ្ព្ស់អាមេរិកគូសបញ្ជាក់ថា កម្រិតប្រកាសអាសន្ន មិនត្រូវបានបង្កើនថែមឡើយ ក្រោយការប្រកាសពីប្រធានាធិបតីឆ្លងវីរុសកាលពីសប្ដាហ៍មុនមក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ