ខេត្តបន្ទាយមានជ័យ ៖ ប្រជាកសិករបានបង្កបង្កើនផលស្រូវលើកទី២ដែលភាគច្រើនស្រូវសែនក្រអូបនៅពេលដែលធ្វើលើកទី១ ជួបគ្រោះរាំងស្ងួតនៅស្រុកមង្គលបូរី។ ជាក់ស្តែងនៅចុងខែកញ្ញា និងដើមខែតុលា ឆ្នាំ២០២០នេះ ឃើញប្រជាកសិករនៅស្រុកមង្គលបូរីក្រោយពេលប្រមូលផលស្រូវដើមរដូវជបណ្តើរៗ ហើយឃើញកំពុងចាប់បង្កបង្កើនផលស្រូវលើកទី២ជាបណ្តើរៗ ដែលភាគច្រើនធ្វើស្រូវប្រភេទសែនក្រអូបដែលមានអាយុកាលជាង៣ខែ និងស្រូវអ៊ីអ៊ែរដែលមានអាយុកាលជាង២ខែកន្លះដែលទទួលផល។
ប្រជាកសិករស្រុកមង្គលបូរីទូទាំងខេត្តបន្ទាយមានជ័យបានប្រាប់ថា៖ នៅឆ្នាំ២០២០នេះ ពិតបង្កបង្កើនផលស្រូវជួបការលំបាកដោយបង្កបង្កើនផលស្រូវលើកទី១ ដែលភាគច្រើនបង្កបង្កើនផលស្រូវសែនក្រអូបដែលជាស្រូវមានតម្លៃ និងហាងឆេងជាងស្រូវដទៃ។ នៅពេលដែលភ្ជួររាស់សាបព្រួសមានដើមដងហើយត្រូវជួបគ្រោះរាំងស្ងួតស្វិត និងងាប់ហើយអូសបន្លាយពេលវេលាទទួលផលបានតិចតួចហើយទឹកលិចទៀតដែលដណ្តើមប្រមូលពីទឹកនៅមានឃុំជាប់ដងស្ទឹងមង្គលបូរីមាន ឃុំសឿ ឃុំចំណោម ឃុំរហាត់ទឹក។
ដោយយោងតាមរបាយការណ៍មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យការងារដាំដុះឆ្នាំ២០២០-២០២១ ដំណាំស្រូវរដូវវស្សាផែនការដាំដុះសរុប២៥២.៣២០ហិកតា ភ្ជួររាស់បានសរុប២៥៥.៦៧៥ហិកតា ផ្ទៃដីសំណាបសរុប៧៧ហិកតា ស្រូវសន្ទូង៤៦២ហិកតា ដាំដុះបានសរុប២៥៥.៣៤០ហិកតា ស្មើនឹង១០១.២០ភាគរយនៃផែនការក្នុងនោះស្រូវឡើងទឹក៨.១៨៣ហិកតា ស្រូវធ្ងន់២៥.១៧៦ហិកតា ស្រូវកណ្តាល១៣២.២៤១ហិកតា ស្រូវស្រាល៨៩.៧៤០ហិកតា ប្រភេទស្រូវអ៊ីអ៊ែរ៨១.៩៩៥ហិកតា។
ស្ថានភាពនៃការប្រមូលផលស្រូវស្រាលដើមរដូវវស្សាឆ្នាំ២០២០-២០២១បានប្រមូលផលបានសរុប៣១.៩៨៣ហិកតា ស្មើនឹង១៣.២០ភាគរយបរិមាណផលសរុប១១៤.២៦៧តោនប្រភេទស្រូវអ៊ីអ៊ែរ៨១.៩៩៥ហិកតា៕ ដោយ ៖ ប៊ុន ធឿន
ចែករំលែកព័តមាននេះ