រាជធានីភ្នំពេញ ៖ បុរសម្នាក់បានប្តឹងសមត្ថកិច្ចឱ្យជួយអន្តរាគមន៍ ក្រោយពីទីតាំងម៉ាស្សាបង្កប់សេវាផ្លូវភេទមួយកន្លែងបានលួចយកលុយរបស់ភ្ញៀវអស់ចំនួន១០០ដុល្លារ បង្កឱ្យមានការភ្ញាក់ផ្អើលកាលពីម៉ោង១០និង៤០នាទីយប់ ថ្ងៃទី៥ ខែតុលា ឆ្នាំ២០២០ នៅតាមបណ្តោយផ្លូវបេតុងច្រកចូលសាលាសុវណ្ណភូមិ នៅចំណុចផ្ទះម៉ាស្សាយីហោ «កោសជប់ម៉ាស្សា ១៩៩» ស្ថិតក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះខាងលើមានឈ្មោះ រិត ភេទប្រុស អាយុ៣១ឆ្នាំ មុខរបរជាងជួសជុលរថយន្ដនៅជិតរង្វង់មូលចោមចៅ មានស្រុកកំណើតនៅខេត្តកំពង់ស្ពឺ ។
តាមប្រភពពីបុរសម្នាក់ជាជនរងគ្រោះបានឱ្យដឹងថា នៅមុនពេលកើតហេតុ គាត់មិនសូវស្រួលខ្លួនក៏បានទៅកោសជប់នៅហាងម៉ាស្សាខាងលើ ដោយហៅនារីម្នាក់មកកោសខ្យល់ឱ្យ តែមុននឹងកោសខ្យល់នារីម៉ាស្សានោះបានឱ្យគាត់ដោះសំលៀកបំពាក់ភ្ជួរជិតកន្លែងម៉ាស្សា ហើយឱ្យរូបគាត់ស្លៀកតែកន្សែងនោះទេ ។
ប្រភពដដែលបានបន្តទៀតថា ខណៈពេលកំពុងតែកោសខ្យល់ គាត់បាននិយាយជាមួយនារីម៉ាស្សាខាងលើត្រូវរ៉ូវគ្នាដោយបានរួមភេទបន្ថែមទៀតអស់តម្លៃ១០ដុល្លារ ខណៈពេលប្រតិបត្តិការចប់រួចរាល់ហើយ គាត់ក៏ចូលបន្ទប់ទឹកមួយភ្លែត ដោយមិនបានចាប់អារម្មណ៍នោះទេ ព្រោះតែការទុកចិត្តទៅលើនារីម៉ាស្សាខាងលើ ដូច្នេះរូបគាត់មិនបានយកខោចូលទៅបន្ទប់ទឹកជាមួយទេ បន្ទាប់មកគាត់ក៏បានជិះម៉ូតូត្រឡប់ទៅវិញ ។
ជនរងគ្រោះបន្តទៀតថា លុះពេលគាត់ត្រឡប់ទៅដល់ការាស់រថយន្តរបស់គាត់ ក៏បានឆែកមើលក្នុងហោប៉ៅខោ ស្រាប់តែឃើញមានលុយដុល្លារក្លែងក្លាយចំនួន១០០ដុល្លារដាក់ជាមួយគ្នា ពេលនោះគាត់ក៏ប្រញាប់ប្រញាល់មកកន្លែងកើតហេតុវិញ ស្រាប់តែថៅកែហាងម៉ាស្សា និងនារីម៉ាស្សាខាងលើ មិនទទួលខុសត្រូវនោះទេ ដោយនិយាយថា ចេញពីកន្លែងកើតហេតុយូរហើយ តែគាត់បានប្រាប់ថាមិនយូរទេ គាត់ទៅតែមួយភ្លែត ហើយក៏ប្រញាប់ប្រញាល់មកភ្លាមៗ ។
ប្រភពដដែលបន្តថា ខណៈពេលនោះផងដែរ ថៅកែម៉ាស្សាបានតេហៅសមត្ថកិច្ចនគរបាលប៉ុស្តិ៍មានរងប៉ុស្ដិ៍ចោមចៅបានមកដល់ ក៏បានសួរនាំតិចតួច ហើយក៏ត្រឡប់ទៅវិញបាត់ទៅ ។ លុះពេលមានអ្នកសារព័ត៌មានមកថតពេញមុខហាង ទើបលោកនាយប៉ុស្តិ៍មកម្តងទៀត រួចនាំនារីម៉ាស្សាដែលជាជនសង្ស័យយកទៅប៉ុស្តិ៍នគរបាលដើម្បីសួរនាំ។
ក្រោយពេលកើតហេតុ បន្ទាប់ពីនាំនារីម៉ាស្សាយកទៅសួរនាំ នារីម៉ាស្សារូបនេះមិនបានសារភាពទេ ហើយសមត្ថកិច្ចបំរុងបញ្ជូនទៅផ្នែកជំនាញ ទើបភាគីខាងថៅកែម៉ាស្សាសុំសងលុយវិញ តែឱ្យនារីម៉ាស្សា និងជនរងគ្រោះទៅស្បថស្បែមុខលោកយាយទូលក្អម នៅប៉ុស្តិ៍ចោមចៅទី៣ នោះផងដែរ ៕
ចែករំលែកព័តមាននេះ