សហរដ្ឋអាមេរិក ៖ ចាត់ទុកជារឿងមិនធម្មតាមួយដែលប្រធានាធិបតីសហរដ្ឋអាមេរិក លោក ដូណាល់ ត្រាំ បានសម្រេចចិត្តចាកចេញពីមន្ទីរពេទ្យវិលត្រឡប់ទៅសេតវិមានវិញក្រោយសម្រាកនៅពេទ្យតែ ៣ ថ្ងៃប៉ុណ្ណោះ បើទោះបីជាលោកមិនទាន់ជាសះស្បើយពីជំងឺកូវីដ…
សហរដ្ឋអាមេរិក ៖ ចាត់ទុកជារឿងមិនធម្មតាមួយដែលប្រធានាធិបតីសហរដ្ឋអាមេរិក លោក ដូណាល់ ត្រាំ បានសម្រេចចិត្តចាកចេញពីមន្ទីរពេទ្យវិលត្រឡប់ទៅសេតវិមានវិញក្រោយសម្រាកនៅពេទ្យតែ ៣ ថ្ងៃប៉ុណ្ណោះ បើទោះបីជាលោកមិនទាន់ជាសះស្បើយពីជំងឺកូវីដ ១៩ ក៏ដោយ ។
អ្វីដែលកាន់តែធ្វើឲ្យគេចាប់អារម្មណ៍នោះ គឺលោកត្រាំពេលទៅដល់សេតវិមានវិញ បានថ្លែងការណ៍ដោយដំបូងឡើយលោកបាន ដោះម៉ាស់ចេញពីមុខ និងបានពោលពាក្យថា «ឥឡូវនេះ ខ្ញុំប្រសើរជាងមុន ហើយប្រហែលជាខ្ញុំមានភាពស៊ាំល្អ» ។ នេះជាអ្វីដែលលោកបានថ្លែងពេលទៅដល់សេតវិមាន ដែលនេះត្រូវបានគេចាត់ទុកថា ការវិលត្រឡប់ដ៏ចម្រូងចម្រាសរបស់លោកត្រាំ ទៅកាន់សេតវិមាន វិញដើម្បីចូលរួមសមរភូមិយុទ្ធនាការបោះឆ្នោត ។ នេះបើយោងតាមការចុះផ្សាយរបស់សារព័ត៌មានដ៏ធំរបស់អាមេរិក BBC នៅថ្ងៃទី ០៦ ខែតុលា ឆ្នាំ២០២០ ។
លោក ត្រាំ បានដោះម៉ាស់ចេញមុខរបស់គាត់នៅលើរានហាលនៃសេតវិមាន ទីកន្លែងដែលបុគ្គលិកនិងជំនួយការជាច្រើនរូបបានធ្វើតេស្ត៍រកឃើញវីរុសកូវីដ ១៩ កាលពីប៉ុន្មានថ្ងៃកន្លងទៅនេះ។
លោកត្រាំបាននិយាយថា «មានអារម្មណ៍ល្អណាស់!» រួចលោកបានបន្តថា «កុំខ្លាចពួក Covid កុំអោយវាគ្របលើជីវិតរបស់អ្នក» ។
នៅសហរដ្ឋអាមេរិក ករណីអ្នកកើតជំងឺកូវីដ ១៩ មានចំនួន ៧,៤ លាននាក់ និងមនុស្ស ២១០.០០០ នាក់បានស្លាប់។
យ៉ាងណាមិញ សំណួរនៅតែមានលើភាពធ្ងន់ធ្ងរនៃជំងឺរបស់លោកត្រាំ ហើយនឹងមានអ្វីកើតឡើងបន្ទាប់ពីការវិលត្រឡប់របស់លោកទៅកាន់ សេតវិមាននោះ ?
ដោយប្រាប់ទៅកាន់ប្រជាជនអាមេរិកថា មិនត្រូវខ្លាចកូវីដ ១៩ តាមរយៈការសរសេរសារលើបណ្តាញសង្គម Twitter របស់ខ្លួននោះ លោកត្រាំ បានអះអាងថា «ខ្ញុំមានអារម្មណ៍ប្រសើរឡើងជាង ជាងអ្វីដែលខ្ញុំធ្លាប់មានកាលពី ២០ កន្លងទៅ» ។
ជាងនេះទៅទៀតលោកត្រាំ បានអះអាងថា «នឹងត្រលប់មកវិញទៅកាន់សៃវៀនយុទ្ធនាការឆាប់ៗនេះ !!!» ៕ ដកស្រង់ចេញពីវេបសាយ ៖ bbc
ចែករំលែកព័តមាននេះ