ប្រទេសថៃ ៖ ឆាកនៃការបាញ់ប្រហារ និងការសម្លាប់រង្គាលនៅសាកលវិទ្យាល័យ ធម្មាសាតក្រុងបាងកក ដែលនៅទីនោះមាននិស្សិតជាច្រើនសិបនាក់បានត្រូវសម្លាប់ ហើយ៤៤ឆ្នាំកន្លងផុតទៅហើយនៅតែដក់ជាប់ក្នុងចិត្តពួកនិស្សិតជំនាន់ក្រោយ ខណៈនិស្សិតថៃមួយផ្នែកបន្តបាតុកម្មតាមដងវិថីទាមទារលទ្ធិប្រជាធិបតេយ្យ។ ថ្ងៃទី៦ តុលា…
ប្រទេសថៃ ៖ ឆាកនៃការបាញ់ប្រហារ និងការសម្លាប់រង្គាលនៅសាកលវិទ្យាល័យ ធម្មាសាតក្រុងបាងកក ដែលនៅទីនោះមាននិស្សិតជាច្រើនសិបនាក់បានត្រូវសម្លាប់ ហើយ៤៤ឆ្នាំកន្លងផុតទៅហើយនៅតែដក់ជាប់ក្នុងចិត្តពួកនិស្សិតជំនាន់ក្រោយ ខណៈនិស្សិតថៃមួយផ្នែកបន្តបាតុកម្មតាមដងវិថីទាមទារលទ្ធិប្រជាធិបតេយ្យ។
ថ្ងៃទី៦ តុលា ឆ្នាំ១៩៧៦ និស្សិតជាច្រើនសិបនាក់ប្រឆាំងការវិលត្រឡប់នៃរបបផ្ដាច់ការយោធា ត្រូវបានសម្លាប់ បាញ់ប្រហារ ព្យួរ.កនឹងដើមឈើក្នុងបរិវេណសាកលវិទ្យាល័យនោះ ពីសំណាក់កងកម្លាំងសន្តិសុខ និងពួកជីវពលរាជានិយមជ្រុល។ តុល្យការមនុស្ស៤៦នាក់បានត្រូវបាត់បង់ជីវិតបើតាមអាជ្ញាធរ តែបើតាមសាក្សីនានាថា អ្នកបាត់បង់ជីវិតមានដល់ជាង១០០នាក់។
ចលនានិស្សិតស្និទ្ធប្រជាធិបតេយ្យពេលនេះ បានប្រមូលផ្ដុំគ្នាធ្វើបាតុកម្មចាប់តាំងពិថ្ងៃទី១៩កញ្ញាមក នៅក្រុងបាងកក ពុំធ្លាប់មានចាប់តាំងពីរដ្ឋប្រហាររបស់ឧត្ដមសេនីយប្រាយុទ្ធចាន់អូចាពីឆ្នាំ២០១៤មក។ ពួកនិស្សិតបានទាមទារឲ្យលោកប្រាយុទ្ធចាកចេញពីអំណាច និងហា៊នរហូតទាមទារឲ្យកែទម្រង់រដ្ឋធម្មនុញ្ញកាត់បន្ថយអំណាចព្រះមហាក្សត ដែលព្រះមហាក្សត្រមិនអាចមាននរណាប៉ះពាល់បាន។
មេធាវីមួយរូបនិយាយថា យើងចង់ធ្វើឲ្យយុវជនជំនាន់ក្រោយដឹងថា មិនត្រូវមើលស្រាលពួកយោធាឡើយ ព្រោះពួកគេ ពុំមានការត្រាប្រណីទេ។
ចាប់តាំងពីការបង្ក្រាបបង្ហូរឈាមចលនានិស្សិតនៅសាកលវិទ្យាល័យធម្មាសាតនោះមក ពុំមានអ្នកទទួលខុសត្រូវណាម្នាក់ត្រូវបានតុលាការកាត់ទោសឡើយ។ កងយោធាដណ្ដើមអំណាចភ្លាមៗក្រោយការសម្លាប់រង្គាលនោះ ដោយសម្លាប់រយៈពេល៣ឆ្នាំនៃលទ្ធិប្រជាធិបតេយ្យ ហើយកងយោធាលើកឡើងថា គឺពួកនិស្សិជាអ្នកនាំអាទិ៍បាញ់មុន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ