ខេត្តកំពង់ស្ពឺ៖ កម្មករសំណង់ម្នាក់ដែលក្លែងខ្លួនជាថៅកែដីឡូតិ៍រកស៊ីបោកប្រាស់ប្រជាពលរដ្ឋ ត្រូវបានសមត្ថកិច្ចធ្វើការឃាត់ខ្លួន បន្ទាប់ពីជននេះបានក្លែងឯកសារសាធារណៈបន្លំភ្នែកសមត្ថកិច្ចនិងមហាជន។ ក្រោយពីសមត្ថកិច្ចធ្វើការឃាត់ខ្លួនជនសង្ស័យរូបនេះរួចមក ប្រជាពលរដ្ឋដែលរងគ្រោះដោយអំពើឆបោកក្នុងករណីទិញលក់ដីឡូតិ៍បានមកដាក់ពាក្យបណ្ដឹងជាហូរហែទៅលើជនសង្ស័យនេះ បើយោងតាមប្រភពពីសមត្ថកិច្ចបានបង្ហើបប្រាប់។
បើយោងតាមប្រភពពីសមត្ថកិច្ចបានបង្ហើបប្រាប់ឲ្យដឹងថា ជនសង្ស័យដែលក្លែងខ្លួនជាថៅកែដីឡូត៍ ពូកែប្រើល្បិចបោកនិងលក់ដីឣោយប្រជាពលរដ្ឋនេះ បានអួតអាងខ្នងថាមានខ្នងអ្នកធំ ក្នុងការរកស៊ីលក់ដីឡូតិ៍នេះ ។ ក្រោយពីសមត្ថកិច្ចឃាត់ខ្លួនបានឣ្នករងគ្រោះជាច្រើននាក់ បាននាំគ្នាមកដាក់ពាក្យបណ្ដឹងប្ដឹងទៅលើជនសង្ស័យថា បានឆបោកយកលុយពីពួកគាត់រឿងលក់ដីឡូតិ៍ ដែលទីបំផុត គឺជននេះគ្មានដីឱ្យពួកគាត់នោះទេ។
ក្នុងពាក្យបណ្ដឹង គឺជនរងគ្រោះទាំងអស់សុំឲ្យសមត្ថកិច្ចធ្វើការកសាងសំណុំរឿងបញ្ជូនទៅឯការអមសាលាដំបូងចាត់ការតាមនីតិវិធីច្បាប់។ ក្រៅពីរងបណ្ដឹងរឿងឆបោករួចមកជនសង្ស័យរូបនេះពាក់ព័ន្ធនិងករណីក្លែងឯកសារសាធារណ:មួយករណីទៀត។ ប្រភពបន្តថា មុនឈានដល់ការឃាត់ខ្លួន គឺកាលពីថ្ងៃទ១៨ កញ្ញា វេលាម៉ោង១១ ជនសង្ស័យបានផឹកស៊ីនៅផ្ទះមិត្តភក្កិនៅផ្ទះពួកម៉ាក់របស់គេមួយកន្លែង ស្ថិតនៅភូមិកែវឧត្តមឃុំ
ត្រពាងគង រហូតស្រវឹងក៏ធ្វើដំណើរតាមបណ្ដោយផ្លូវជាតិលេខ 4 ។ លុះមកដល់កន្លែងសាងសង់ផ្លូវល្បឿន ជនសង្ស័យបានបើករថយន្តធ្លាក់ទៅក្នុងប្រឡាយទឹកហើយទុករថយន្តចោលនៅទីនោះ ដោយមិនឃើញមានម្ចាស់មកយកសមត្ថកិច្ចបានស្ទូចយករថយន្តទៅរក្សាទុកនៅប៉ុស្តិ៍រដ្ឋបាលវល្លិស ដើម្បីទទួលយកទៅវិញ។
នៅចំពោះមុខសមត្ថកិច្ចជនសង្ស័យសារភាពថា ដោយខ្លួនចង់បានរថយន្តត្រឡប់ទៅវិញ តែមិនមានឯកសារក៏មានគំនិតក្លែងឯកសារ ដើម្បីយករថយន្តទៅវិញបានយកលិខិតកោះហៅរបស់ស្នងការនគរបាលខេត្តកំពង់ស្ពឺ ដែលបានកោះហៅខ្លួនទៅបំភ្លឺយកទៅបង្ហាញលោកអធិការនគរបាលស្រុកសំរោងទងដោយកុហកថា បានយល់ព្រមប្រគល់រថយន្តឲ្យខ្លួនវិញហើយរូបគេបានក្លែងឯកសារពាក់ព័ន្ធនឹងរថយន្តទៅបង្ហាញលក់អធិការ ។
ប្រភពពីសមត្ថកិច្ចនគរបាលស្រុកសំរោងទងបានបញ្ជាក់ថា កាលពីថ្ងៃទី ២ តុលា វេលាម៉ោង១២ និង១៥នាទីសំណង់(ជាជនសង្ស័យ)អាយុ២៦ឆ្នាំ បានយកឯកសារមកអធិការដ្ឋាននគរបាលស្រុកសំរោងទង ដើម្បីស្នើសុំយករថយន្តរបស់ខ្លួនសេរីឆ្នាំ២០០៤ពណ៌ប្រផេះពាក់ស្លាកលេខភ្នំពេញ 2ai7764 ដែលបានបើកធ្លាក់ប្រឡាយកាលពីថ្ងៃទី ១៨ កញ្ញា រួចមក និងពិនិត្យឃើញថា ឯកសារដែលជនសង្ស័យកាន់យកមកមិនប្រក្រតីពេលបោះឆ្នោតសុំគោលការណ៍ពីតំណាងអយ្យការ ដើម្បីឃាត់ខ្លួនតែម្ដង។
បន្ទាប់ពីឃាត់ខ្លួនស្រាប់តែបែកធ្លាយមានជនរងគ្រោះដឹងមកប្ដឹងចោទប្រកាន់ជនសង្ស័យរូបនេះ ពីបទឆបោកពួកគាត់ក្នុងករណីលក់ដីឡូត៍ខ្យល់ ។ លោកបានបញ្ជាក់ឲ្យដឹងផងដែរថា ការសាកសួរជនរងគ្រោះនិងស្ដាប់ចម្លើយសារភាពរបស់ជនសង្ស័យរួចមកនៅថ្ងៃទី០៤ តុលា នេះ សមត្ថកិច្ចបានរៀបចំសំណុំរឿងបញ្ជូនជនសង្ស័យរូបនេះទៅកាន់អយ្យការអមសាលាដំបូងខេត្តដើម្បីបន្តនីតិវិធី។
សូមបញ្ជាក់ថា កាលពីថ្ងៃទី០២ តុលា ២០២០ ឈ្មោះ ង៉ែត សីណង់ ភេទប្រុស ឣាយុ២៦ឆ្នាំ មានទីលំនៅភូមិភែក ឃុំស្រង់ ស្រុកគងពិសី ខេត្តកំពង់ស្ពឺ ត្រូវបាននគរបាលខេត្តកំពង់ស្ពឺឃាត់ខ្លួន បន្ទាប់ពីបានក្លែងឯកសារជាសាធារណៈមកបន្លំយករថយន្ត នៅអធិការដ្ឋាននគរបាលស្រុកសំរោងទង ។ ក្រៅពីនេះ ឈ្មោះង៉ែត សីណង់ នៅមានប្រជាពលរដ្ឋប្តឹងពាក់ព័ន្ធរឿងដីជាច្រើនករណីទៀត ៕
ចែករំលែកព័តមាននេះ