សហរដ្ឋអាមេរិក ៖ បេក្ខជនមួយរូបសម្រាប់ការបោះឆ្នោតប្រធានាធិបតីអាមេរិក មិនដែលឃើញមានចាកចេញពីការប្រកួតឡើយ ខណៈសល់ពេលតែ៥សប្ដាហ៍ទៀតដល់ការបោះឆ្នោតតែការចូលមន្ទីរពេទ្យរបស់លោកដូណាល់ ត្រាំ ដែលធ្វើតេស្តឃើញឆ្លងវីរុស COVID-19 នាំឲ្យមានការចោទសួរទៅលើស្ថានភាពនោះ ។
រដ្ឋធម្មនុញ្ញអាមេរិកចែងថា មានករណី២ដែលប្រធានាធិបតីអាចជំនួសដោយអនុប្រធានាធិបតី គឹក្នុងករណីប្រធានាធិបតីទទួលមរណភាពឬអសមត្ថភាពក្នុងការកាន់អំណាច ។ វិសោធនកម្មរដ្ឋធម្មនុញ្ញលើកទី២០ចែងសម្រាប់ប្រធានាធិបតីទទួលមរណភាព អំឡុងពេលរង់ចាំចូលកាន់តំណែងថ្ងៃទី២០ មករា ហើយវិសោធនកម្មលើកទី២៥ គឺពេលប្រធានាធិបតីទទួលមរណភាពពេលកំពុងកាន់អំណាច ។
តែមានសេណារីយ៉ូឯទៀតៗអាចគ្រោងគឺក្នុងករណីនៃការដកខ្លួនចេញរបស់លោកត្រាំឬរបស់គូប្រជែងនៃគណបក្សប្រជាធិបតេយ្យលោកJOE BIDEN មុនការបោះឆ្នោតថ្ងៃទី៣វិច្ឆិកា ។
បើដូច្នេះនោះជាលើកទីមួយក្នុងប្រវត្តិសាស្ត្រសហរដ្ឋអាមេរិកនិងអាចទៅមិនរួច ។ ក៏ទោះបីជាកាលពីឆ្នាំ១៨៦៤ពេលកំពុងមានសង្គ្រាមបំបែកខ្លួន ក៏ការបោះឆ្នោតប្រធានាធិបតី នៅតែប្រព្រឹត្តទៅតាមកាលបរិច្ឆេទដែលបានគ្រោងទុកដែរ ។
គំនិតលើកពេលការបោះឆ្នោតធ្លាប់ត្រូវបានលោកដូណាល់ ត្រាំ លើកម្ដង កាលពីដំណាច់ខែកក្កដា។ តែកាលបរិច្ឆេទនៃការបោះឆ្នោតកំណត់ដោយច្បាប់សហព័ន្ធ ដោយមានតែសភាទេអាចធ្វើការផ្ដួចផ្ដើមគំនិតមូយបែបនេះ ។ មានតែសភានិងព្រឹទ្ធសភាដែលអាចព្រមព្រៀងគ្នាលើកាលបរិច្ឆេទថ្មី ។ វាមានលទ្ធភាពតិចណាស់ សភាដែលគណបក្សប្រជាធិបតេយ្យមានសំឡេងភាគច្រើន ព្រមទទួលយកការពន្យារពេលបោះឆ្នោត ខណៈបេក្ខជនរបស់ខ្លួនលោក BIDEN កំពុងមានការនាំមុខ ក្នុងការស្ទាបស្ទង់មតិនានា ។
ប្រសិនបើគណបក្សសាធារណរដ្ឋនិងគណបក្សប្រជាធិបតេយ្យគ្រោងផ្លាស់ប្ដូរបេក្ខជន គឺបេក្ខជនគណបក្សប្រជាធិបតេយ្យត្រូវជ្រើសតាំងបេក្ខជនថ្មីតាមរយៈការបោះឆ្នោតរបស់សមាជិក៤៥០រូបនៃគណៈកម្មាធិការជាតិរបស់បក្ស ។
សម្រាប់គណបក្សសាធារណរដ្ឋនឹងមានការជ្រើសតាំងដោយសមាជិកគណៈកម្មាធិការជាតិរបស់បក្ស១៦៨រូបក្នុងសមាជជាតិមួយរបស់បក្ស ។
មានបញ្ហាមួយទៀតចោទឡើង ដោយសន្លឹកឆ្នោតច្រើនលានសន្លឹកបោះពុម្ពរួចហើយ ។ មាន
ពេលតិចណាស់បើត្រូវបោះពុម្ព្សន្លឹកឆ្នោតឈ្មោះលោក MIKE PENCE និងរបស់លោកស្រី
KAMALA HARRIS ដែលជាបេក្ខជនអនុប្រធានាធិបតីរបស់បេក្ខជនប្រធាធិបតីទាំង២រូប ។ ម្យ៉ាងទៀតពលរដ្ឋអាមេរិកជាង៣,១លាននាក់បានបោះឆ្នោតមុនកាលកំណត់រួចហើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ