ខេត្តស្ទឹងត្រែង ៖ កូនត្រីចំនួន៣ប្រភេទ ក្នុងនោះមាន (ត្រីខ្យា -ត្រីប្រា និងត្រីឆ្ពិន) ប្រមាណ៥ម៉ឺនក្បាលត្រូវបានរដ្ឋបាលជលផលលែងចូលទៅក្នុងអាងស្ថានីយខាងលើ ទំបន់វ៉ារីអគ្គិសនីសេសានក្រោមពីនៅខេត្តស្ទឹងត្រែង។ ក្នុងសកម្មភាពលែងកូនត្រីពូជនៅអាងទំនប់វ៉ារី…
ខេត្តស្ទឹងត្រែង ៖ កូនត្រីចំនួន៣ប្រភេទ ក្នុងនោះមាន (ត្រីខ្យា -ត្រីប្រា និងត្រីឆ្ពិន) ប្រមាណ៥ម៉ឺនក្បាលត្រូវបានរដ្ឋបាលជលផលលែងចូលទៅក្នុងអាងស្ថានីយខាងលើ ទំបន់វ៉ារីអគ្គិសនីសេសានក្រោមពីនៅខេត្តស្ទឹងត្រែង។
ក្នុងសកម្មភាពលែងកូនត្រីពូជនៅអាងទំនប់វ៉ារី ក្នុងស្រុកសេសាន ខេត្តស្ទឹងត្រែងនេះ លោក អេង ជាសាន ប្រតិភូរាជរដ្ឋាភិបាលទទួលបន្ទុក រដ្ឋបាលជលផលមានប្រសាសន៍ថា ស្ថានីយនេះ យើងបន្ថែមពូជត្រី៣ប្រភេទបន្ថែម ដើម្បីឱ្យវាបន្តពូជ និងមានភាពសម្បូរបែបងាយស្រួលបំរើសេចក្តីត្រូវការរបស់បងប្អូនប្រជាពលដែលពួកគាត់ស្ម័គ្រចិត្តចាកចេញពីភូមិចាស់មករស់នៅភូមិថ្មីនៅតំបន់នេះ។
លោកបានបន្ថែមថា នេះជាយុទ្ធសាស្ត្រមួយចូលរួមជាមួយរាជរដ្ឋាភិបាលក្នុងការលើកទឹកចិត្តដល់ប្រជាពលរដ្ឋយើងធ្វើឱ្យពួកគាត់មានជីវភាពរីកចំរើនផង ហើយក៏បានលើកទឹកចិត្តឱ្យពួកកាត់បង្កើនការថែរក្សារធនធានមច្ឆជាតិដែលយើងមាននេះទីនេះផង។
លោក ទំ នីរ៉ូ ប្រធានខណ្ឌជលផលស្ទឹងត្រែង បានទទួលស្គាល់ថា នេះជាយន្តការមួយថ្មីបន្ថែមទៀត ព្រោះកន្លងមកយើងបានសហការធ្វើល្បាតអភិរក្សជាញឹកញាប់ហើយ តែពុំទាន់មានប្រសិទ្ធភាពនៅឡើយ។ លោកស្នើសុំឱ្យប្រជាពលរដ្ឋទាំងអស់នៅក្នុងឃុំភ្លុក ឃុំក្បាលរមាស និងឃុំស្រែគរ រួមគ្នាបង្កើនការងារគ្រប់គ្រងថែរក្សា ការពារ អភិរក្ស និងអភិវឌ្ឍន៍ធនធានជលផលបានកុំឱ្យមានអ្នកមកពីខាងក្រៅមកធ្វើនេសាទខុសច្បាប់នៅតំបន់នេះ។
លោក ទួន ថាំង មេឃុំភ្លុកបានគាំទ្រយុទ្ធសាស្ត្រនេះ ហើយលោកនឹងចូលរួមដឹកនាំប្រជាសហគមន៍ និងប្រជាការពារបង្កើនការចុះល្បាតឱ្យបានសកម្ម ដើម្បីថែរក្សាត្រីដែលបានប្រលែងនេះផង និងបានបង្ក្រាបបទល្មើសដែលកើតមាននៅតំបន់នេះផង ។
សូមបញ្ជាក់ថា តំបន់អាងអភិរក្សខាងលើទំបន់វ៉ារីអគ្គិនីសេសានក្រោមពីនេះ មានផ្ទៃទឹក៦.១៤៣ហិកតាចុះហត្ថលរខាទទួលស្គាល់ពីក្រសួងកសិកម្មកាលពីថ្ងៃទី៣០ ខែធ្នូ ឆ្នាំ២០១៩ ត្រូវហាមឃាត់មិនឱ្យចូលធ្វើនេសាទឡើយ ដើម្បីការពារធនធានមច្ឆជាតិនៅតំបន់នេះ៕
ចែករំលែកព័តមាននេះ