ប្រទេសអាស៊ែបៃហ្សង់-អាមេនី ៖ ការប្រយុទ្ធគ្នាមានភាពកាន់តែខ្លាំងក្លានៅតំបន់បំបែកខ្លួនណាហ្គ័រនីការ៉ាបាក់ បន្ទាប់ពីការបាញ់ផ្លោងដោយកាំភ្លើងធំធុនធ្ងន់ដាក់រដ្ឋធានីដែនដែនដីបំបែកខ្លួននេះ ។
អាជ្ញាធរអាមេនីអះអាងនាថ្ងៃទី៣តុលាថា អាស៊ែបៃហ្សង់ បានធ្វើការវាយលុកធំមួយលើតំបន់ណាហ្គ័រនីការ៉ាបាក់។ ទាហាន៥១នាក់របស់ពួកបំបែកខ្លួនបានត្រូវស្លាប់ កាលពីថ្ងៃទី៣តុលាក្នុងការប្រយុទ្ធគ្នា រវាងអាមេនីនិងអាស៊ែបៃហ្សង់នៅការ៉ាបាក់។ ប្រធានាធិបតីដែនដីបំបែកខ្លួននោះ លោកARAYIK HAROUTIOUNTAN ថ្លែងទៅកាន់ក្រុមអ្នកកាសែតថាការប្រយុទ្ធចុងក្រោយ ដើម្បីដណ្ដើមត្រួតត្រាតំបន់នោះ ចាប់ផ្ដើម ហើយលោកបន្តថាលោកបានទៅចូលរួមក្នុងរណសិរ្ស ដើម្បីប្រយុទ្ធរួមជាមួយកងទ័ពលោក។
តំបន់ណាហ្គ័រនីការ៉ាបាក់មានប្រជាជនភាគច្រើនជាជនជាតិអាមេនី ហើយបានបំបែកខ្លួនពីអាស៊ែបៃហ្សង់ ដែលនាំឲ្យមានសង្គ្រាម តាំងពីដើមទសវត្សឆ្នាំ១៩៩០មក បណ្ដាលឲ្យមនុស្សស្លាប់ជាង៣០.០០០នាក់ហើយ។
អាជ្ញាធរអាមេនីអះអាងនាថ្ងៃទី៣តុលាថា ក្រុងបាគូបានបើកការវាយលុកដោយទ្រង់ទ្រាយធំមួយ ហើយមកដល់ថ្ងៃទី៧នៃការប្រយុទ្ធគ្នាកងកម្លាំងបំបែកខ្លួន អាចទប់ការវាយលុកនេះរបស់សត្រូវ។ ក្រសួងការពារប្រទេសអាមេនីនិយាយថា កងទ័ពអាមេនីបានបើកការវាយបកវិញ មួយលើចំណុចមួយនៃរណសិរ្ស។ ការប្រយុទ្ធគ្នាបណ្ដាល ឲ្យមនុស្សបាត់បង់ជីវិតយ៉ាងតិច២៤២នាក់ទាំងសងខាង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ