ថាន់ ប៊ុនរ៉ុង ប្រាថ្នាចាកចេញពីគូបើកឆាក
- ភ្នំពេញ
រាជធានីភ្នំពេញ ៖ បន្ទាប់ពីយកជ័យជំនះលើបង្គោលខៀវ ម៉ាជ សុវណ្ណារ៉ា កីឡាករ ថាន់ ប៊ុនរ៉ុង ដែលឈ្នះទាំងឈឺខ្លួននៅក្នុងការប្រកួតបើកឆាកកាលពីថ្ងៃទី៣ ខែតុលា…
រាជធានីភ្នំពេញ ៖ បន្ទាប់ពីយកជ័យជំនះលើបង្គោលខៀវ ម៉ាជ សុវណ្ណារ៉ា កីឡាករ ថាន់ ប៊ុនរ៉ុង ដែលឈ្នះទាំងឈឺខ្លួននៅក្នុងការប្រកួតបើកឆាកកាលពីថ្ងៃទី៣ ខែតុលា ឆ្នាំ២០២០ នៅលើសង្វៀនប៉ុស្តិ៍លេខ៥ បានអះអាងថា លោករមែងប្រកួតជាគូបើកឆាកបែបនេះ ទើបលោកប្រឹងប្រែង ដើម្បីឱ្យរួចផុតពីគូបែបនេះ នៅក្នុងវិស័យប្រដាល់។
ការប្រកួតនៅក្នុងថ្ងៃនោះ គេនៅតែចាប់អារម្មណ៍ថា នៅតែទទួលបាននូវការចាប់អារម្មណ៍ បើទោះជាការប្រកួតនោះធ្វើឡើងនៅសង្វៀនព្រែកកំពិស ដែលមានចម្ងាយឆ្ងាយ ហើយទីតាំងប្រកួតទាំងមូលក៏មិនអនុញ្ញាតិឱ្យទស្សនាផ្ទាល់ ដែលហាក់មានភាពសោះកក្រោះ។
វីដេអូ Live ពីការប្រកួតនោះ ទាក់ទាញអ្នកចូលទស្សនាច្រើនៗ គួរឱ្យចាប់អារម្មណ៍នោះផង។ នៅក្នុងការប្រកួតនោះ បង្គោលក្រហម ថាន់ ប៊ុនរ៉ុង ដ្បិតថាឈ្នះ តែក៏ឈ្នះដោយលទ្ធផលត្រដាបត្រដួសផងដែរ។ នេះជាការប្រកួតនៅក្នុងព្រឹត្តិការណ៍ជ្រើសរើសជើងឯករដូវកាលថ្មី TV5 Knock Out Series By Cellcard នៅក្នុងថ្ងៃនោះ នៅតែមានកីឡាករជាបេក្ខភាពជ្រើសរើសជើងឯកមួយគូប្រកួតគ្នាដដែល ដោយកីឡាករអ្នកឈ្នះ គឺជាអ្នកបានឡើងទៅវគ្គបន្ត ហើយអ្នកចាញ់នៅក្នុងថ្ងៃនោះបានត្រឹមហាលអាវ។
យ៉ាងណាមិញ ក្រៅពីមានការចាប់អារម្មណ៍លើគូដណ្ដើមពាន គូបើកឆាករវាងកីឡាករ ថាន់ ប៊ុនរ៉ង និងបង្គោលខៀវ ម៉ាជ សុវណ្ណារ៉ា ឯណេះវិញ ក៏ទទួលបានការចាប់អារម្មណ៍ផងដែរ។ ការប្រកួតរបស់អ្នកទាំងពីរ ប្រើពេល៥ទឹក ដោយទម្រាំរកឃើញឈ្នះចាញ់ ក៏ពិបាកមិនតិចដែរ។
បង្គោលក្រហមអ្នកឈ្នះ មកពីសមាគមកីឡាប្រដាល់កងយោធពលខេមរៈភូមិន្ទ ខណៈកីឡាករ បង្គោលខៀវ មាជ សុវណ្ណារ៉ា តាឡីដំរីមានរិទ្ធ នៃសមាគមកីឡាប្រដាល់ក្រសួងមហាផ្ទៃ។
ចែករំលែកព័តមាននេះ