ខេត្តព្រៃវែង ៖ ព្រឹកថ្ងៃទី១ ខែតុលា ឆ្នាំ២០២០ លោកឧត្តមសេនីយ៍ឯក ណុប វី អគ្គនាយករងនៃអគ្គនាយកដ្ឋានអន្តោប្រវេសន៍ បានអញ្ជើញទៅពិនិត្យមើលទីតាំងដី១កន្លែងស្ថិតនៅក្បែច្រកទ្វារព្រំដែនអន្តរជាតិបន្ទាយចក្រី ដែលគ្រោងសាងសង់អគារស្នាក់នៅសម្រាប់់មន្ត្រីនគរបាលអន្តោប្រវេសន៍កំពុងបម្រើការងារនៅច្រកទ្វារមួយនេះ ។
យោងតាមមន្ត្រីនគរបាលអន្តោប្រវេសន៍ នៅច្រកទ្វារអន្តរជាតិបន្ទាយចក្រីនេះ បានឱ្យដឹងថា ច្រកទ្វារនេះមានមន្ត្រីនគរបាលអន្តោប្រវេសន៍សរុបចំនួន៣៥រូប ក្នុងនោះមាននាយប៉ុស្តិ៍១រូប នាយរងប៉ុស្តិ៍១៦រូប និងមន្ត្រី១៨រូប ។ ក្នុងចំណោមមន្ត្រីទាំងអស់នេះ ២០%ជាអ្នកមានលទ្ធ
ភាព បានសុំដីគេធ្វើបន្ទប់ស្នាក់នៅខ្លួនឯង និង៨០%ទៀតគឺជួលបន្ទប់គេស្នាក់នៅជាបណ្តោះអាសន្ន ដោយសារតែអង្គភាពអន្តោប្រវេសន៍នៅច្រកទ្វារនេះ ពុំមានដីឬអគារផ្ទាល់ខ្លួននោះទេ ។
ប្រភពដដែលបន្តថា ដោយមើលឃើញពីការលំបាកនេះ ទើបលោកវរសេនីយ៍ឯក ខៀវហ៊ាន នាយប៉ុស្តិ៍អន្តោប្រវេសន៍ បានស្នើសុំទៅអគ្គនាយកដ្ឋានដើម្បីសាងសង់អគារស្នាក់នៅសម្រាប់មន្ត្រីនគរបាលអន្តោប្រវេសន៍ទាំងអស់ហើយដោយមានការជួយសម្រួលពីលោកស្នងការនគរបាលខេត្តព្រៃវែង ដោយបានផ្តល់ដីមួយកន្លែងនៅជាប់នឹងដីនគរបាលព្រំដែន ទើបឯក
ឧត្តមអគ្គនាយកនៃអគ្គនាយកដ្ឋានអន្តោប្រវេសន៍ចាត់ឱ្យលោកឧត្តមសេនីយ៍ឯក ណុប វី អគ្គនា
យករង ដឹកនាំមន្ត្រីទៅពិនិត្យមើលទីតាំងដោយផ្ទាល់ នៅព្រឹកថ្ងៃទី១ ខែតុលា ។
ទោះជាយ៉ាងណាក៏ដោយ មន្ត្រីនគរបាលអន្តោប្រវេសន៍ខ្លះនៅច្រកបន្ទាយចក្រីនេះ បានបង្ហើបប្រាប់ថា ច្រកបន្ទាយចក្រីនេះមានមន្ត្រីនគរបាលអន្តោប្រវេសន៍ទាំងអស់រហូតដល់៣៥រូបឯណោះ ប៉ុន្តែតាមដំណឹងដែលទទួលបានគឺខាងអគ្គនាយកដ្ឋានគ្រោងផ្តល់អគារស្នាក់នៅបានតែ១០បន្ទប់ប៉ុណ្ណោះ អាចមិនទាន់គ្រប់គ្រាន់ទៅតាមតម្រូវការជាក់ស្តែងទេ ។
ដូច្នេះមន្ត្រីទាំងនោះសង្ឃឹមថា ថ្នាក់លើនឹងបន្តជួយបន្ថែមទៀត ដើម្បីឲ្យមន្ត្រីទាំងអស់មាន
កន្លែងស្នាក់នៅសមរម្យ និងមានកម្លាំងចិត្តធ្វើការតទៅទៀត ៕
ចែករំលែកព័តមាននេះ