ខេត្តព្រះសីហនុ ៖ កាលពីវេលាថ្ងៃត្រង់ថ្ងៃទី៣០ ខែកញ្ញា ឆ្នាំ២០២០ កម្លាំងសមត្ថកិច្ចចម្រុះរបស់មូលដ្ឋានស្រុកព្រៃនប់ខេត្តព្រះសីហនុ សហការជាមួយកម្លាំងចម្រុះការពារសត្វព្រៃដឹកនាំដោយលោក ហេង គឹមឆាយ ប្រធានក្រុមអន្តរាគមន៍បង្ក្រាបបទល្មើសសត្វព្រៃនៃរដ្ឋបាលព្រៃឈើ បានចុះត្រួតពិនិត្យ និងបង្ក្រាបការលក់ដូរសត្វព្រៃនៅតាមអាហារដ្ឋានមួយចំនួនរួមមាន អាហារដ្ឋាន ស្រីម៉ៅ កំពង់ស្មាច់, អាហារដ្ឋានណាណា និងអាហារដ្ឋាន៣៣៣ ក្នុងស្រុកព្រៃនប់ ដោយដកហូតបានសាច់សត្វព្រៃមួយចំនួន យកមកធ្វើការដុតកំទេចចោលភ្លាមៗតាមនីតិវិធី។
មន្ត្រីសមត្ថកិច្ចបានបានឱ្យដឹងថា ពាក់ព័ន្ធនឹងករណីនេះ ចំពោះម្ចាស់ទីតាំងពាក់ពន្ធ័នឹងការលក់ដូរសាច់សត្វព្រៃនេះ តម្រូវឲ្យធ្វើកិច្ចសន្យា និងធ្វើការផាកពិន័យជាប្រាក់បង់ចូលថវិកាជាតិតាមច្បាប់ផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ