ខេត្តសៀមរាប ៖ កម្លាំងអាវុធហត្ថក្រុងសៀមរាប និងអាវុធហត្ថខេត្តសៀមរាប បានសហការគ្នាចុះអនុវត្តដីកាបង្គាប់ឱ្យចាប់ខ្លួនពិរុទ្ធជនឈ្មោះ ស្រេង ប្រណី អតតីថៅកែឈើគ្រញូងប្រចាំទិសឧត្តរពីបទមិនបំពេញកាតព្វកិច្ចចំពោះឧបករណ៍ដែលអាចជួញដូរបានប្រព្រឹត្ត កាលពីថ្ងៃទី២៦ មករា…
ខេត្តសៀមរាប ៖ កម្លាំងអាវុធហត្ថក្រុងសៀមរាប និងអាវុធហត្ថខេត្តសៀមរាប បានសហការគ្នាចុះអនុវត្តដីកាបង្គាប់ឱ្យចាប់ខ្លួនពិរុទ្ធជនឈ្មោះ ស្រេង ប្រណី អតតីថៅកែឈើគ្រញូងប្រចាំទិសឧត្តរពីបទមិនបំពេញកាតព្វកិច្ចចំពោះឧបករណ៍ដែលអាចជួញដូរបានប្រព្រឹត្ត កាលពីថ្ងៃទី២៦ មករា ឆ្នាំ២០១៦ ស្ថិតនៅចំណុច ទីរួមខេត្តសៀមរាប។ ហេតុការណ៍ឃាត់ខ្លួននេះ ធ្វើឡើងនៅវេលាម៉ោង០៩និង៣០ នាទីព្រឹក ថ្ងៃទី៣០ កញ្ញា ឆ្នាំ២០២០ ស្ថិតនៅចំណុច ភូមិបឹងមាលា ឃុំបឹងមាលា ស្រុកស្វាយ លើ ខេត្តសៀម
រាប។
បើតាមប្រភពពីមន្ត្រីកងរាជអាវុធហត្ថខេត្តបានប្រាប់ឱ្យដឹងថា កម្លាំងការិយាល័យជំនាញ សហការជាមួយកម្លាំងមូលដ្ឋាន កងរាជអាវុធហត្ថក្រុងសៀមរាប បានចុះអនុវត្តដីកាបង្គាប់ឱ្យចាប់ខ្លួនលេខ៤៣៩ ចុះ ថ្ងៃទី២៩ កញ្ញា ឆ្នាំ២០២០ ចេញដោយលោក
ស៊ាង ណារ៉ា ចៅក្រមជំនុំជម្រះនៃសាលាដំបូងខេត្តសៀមរាប បានឃាត់ខ្លួនពិរុទ្ធជន ឈ្មោះ ស្រេង ប្រណី ភេទប្រុស អាយុ ៤១ឆ្នាំ ទីលំនៅបច្ចប្បន្ន ភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប ។
ប្រភពបន្តថា ករណីឃាត់ខ្លួនថៅកែគ្រញូងនេះ ដែលត្រូវតុលាការចោទពីបទ មិនបំពេញកាតព្វកិច្ចចំពោះឧបករណ៍ដែលអាចជួញដូរបានប្រព្រឹត្តនៅក្រុង ខេត្តសៀមរាប កាលពីថ្ងៃទី២៦ ខែមករា ឆ្នាំ២០១៦ នៅចំណុច ទីរួមខេត្តសៀមរាប ។ បច្ចុប្បន្ន កម្លាំងការិយាល័យជំនាញបានបញ្ជូនពិរុទ្ធជនទៅសាលា ដំបូងខេត្តសៀមរាប ដើម្បីអនុវត្តតាមនីតិវិធីច្បាប់។
ប្រភពបានបញ្ជាក់ឱ្យដឹងទៀតថា ឈ្មោះ ស្រេង ប្រណី គឺជាថៅកែឈើគ្រញូងដ៏ធំប្រចាំទិសឧត្តរ បានដឹក ឈើទៅក្រៅប្រទេស។ ក្រោយមក ដោយ សារអស់ឈើ លោក ស្រេង ប្រណី បានទៅសុំសមត្ថកិច្ចធ្វើជា មេព្រៃ បណ្តែត ប្រចាំទិសឧត្តរ ហើយបានដើរធ្វើព្យុះភ្លៀងយ៉ាងខ្លាំងក្នុងខេត្តខាងលើ ធ្វើឱ្យអាជ្ញាធរមូលដ្ឋានឈឺក្បាលយ៉ាងខ្លាំងផងដែរ។
បច្ចុប្បន្ន ពិរុទ្ធ ជនស្រេង ប្រណី ដែលជាថៅកែឈើ ដ៏ល្បីល្បាញ ពេញខេត្តសៀមរាបនោះ ត្រូវបានកម្លាំងការិយា ល័យកងរាជអាវុធហត្ថខេត្ត រៀបចំកសាងសំណុំរឿងបញ្ជូនខ្លួនទៅកាន់តុលាការ ខេត្ត តាមដេការបង្គាប់ឱ្យចាប់ខ្លួន របស់លោក ស៊ាង ណារ៉ា ចៅក្រមជំនុំ ជម្រះនៃសាលាដំបូងខេត្តសៀមរាបផងដែរ ៕
ចែករំលែកព័តមាននេះ