យុទ្ធសាស្ត្រដែលអ្នកចាត់ចែងក្រុម BTS ប្រើស្រដៀងនឹងយុទ្ធសាស្ត្រមហាសេដ្ឋី Jeff Bezos
លោក បាង ស៊ីហ្យ៊ុគ (Bang Si-Hyuk) ត្រូវបានស្គាល់ជាអ្នកចាត់ចែងក្រុមកូរ៉េ BTS តាំងពីលោកបានជួយបង្កើតក្រុមនេះនៅឆ្នាំ ២០១៣ ។…
លោក បាង ស៊ីហ្យ៊ុគ (Bang Si-Hyuk) ត្រូវបានស្គាល់ជាអ្នកចាត់ចែងក្រុមកូរ៉េ BTS តាំងពីលោកបានជួយបង្កើតក្រុមនេះនៅឆ្នាំ ២០១៣ ។…
លោក បាង ស៊ីហ្យ៊ុគ (Bang Si-Hyuk) ត្រូវបានស្គាល់ជាអ្នកចាត់ចែងក្រុមកូរ៉េ BTS តាំងពីលោកបានជួយបង្កើតក្រុមនេះនៅឆ្នាំ ២០១៣ ។ កាលពីថ្ងៃច័ន្ទកន្លងមក ក្រុមហ៊ុន Big Hit Entertainment របស់លោកបានដាក់ភាគហ៊ុនលក់លើទីផ្សារភាគហ៊ុនដែលធ្វើឲ្យក្រុមហ៊ុនសរុបមានតម្លៃប្រមាណ ៤.១ប៊ីលានដុល្លារ និងបានធ្វើឲ្យលោក បាង ដែលជានាយកប្រតិបត្តិក្លាយជាមហាសេដ្ឋីផងដែរ ។
ហើយកត្តាចំបងដែលនាំយកភាពជោគជ័យទៅឲ្យ BTS គឺការស្តាប់អ្នកគាំទ្រ ដែលវាជាទស្សនៈមួយលោកមហាសេដ្ឋី ជេហ្វ បេសូស (Jeff Bezos) ដែលជាស្ថាបនិករបស់ Amazon ជឿជាក់ដូចគ្នា ។
លោក បាង បាននិយាយតាំងពីឆ្នាំ ២០១៩ មកថា «ខ្ញុំមិនអានសៀវភៅរបស់អ្នកដឹកនាំអាជីវកម្ម ឬនាយកប្រតិបត្តិច្រើនទេ ប៉ុន្តែក្នុងពេលថ្មីៗនេះខ្ញុំបានអានពីអ្វីដែលទាក់ទិននឹងលោក ជេហ្វ បេសូសដែលលោកបានវក់វីជាមួយនឹងអតិថិជនរបស់លោក ។ ពួកយើងតែងតែផ្តោតស្មារតីទៅលើផលិតផល និងអ្នកគាំទ្រ» ។
លោក បេសូស ធ្លាប់បានចែករំលែកថា មូលហេតុដែលធ្វើឲ្យ Amazon ជោគជ័យយ៉ាងខ្លាំងនេះ គឺមកពីការវក់វីនឹងអតិថិជន ។ គោលការណ៍ដឹកនាំដំបូងរបស់ Amazon គឺការព្យាយាមទទួល និងរក្សាជំនឿចិត្តរបស់អតិថិជន ។
សម្រាប់លោក បាង អតិថិជនរបស់លោក គឺអ្នកគាំទ្រ BTS រាប់លាននាក់ ។ លោកធ្លាប់បានប្រាប់ដល់ Time នៅឆ្នាំមុនថា «អ្នកគាំទ្រចម្រៀង K-Pop មានឥទ្ធិពលណាស់ ។ ពួកគេនឹងចែករំលែកទស្សនៈរបស់ពួកគេ ទោះជាអ្នកមិនព្យាយាមផ្តល់នូវអ្វីដែលពួកគេចង់បានច្រើនពិតមែនក្តី ។ ពួកយើងមិនធ្វើការងាររបស់ពួកយើងទេប្រសិនបើពួកយើងមិនទុកពេលដើម្បីស្តាប់អ្នកគាំទ្រ» ។
លើសពីនេះទៅទៀតលោកបានប្រាប់មកថា អ្នកគាំទ្រ K-Pop Idol ចង់មានអារម្មណ៍ស្និទ្ធស្នាលជាមួយតារារបស់ពួកគេ ។ ដោយហេតុដូចនេះទើបការធ្វើការជាមួយអ្នកគាំទ្ររបស់ BTS គឺជាសេវាកម្មធំមួយដែល Big Hit ផ្តល់ជូន ។ ឧទាហរណ៍ដូចជា Big Hit បានបង្កើតកម្មវិធីមួយឈ្មោះថា Weverse សម្រាប់អ្នកគាំត្រ K-Pop និង BTS ដើម្បីទំនាក់ទំនងគ្នា និងទិញផលិតផលទាក់ទិននឹង K-Pop ជុំវិញពិភពលោកផងដែរ ៕
ចែករំលែកព័តមាននេះ