គន្លឹះក្នុងការកំណត់គោលដៅរបស់ Google ដែលអាចជួយដល់ជីវិត ការងារ និងអាជីវកម្មអ្នកបាន
នៅឆ្នាំ ១៩៩៩ បុគ្គលិករបស់ Google បានស្តាប់នូវបទបង្ហាញមួយដែលបានផ្លាស់ប្តូរអនាគតរបស់ក្រុមហ៊ុនទាំងស្រុង ។ លោក ចន ដូអឺ (John…
នៅឆ្នាំ ១៩៩៩ បុគ្គលិករបស់ Google បានស្តាប់នូវបទបង្ហាញមួយដែលបានផ្លាស់ប្តូរអនាគតរបស់ក្រុមហ៊ុនទាំងស្រុង ។ លោក ចន ដូអឺ (John…
នៅឆ្នាំ ១៩៩៩ បុគ្គលិករបស់ Google បានស្តាប់នូវបទបង្ហាញមួយដែលបានផ្លាស់ប្តូរអនាគតរបស់ក្រុមហ៊ុនទាំងស្រុង ។ លោក ចន ដូអឺ (John Doerr) ដែលជាសមាជិកគណៈគ្រប់គ្រងថ្មី និងអតីតបុគ្គលិករបស់ Intel បានណែនាំពីប្រព័ន្ធ គោលដៅ និងលទ្ធផលសំខាន់ៗ ដែលជាវិធីសាស្ត្រដែលជួយឲ្យក្រុមហ៊ុនប្រែខ្លួនទៅជាអាជីវកម្មតម្លៃរាប់ទ្រីលានដុល្លារ។
វាតម្រូវឲ្យមានការកំណត់គោលដៅរយៈពេលវែង និងលទ្ធផលច្បាស់លាស់មួយចំនួនដែលអាចតាមដានមើលថាគោលដៅទាំងនោះអាចត្រូវបានសម្រេច ឬទេ ? ។ ប្រសិនបើអ្នកសម្រេចបាននូវគោលដៅរបស់អ្នកបានយ៉ាងងាយ នោះមានន័យថាអ្នកមិនបានកំណត់គោលដៅខ្ពស់គ្រប់គ្រាន់សម្រាប់អ្នកនៅឡើយទេ ។ ឧទាហរណ៍ដូច គោលដៅសម្រកទម្ងន់ក្នុងឆ្នាំនេះគឺមិនគ្រប់គ្រាន់ទេ ។ ផ្ទុយមកវិញ អ្នកគួរតែកំណត់គោលដៅ «ផ្លាស់ប្តូរការរស់នៅប្រចាំថ្ងៃឲ្យកាន់តែល្អសម្រាប់សុខភាពដែលជួយធ្វើឲ្យខ្ញុំសប្បាយចិត្តជាងមុន» ជាដើម ។ ហើយអ្នកអាចវាស់វែងវាបានដោយកំណត់ចំនួនគីឡូដែលអ្នកបានសម្រក ឬពេលវេលាដែលអ្នកបានចំណាយក្នុងការធ្វើលំហាត់ប្រាណជាដើម ។
យោងទៅតាមលោកអេនឌ្រូ ហ្វង (Andrew Fong) ដែលជាអនុប្រធានក្រុមហ៊ុន Dropbox មួយរូបបានប្រាប់មកថា មធ្យោបាយនេះជំរុញឲ្យមនុស្សធ្វើការដោយឆ្លាតវាងវៃជាងមុន មិនមែនកាន់តែខ្លាំងជាងមុនទេ ។ ដូច្នេះអ្នកមិនត្រូវមើលតែលើការងារដែលអ្នកបានសម្រេចទេ តែអ្នកត្រូវមើលលើលទ្ធផលដែលការងាររបស់អ្នកបានបង្កើត ។
ក្រៅពីនេះហើយ មធ្យោបាយនេះផ្តល់នូវភាពច្បាស់លាស់ពេលដែលការងារមានលក្ខណៈបន្ទាន់ច្រើន ។ ពេលដែលអ្នកកំណត់គោលដៅ អ្នកមិនគួរកំណត់ច្រើនពេកទេ ។ ផ្ទុយមកវិញ អ្នកត្រូវជ្រើសរើសគោលដៅដែលអ្នកគិតថាមានសារៈសំខាន់សម្រាប់អ្នក ។
លើសពីនេះទៅទៀត មធ្យោបាយនេះអនុញ្ញាតឲ្យអ្នកប្រមូលបាននូវភស្តុតាងដើម្បីបញ្ជាក់ថាអ្នកស័ក្តសមនឹងទទួលបានការតម្លើងប្រាក់ខែថែមទៀតផងព្រោះវាជួយសង្ខេបនូវការចូលរួមរបស់អ្នក និងឥទ្ធិពលដែលអ្នកមានលើក្រុមហ៊ុនរបស់អ្នកថែមទៀត ។
ប្រសិនបើអ្នកគោលដៅធំៗកំណត់ទុករួចជាស្រេច វានឹងជួយឲ្យអ្នកដឹងថាការងារ និងឱកាសអ្វីដែលអាចជួយឲ្យអ្នកខិតទៅកាន់តែជិតគោលដៅនោះ ៕
ចែករំលែកព័តមាននេះ