ខេត្តស្ទឹងត្រែង ៖ ប្រជាពលរដ្ឋនៅ២ឃុំនៅសៀមប៉ាង បានកើតការក្តៅក្រហាយខ្លាំង ចំពោះការប្រើប្រាស់អគ្គិសនីដែលមានភាពមិនប្រក្រតី ។ ហើយខាងអាជ្ញាធរអគ្គិសនីក៏បានរកឃើញកំហុសចំនួន១៥ករណី របស់សេវាករអគ្គិសនីនៅសៀមប៉ាងនេះផង
ដែរ។
ប្រភពឱ្យដឹងថា ប្រជាពលរដ្ឋទាំង២ឃុំ គឺបានកើតទុក្ខមិនសុខចិត្ត និងមានបំណងស្នើសុំសម្តេចតេជោ និងទាំងអាជ្ញាធរអគ្គិសនី សុំឱ្យដកសេវាកម្មរបស់សេវាករអគ្គីសនីដែលកំពុងធ្វើអាជីវកម្មបច្ចុប្បន្ន ដោយសុំឱ្យដាក់សេវាកម្មជាថ្មី ។
កន្លងមក ក្រុមអាជ្ញាធរអគ្គិសនីបានចុះមកស៊ើបអង្កេតលើកំហុសទាំង១៥ចំណុចនេះរួចហើយ តែរហូតមកទល់បច្ចុប្បន្ន បានត្រឹមតែមានការឆ្លើយតបឱ្យសេវាករសេវាកម្មជួយកែតម្រូវជាមួយប្រជាពលរដ្ឋរយៈពេល៦ខែ ។ ប៉ុន្តែ មិនត្រឹមមិនកែតម្រូវជាមួយប្រជាពលរដ្ឋទេ ថែមទាំងផ្គើនជាមួយអាជ្ញាធរអគ្គិសនីដែលគេកំណត់ឱ្យទៀត។
ទោះជាយ៉ាងណាប្រជាពលរដ្ឋតំបន់នៅសៀមប៉ាងនៅតែមិនពេញចិត្តនៅសេវាករ សេវាកម្មនេះ ។ ហើយតាមការឆ្លុះបញ្ចាំងសេវាករសេវាកម្ម «ហុយ ចេង»កំពុងបង្កបញ្ហា
ធ្វើឱ្យក្តៅក្រហាយដល់ពលរដ្ឋទូទាំងស្រុកសៀមប៉ាងហើយ ។
ទាក់ទិននឹងបញ្ហាខាងលើនេះ កោះសន្តិភាពនៅមិនទាន់ទទួលការបំភ្លឺណាមួយពីខាងអគ្គិសនី«ហុយ ចេង»នៅឡើយទេ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ