ខេត្តសៀមរាប ៖ មានករណីអគ្គិភ័យឆេះផ្ទះប្រជាពលរដ្ឋចំនួន០១ខ្នង នៅវេលាម៉ោង០៩និង៣០នាទីព្រឹកថ្ងៃទី៣០ ខែកញ្ញា ឆ្នាំ២០២០នេះ ហើយរលត់ទៅវិញ នៅម៉ោង១១ព្រឹកថ្ងៃដដែល ស្ថិតនៅក្នុងភូមិបេង ឃុំជីក្រែង…
ខេត្តសៀមរាប ៖ មានករណីអគ្គិភ័យឆេះផ្ទះប្រជាពលរដ្ឋចំនួន០១ខ្នង នៅវេលាម៉ោង០៩និង៣០នាទីព្រឹកថ្ងៃទី៣០ ខែកញ្ញា ឆ្នាំ២០២០នេះ ហើយរលត់ទៅវិញ នៅម៉ោង១១ព្រឹកថ្ងៃដដែល ស្ថិតនៅក្នុងភូមិបេង ឃុំជីក្រែង ស្រុកជីក្រែង ខេត្តសៀមរាប ។
ម្ចាស់ផ្ទះរងគ្រោះមានឈ្មោះ បូ វុទ្ឋី ភេទប្រុស អាយុ៥១ឆ្នាំ បណ្ដាលឲ្យរងការខូចខាតផ្ទះ០១ខ្នង ទំហំ៧ម៉ែត្រគុណ១២ម៉ែត្រ សាងសង់ពីឈើលើ ថ្មក្រោម ប្រក់ដំបូលក្បឿង ត្រូវឆេះខ្ទេចទាំងស្រុង ។
ទ្រព្យសម្បត្តិដែលបាត់បង់រួមមាន ៖ ប្រាក់ដុល្លារ ចំនួន ៥,០០០ដុល្លារ, ប្រាក់ខ្មែរ ចំនួន៣០លានរៀល និងសម្ភារដូចជាគ្រឿងសង្ហារឹម តុ ទូ ព្រមទាំងវត្ថុប្រើប្រាស់មួយចំនួនធំទៀត ត្រូវឆេះបំផ្លាញ់អស់ ។
បើតាមកម្លាំងអន្តរាគមន៍ នៃ អធិការដ្ឋាននគរបាលស្រុកជីក្រែង បានប្រើប្រាស់រថយន្តពន្លត់អគ្គិភ័យចំនួន ០១គ្រឿង ប្រើប្រាស់ទឹកអស់ ០៣រថយន្ត និងមានកិច្ចសហការចូលរួមពន្លត់ភ្លើងពីកម្លាំងនគរបាលប៉ុស្តិ៍ ប្រជាការពារ និងប្រជាពលរដ្ឋក្បែរខាងផងដែរ ។
ចំពោះមូលហេតុនៃគ្រោះគ្គិភ័យឆេះផ្ទះនេះ គឺបណ្តាលមកពីទុស្សេខ្សែភ្លើង ហើយឆេះធុងហ្គាសបន្តទៀត ទើបបណ្តាលអោយឆេះកាន់តែខ្លាំង តែម្តង ៕
ចែករំលែកព័តមាននេះ