សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី២៨ កញ្ញា បានខិតខំតបតវិញ ក្រោយការលាតត្រដាងរបស់កាសែតញូវយ៉កថែម ស្ដីពីការបង់ពន្ធរបស់លោក មុនការ
ជជែកដេញដោលគ្នាតាមទូរទស្សន៍ប្រឈមមុខនឹងគូប្រជែងនៃគណបក្សប្រជាធិបតេយ្យ លោកJOE BIDEN ដោយសង្ឃឹមថា លោកអាចរត់ទាន់ប្រជាប្រិយភាពរបស់គូប្រជែងក្នុងការស្ទាបស្ទង់មតិនានា ។
តាមការលាតត្រដាងនោះរបស់កាសែតញូវយ៉កថែមថា ក្នុងឆ្នាំ២០១៦ជាឆ្នាំដែលលោកត្រាំឈ្នះឆ្នោតប្រធានាធិបតី លោកបានបង់ពន្ធលើប្រាក់ចំណូលឲ្យដល់សហព័ន្ធត្រឹមតែ៧៥០ដុល្លារនិង១០ឆ្នាំក្នុងការរកស៊ីលោកមិនបានបង់ពន្ធលើប្រាក់ចំណូលឡើយ ។
លោកត្រាំបានបរិហារព័ត៌មាននោះថា ជាព័ត៌មានប៊ីដុងនិងប្រឌីត ដោយលោកបដិសេធយ៉ាង
មឺុងម៉ាត់ តែមិនបានអះអាងឬក៏បដិសេធតួលេខដែលចេញផ្សាយទាំងនោះដែរ ដោយលោកប្រកាន់យកការវាយប្រហារប្រឆាំងបណ្ដាសារព័ត៌មាន ។ លោកអះអាងថា ឪពុកលោកបានបង់
ពន្ធច្រើនសិបលានដុល្លារ ហើយលោកលើកនាព្រឹកថ្ងៃទី២៨ កញ្ញា ថា កូនប្រុសលោកគឹលោកDONALD JR. បានបង់ជាពិសេសពន្ធនៅមូលដ្ឋាន ។
លោកត្រាំបានលើកជាពិសេសពីទេពកោសល្យរបស់លោកក្នុងការរកសីុនិងលើកជានិច្ចពីជោគជ័យរបស់លោកក្នុងពិភពជំនួញ ។ ទោះបីយ៉ាងណាកត្តាដែលគួរឲ្យបារម្ភសម្រាប់លោកត្រាំ គឺលទ្ធផលនៃការស្ទាបស្ទង់មតិ ដែលគូប្រជែងនាំមុខលោកច្រើន ។ តាមការស្ទាបស្ទង់មតិរបស់វ៉ាស៊ិនតោនប៉ុស្តិ៍-ABC អតីតអនុប្រធានាធិបតីរបស់លោកបារ៉ាក់អូបាម៉ាមានការនាំមុខលោកត្រាំដល់១០%គឺ៥៣%ទល់៤៣% វាស្ទើរតែប្រហាក់ប្រហែលគ្នានឹងលទ្ធផលនៃការស្ទង់មតិកាលពីខែសីហាមុនសមាជរបស់កណបក្សទាំង២ ។
ក្នុងបណ្ដារដ្ឋគន្លឹះដែលនឹងកំណត់ពីជោគវាសនារបស់បេក្ខជនទាំង២រូប សម្រាប់ការបោះឆ្នោតនាថ្ងៃទី៣ វិច្ឆិកា តាមការស្ទាបស្ទង់រវាងបេក្ខជនទាំង២ លទ្ធផលអ្នកទាំង២ហាក់មានការគាំទ្រមិនលើសដាច់ពីគ្នាឆ្ងាយទេ តែលោក JOE BIDEN នៅតែមានការនាំមុខ ជាពិសេសក្នុងរដ្ឋវីស្កុន
សីុន ដែលក្នុងការបោះឆ្នោតឆ្នាំ២០១៦ គណបក្សសារណរដ្ឋជាអ្នកដណ្ដើមបានជ័យជម្នះក្នុងរដ្ឋនេះ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ