ខេត្តស្វាយរៀង ៖ ក្រចកជើងគោចំនួនជាង២តោន ត្រូវបានសមត្ថកិច្ចសាខាការពារអ្នកប្រើប្រាស់ កិច្ចការប្រកួតប្រជែង និងកង្ក្រាបការក្លែងបន្លំបានធ្វើសកម្មភាពចុះអនុវត្តការងារត្រួតពិនិត្យទំនិញរបស់មន្ត្រីសាខាការពារអ្នកប្រើប្រាស់កិច្ចការប្រកួតប្រជែង និង បង្ក្រាបការក្លែងបន្លំសាខាខេត្តស្វាយរៀង នៅច្រកអន្តរជាតិបាវិត ខេត្តស្វាយរៀង នៅថ្ងៃទី២៨ កញ្ញា ឆ្នាំ២០២០ ។ ជាលទ្ធផល ក្រោយការចុះអនុវត្តការងារ មន្ត្រីជំនាញយើងពុំបានរកឃើញមានសារធាតុគីមី (Formalin)ទេ ។
ប៉ុន្តែមន្ត្រីយើងបានពិនិត្យឃើញថា ក្រចកជើងគោចំនួន១២០ កេសស្មើ និង២,៤០០ kg ឃើញថា គ្មានឯកសារបញ្ជាក់ពីប្រភពដើមគ្មានលិខិតអនុញ្ញាតនាំចូលការដឹកជញ្ជូនគ្មានលក្ខណ:បច្ចេកទេស ( ទូរខ្លាសេ ) ។
លោកផឹង និល ប្រធានសាខាការពារអ្នកប្រើប្រាស់ កិច្ចការប្រកួតប្រជែង និង កង្ក្រាបការក្លែងបន្លំខេត្តស្វាយរៀងបានឲ្យដឹងថា ក្រោយពីបានទទួលការស្នើសុំកិច្ចសហការពីសាខាគយ និងរដ្ឋាករខេត្តស្វាយរៀង មន្ត្រីសាខាមន្ត្រីការពារអ្នកប្រើប្រាស់ កិច្ចការប្រកួតប្រជែង និង កង្ក្រាបការក្លែងបន្លំខេត្តស្វាយរៀងបានចុះពិនិត្សស្មងគោ, ជង្គង់គោ នាំចូលពីប្រទេសវៀតណាម តាមច្រកអន្តរជាតិបាវិត ស្វាយរៀង។
ប្រភពដដែលបានបន្តថា សកម្មភាពការងារ ត្រួតពិនិត្យមន្ត្រីជំនាញយើងបានយក ក្រចកជើងគោមកពិនិត្យនៅមន្ទីពិសោធន៍ខ្នាតតូចរបស់សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំខេត្តបានធ្វើការពិសោធន៍ ដើម្បីស្វែងរកសារធាតុគីមីហាមឃាត់ ដែលធ្វើអោយប៉ះពាល់ដល់សុខភាពប្រជាពលរដ្ឋ។
ប្រភពដដែលបានឲ្យដឹងទៀតថា ក្រោយពីមន្ត្រីយើងបានធ្វើកំណត់ហេតុដកហូត ក្រចចជើងគោទាំងនោះធ្វើការដុតកម្ទេចចោលនៅនៅទីលានចាក់សំរាមខេត្តស្វាយរៀង។ ក្នុងការកម្ទេចចោលមានការសហការ ពីអជ្ញាធរដែនដី និង សាខាគយខេត្តស្វាយរៀងផងដែរ៕
ចែករំលែកព័តមាននេះ