រាជធានីភ្នំពេញ ៖ ដោយមើលឃើញថា ជីវិតតារាចម្រៀងថ្មីៗ មិនសូវជាមានទីផ្សារ ឬខ្វះកន្លែងទីពឹង។ តារាចម្រៀងសំឡេងក្រអួនក្រអៅ ទៀង មុំសុធាវី បានបង្កើតទីតាំងថតបទចម្រៀងដោយខ្លួនឯង…
រាជធានីភ្នំពេញ ៖ ដោយមើលឃើញថា ជីវិតតារាចម្រៀងថ្មីៗ មិនសូវជាមានទីផ្សារ ឬខ្វះកន្លែងទីពឹង។ តារាចម្រៀងសំឡេងក្រអួនក្រអៅ ទៀង មុំសុធាវី បានបង្កើតទីតាំងថតបទចម្រៀងដោយខ្លួនឯង ហើយផែនការរបស់អ្នកនាងក៏ផ្តល់ឱកាសដល់តារាថ្មីៗណាដែលមានសមត្ថភាពបានថតច្រៀង។
អ្នកនាង ទៀង មុំសុធាវី បានរៀបរាប់ឱ្យដឹងថា នាងបានការបង្កើតស្ទីឌីយូនេះ មានបង្កើតជាកន្លែងថតសំឡេង និងកន្លែងថត MV ដោយកន្លែងថតសំឡេងរៀបចំរួចរាល់។ អ្នកនាងថា រាល់ថ្ងៃនេះ នាងមានយូធូបមួយខ្លួនឯង ដើម្បីបានថតសម្តែងច្រៀងហើយបំណងចង់ឱ្យក្មេងៗក្រោយទៀតដែលមានសមត្ថភាព មានសំឡេង តែអត់មានឱកាសគឺនាងផ្តល់ឱកាសឱ្យ។
បំណងបង្កើតតារាថ្មីៗរបស់នាងនៅលើឆាណែលយូធូបថ្មីមួយទៀតដោយបង្ហាញឱ្យមហាជនដឹងថា ខាងឆាណែលយូធូបនាងមានក្រុមតារាបង្កើតថ្មីៗដែលមានសំឡេងល្អ។ អ្នកនាងយល់ថា ចេះតែខំប្រមែប្រមូលតារាចម្រៀងថ្មីៗឱ្យច្រើន ព្រោះចង់បានធនធានសិល្បៈ ណាមួយ ព្រោះថាយើងធ្លាប់ឆ្លងកាត់ការលំបាកលើសិល្បៈច្រើន ទើបយល់។ បែបនេះហើយទើបចំណាយប្រាក់ដោយខ្លួនឯងរៀបចំ ដោយមិនមានចេតនាណាចង់បានអ្វីមកវិញនោះទេ។ សំខាន់ឱ្យតែពួកគាត់មានឱកាសបង្ហាញឱ្យគេដឹង។
គួររំលឹកថា ទៀង មុំសុធាវី គឺជាអ្នកចម្រៀងល្បីឈ្មោះប្រចាំប្រទេសកម្ពុជា នាងច្រៀងផ្លូវការតាមកិច្ចប្រជុំធំៗ ថ្នាក់រដ្ឋមន្ត្រីទាំងក្នុងស្រុក និងក្រៅស្រុក។ អ្នកនាងបានរៀបការជាមួយអាណិកជនបារាំង ដោយពិធីរៀបការនៅទីតាំងថ្នាក់ផ្កាយ៥ទៀតហើយ។ មានជីវិតត្រដែត សុធាវី មិនបោះបង់សិល្បៈឡើយ នៅតែបន្ត ខណៈស្វាមីបើកចិត្តទូលាយឱ្យបម្រើអាជីពចម្រៀង។
ចែករំលែកព័តមាននេះ