ប្រទេសអាស៊ែបៃហ្សង់ និងអាមេនី កាលពីថ្ងៃទី២៧ កញ្ញា បានរំកិលទៅរកសង្គ្រាមនឹងគ្នា ខណៈផ្ទុះការប្រយុទ្ធគ្នាថ្មី២ ក្នុងតំបន់បំបែកខ្លួន អាស៊ែបៃហ្សង់ណាហ្គ័រនីការ៉ាបាក់ ដែលទទួលការទ្រទ្រង់ដោយអាមេនី ។…
ប្រទេសអាស៊ែបៃហ្សង់ និងអាមេនី កាលពីថ្ងៃទី២៧ កញ្ញា បានរំកិលទៅរកសង្គ្រាមនឹងគ្នា ខណៈផ្ទុះការប្រយុទ្ធគ្នាថ្មី២ ក្នុងតំបន់បំបែកខ្លួន អាស៊ែបៃហ្សង់ណាហ្គ័រនីការ៉ាបាក់ ដែលទទួលការទ្រទ្រង់ដោយអាមេនី ។
ការប្រយុទ្ធគ្នានេះ បណ្ដាលឲ្យមនុស្សបាត់បង់ជីវិត យ៉ាងហោចណាស់ ៣៩នាក់ហើយ នាំឲ្យមានការព្រួយបារម្ភពីសង្គ្រាមទាំងមូល ។
ខណៈដែលរុស្ស៊ី ជាអ្នកផ្ដល់អាវុធឲ្យដល់ប្រទេសទាំង២ និងតាំងខ្លួនជាអាជ្ញាកណ្ដាលតំបន់ ។
ភ្លាមៗ ប្រធានាធិបតីរុស្ស៊ី លោក វ្ល៉ាឌីមៀរពូទីន បានអំពាវនាវឲ្យចៀសវាងការបង្កើនជម្លោះ
និងឲ្យបញ្ចប់ការប្រទូស្តរ៉ាយគ្នា ដែលមានលក្ខណៈសាហាវបំផុត ក្នុងតំបន់មានជម្លោះនោះ ចាប់តាំងពីឆ្នាំ២០១៦មក ។
អគ្គលេខាធិការ អ.ស.ប លោក ANTONNIO GUTERRES ក៏អំពាវនាវដែរឲ្យបញ្ឈប់ជាបន្ទាន់ ការប្រយុទ្ធគ្នា ហើយវិលដោយឆាប់រហ័សមករកការចរចា ។ លោកមានបំណងពិភាក្សាជាមួយប្រធានាធិតីអាស៊ែបៃហ្សង់ លោក LLHAMALIEV និងនាយករដ្ឋមន្ត្រីអាមេនី លោក NIKOL PACHINIAN ។
សូមទស្សនា វីដេអូ ជាក់ស្តែង ស្តីពីការប្រយុទ្ធគ្នារវាង អាស៊ែបៃហ្សង់-អាមេនី ៖
ចែករំលែកព័តមាននេះ