រាជធានីភ្នំពេញ ៖ តារាកំប្លែងភេទទី៣ ដែលកំពុងតែទទួលបានប្រជាប្រិយភាពតាមរយៈការនិយាយលេងកំប្លែង និងពូកែសម្តីមិនចេះរីងស្ងួត គឺនាង ផេន ខេក បានធ្វើអោយមហាជនមានការព្រួយបារម្ភជាខ្លាំង ក្រោយពីត្រូវបញ្ជូនទៅមន្ទីរពេទ្យភ្លាមៗ…
រាជធានីភ្នំពេញ ៖ តារាកំប្លែងភេទទី៣ ដែលកំពុងតែទទួលបានប្រជាប្រិយភាពតាមរយៈការនិយាយលេងកំប្លែង និងពូកែសម្តីមិនចេះរីងស្ងួត គឺនាង ផេន ខេក បានធ្វើអោយមហាជនមានការព្រួយបារម្ភជាខ្លាំង ក្រោយពីត្រូវបញ្ជូនទៅមន្ទីរពេទ្យភ្លាមៗ ក្នុងអំឡុងពេលកំពុងតែថតកម្មវិធី។
កាលពីពេលថ្មីៗនេះ ខណៈពេលដែលកំពុងតែត្រៀមថតកម្មវិធីមួយ ដែល ផេន ខេក ជាពិធីការិនីមួយរូបផងដែរនោះ ស្រាប់តែតារាកំប្លែងស្រីភេទទី៣ ដែលមានមាឌធំ សាច់ទ្រលុកទ្រលន់នោះ ស្រាប់តែមិនស្រួលខ្លួននៅក្នុងកម្មវិធី ហើយនាងក៏មិនអាចបន្តថតកម្មវិធីតទៅទៀតបាន ទើបធ្វើអោយផេកផ្លូវការរបស់កម្មវិធីមួយនេះបង្ហោះសារមួយថា «ផេនខេក ត្រូវដឹកទៅពេទ្យពាក់កណ្តាលទី ពេលកំពុងថត 3Fun ! មានហេតុផលពីក្រោយរឿងនេះ នឹងលាតត្រដាងប្រាប់ទស្សនិកជនឆាប់ៗនេះ! សុំទោស សប្តាហ៍នេះ អត់មានផេនខេកទេ!! មិនមែន Prank ទេ អាចចូលមើលខមិន ដើម្បីមើលរូប ផេនខេក នៅពេទ្យ!! អរគុណ ផេនខេក ដែលទោះអត់ស្រួលខ្លួនយ៉ាងណា ក៏នៅតែប្រឹង តែស៊ូទៅមុខមិនរួច ត្រូវសម្រេចដឹកទៅពេទ្យ ភ្លាមៗ»។
យ៉ាងណាមិញ ក្រោយពីឃើញសារនេះរួចមក ក៏មានមហាជន និងអ្នកគាំទ្ររបស់តារាកំប្លែងស្រីរូបនេះមានការព្រួយបារម្ភជាខ្លាំង ពីព្រោះតែរូបនាងមានមាឌធំ នៅពេលចូលមន្ទីរពេទ្យភ្លាមៗបែបនេះ ទើបធ្វើអោយមហាជនមានការបារម្ភកាន់តែខ្លាំង ហើយមកទល់ពេលនេះ មហាជនក៏មិនទាន់បានដឹងមូលហេតុអ្វីបានជា ផេក ខេក មានអាការៈបែបណា និងជំងឺអ្វីនោះឡើយ។
គួរបញ្ជាក់ផងដែរថា ផេន ខេក ជាតារាកំប្លែងភេទទី៣ ដែលកំពុងតែទទួលបានប្រជាប្រិយភាពនាពេលបច្ចុប្បន្ននេះ ទៅលើការពូកែលេងខ្លួនជាមួយនឹងសម្លៀកបំពាក់ប្លែកៗជាប្រចាំ បើទោះបីជារូបនាង មានមាឌក៏ដោយ ក៏មើលទៅហាក់សាមសមឥតខ្ចោះតែម្តង៕ (កែសម្រួលដោយ ៖ ធីតា)
ចែករំលែកព័តមាននេះ