រាជធានីភ្នំពេញ ៖ តារាសម្តែងស្រីដ៏ល្បីឈ្មោះអ្នកនាង ម៉ាក សែនសូនីតា បើទោះបីជានាងហាក់រយាលពីការងារសិល្បៈមួយរយៈក្រោយនេះ ដោយសារតែកំពុងតែពពោះកូនដំបូងជាមួយនឹងស្វាមីក៏ដោយ ក៏រូបនៅតែបង្ហាញពីជីវិតឯកជនពេញដោយក្តីសុខទៅដល់មហាជនតាមរយៈបណ្តាញសង្គមជានិច្ច ជាពិសេសអ្នកគាំទ្រតារាស្រីរូបនេះតែងតែចង់ដឹងសុខទុក្ខអាយដលរបស់ខ្លួនជានិច្ច ។…
រាជធានីភ្នំពេញ ៖ តារាសម្តែងស្រីដ៏ល្បីឈ្មោះអ្នកនាង ម៉ាក សែនសូនីតា បើទោះបីជានាងហាក់រយាលពីការងារសិល្បៈមួយរយៈក្រោយនេះ ដោយសារតែកំពុងតែពពោះកូនដំបូងជាមួយនឹងស្វាមីក៏ដោយ ក៏រូបនៅតែបង្ហាញពីជីវិតឯកជនពេញដោយក្តីសុខទៅដល់មហាជនតាមរយៈបណ្តាញសង្គមជានិច្ច ជាពិសេសអ្នកគាំទ្រតារាស្រីរូបនេះតែងតែចង់ដឹងសុខទុក្ខអាយដលរបស់ខ្លួនជានិច្ច ។
ថ្មីៗនេះទៀតសោត តារាស្រីរូបមុខស្រស់ស្រទន់ញញឹមស្រស់ដែលកំពុងតែសោយសុខនឹងជីវិតអាពាហ៍ពិពាហ៍យ៉ាងផ្អែមល្អែម បានបង្ហាញពីវីដេអូមួយ បង្កឲ្យមានការភ្ញាក់ផ្អើលផងដែរ ដោយក្នុងវីដេអូនោះបានបង្ហាញរូបនាងកំពុងពរផ្ទៃពោះកូនដំបូងរបស់នាងលោតធំ ព្រោះកៀកដល់ថ្ងៃសម្រាលមែនទែនហើយ តែបែរជាស្រីស្រស់រូបនេះឈរបញ្ចេញរាងជាមួយក្បាច់រាំបែបកំប្លែង និងសិចស៊ីបង្ហាញសាច់ក្បាលពោះ ជាមួយនឹងកូនក្នុងផ្ទៃយ៉ាងមានភាពជឿជាក់ទៅដល់មហាជនតែម្តង។
ក្រោយពីបង្ហោះវីដេអូនោះរួចមក តារាស្រីស្រស់សោភារូបនេះក៏បានពោលពាក្យយ៉ាងអស់សំណើចថា ដើម្បីបំបាត់ភាពស្ត្រេស និងភ័យមុនពេលឈានដល់ថ្ងៃសម្រាលកូនផងដែរ ។ ប៉ុន្តែនៅតែមានមហាជនជាច្រើនមានការចាប់អារម្មណ៍ជាខ្លាំង និងបានសរសើរពីសម្រស់របស់នាងថា នៅតែមានភាពទាក់ទាញដដែល បើទោះបីជាពោះកាន់តែធំក៏ដោយ។
គួរបញ្ជាក់ផងដែរថា បើទោះបីជាស្ងាត់ពីសិល្បៈមួយរយៈក៏ដោយ ក៏នាងនៅតែមានសុភមង្គលជាមួយនឹងស្វាមី និងជាពិសេសមុខរបររកស៊ី កាន់តែរីចម្រើនទៅមុខយ៉ាងកត់សម្គាល់ផងដែរ ៕
ចែករំលែកព័តមាននេះ