សត្វកណ្តុរយក្សអាហ្វ្រិកមួយក្បាល ដែលមានឈ្មោះថា ម៉ាហ្កាវ៉ា (Magawa) បានទទួលរង្វាន់មេដាយមាសដ៏មានកិត្យានុភាពមួយ សម្រាប់ការងាររបស់វាក្នុងការហិតរកគ្រាប់មីន។ នេះបើតាមការចុះផ្សាយរបស់សារព័ត៌មាន BBC របស់អង់គ្លេស ។…
សត្វកណ្តុរយក្សអាហ្វ្រិកមួយក្បាល ដែលមានឈ្មោះថា ម៉ាហ្កាវ៉ា (Magawa) បានទទួលរង្វាន់មេដាយមាសដ៏មានកិត្យានុភាពមួយ សម្រាប់ការងាររបស់វាក្នុងការហិតរកគ្រាប់មីន។ នេះបើតាមការចុះផ្សាយរបស់សារព័ត៌មាន BBC របស់អង់គ្លេស ។
ក្នុងអាជីពការងារដោះមីន កណ្ដុរ ម៉ាហ្កាវ៉ា បានហិតរកឃើញគ្រាប់មីនចំនួន ៣៩ គ្រាប់ និងគ្រាប់មិនទាន់ផ្ទុះចំនួន ២៨ គ្រាប់ ។ អង្គការសប្បុរសធម៌បសុព្យាបាល របស់ចក្រភពអង់គ្លេស ឈ្មោះ PDSA បានផ្ដល់មេដាយមាសដល់កណ្ដុរ ម៉ាហ្កាវ៉ា ជាការតបស្នងចំពោះ «ការលះបង់ជីវិត ដើម្បីបំពេញកាតព្វកិច្ចក្នុងការរុករក និងការបោសសំអាតគ្រាប់មីនដែលអាចបង្កគ្រោះថ្នាក់ដល់ជីវិតនៅក្នុងប្រទេសកម្ពុជា» ។
ក្នុងចំណោមសត្វចំនួន៣០ ដែលត្រូវទទួលមេដាយមាសរបស់ PDSA កណ្ដុរ ម៉ាហ្កាវ៉ា គឺជាអ្នកទទួលរង្វាន់ដែលឈរលេខរៀងទី១ នៅលើគេបង្អស់ ។ កណ្ដុរ ម៉ាហ្កាវ៉ា មានអាយុ ៧ឆ្នាំ និងត្រូវបានបង្វឹកដោយអង្គការសប្បុរសធម៌ដែលបានចុះបញ្ជីនៅប្រទេសប៊ែលហ្សិក ឈ្មោះ Apopo និងមានមូលដ្ឋាននៅប្រទេសតង់ហ្សានី ។
បន្ទាប់ពីទទួលការបង្វឹកបានមួយឆ្នាំ សត្វកណ្ដុរទាំងនេះនឹងទទួលបានវិញ្ញាបនបត្របញ្ជាក់សមត្ថភាពហិតរកគ្រាប់មីន កណ្ដុរ ម៉ាហ្កាវ៉ា មានសមត្ថភាពស្វែងរកគ្រាប់មីននៅលើផ្ទៃដីប៉ុនទីលានតារាងវាយកូនបាល់ ដោយប្រើពេលតែ២០នាទីប៉ុណ្ណោះ ដែលអង្គការ Apopo និយាយថា បើមនុស្សវិញត្រូវចំណាយពេលធ្វើការងារនេះ ជាមួយនឹងឧបករណ៍រាវរកគ្រាប់មីន ពី១ថ្ងៃ ទៅ៤ថ្ងៃឯណោះ ៕
ចែករំលែកព័តមាននេះ