រាជធានីភ្នំពេញ ៖ ក្រសួងមហាផ្ទៃបានប្រកាសបដិសេធច្រានចោលចំពោះការលើកឡើងរបស់លោក អេង ឆៃអ៊ាង អតីតមន្ត្រីជាន់ខ្ពស់បក្សប្រឆាំងថា ជាការនិយាយ ដើម្បីកុំឲ្យគេ ភ្លេចខ្លួនតែប៉ុណ្ណោះ។ ក្រសួងមហាផ្ទៃបានចេញសេចក្តីបដិសធន៍កាលពីថ្ងៃទី២៥…
រាជធានីភ្នំពេញ ៖ ក្រសួងមហាផ្ទៃបានប្រកាសបដិសេធច្រានចោលចំពោះការលើកឡើងរបស់លោក អេង ឆៃអ៊ាង អតីតមន្ត្រីជាន់ខ្ពស់បក្សប្រឆាំងថា ជាការនិយាយ ដើម្បីកុំឲ្យគេ ភ្លេចខ្លួនតែប៉ុណ្ណោះ។
ក្រសួងមហាផ្ទៃបានចេញសេចក្តីបដិសធន៍កាលពីថ្ងៃទី២៥ ខែកញ្ញា ឆ្នាំ២០២០ យ៉ាងដូច្នេះថា នៅថ្ងៃទី២៣ ខែកញ្ញា ឆ្នាំ២០២០ ក្រសួងមហាផ្ទៃបានចេញសេចក្តីណែនាំមួយលេខ០ ៤៣ ស ណ ន ស្តីពីការយកចិត្តទុកដាក់ដោះស្រាយបញ្ហាជូនប្រជាពលរដ្ឋ។ ក្រោយពីបានចេញសេចក្តីណែនាំនេះ ប្រជាពលរដ្ឋ និងបណ្តាញសារព័ត៌មានជាច្រើនបានសម្តែងមតិស្វាគមន៍ និងគាំទ្រ។
ផ្ទុយទៅវិញឈ្មោះ អេង ឆៃអ៊ាង អ្នកនយោបាយជាប់បំរាមតុលាការកម្ពុជា ដែលកំពុងរស់នៅក្រៅប្រទេសបានធ្វើអត្ថាធិប្បាយក្នុងវិទ្យុបរទេសមួយ កាលពីយប់ថ្ងៃទី២៤ ខែកញ្ញា ឆ្នាំ២០២០ ដោយនិយាយបំភ្លើសមិនទទួលស្គាល់ការពិត ក្នុងន័យចោទប្រកាន់អាជ្ញាធរមូល ដ្ឋានថា អ្នកកៀបសង្កត់សិទ្ធិប្រជាពលរដ្ឋ និងប្រព្រឹត្តអំពើពុករលួយទៅវិញ ។
ក្រសួងបញ្ជាក់ថា៖ «សំដីនេះបញ្ជាក់ឲ្យឃើញពីចរិតពិតនៃអ្នកនយោបាយប្រឆាំងដែលមានភ្នែកភ្លឺនឹងគេដែរ តែធ្វើជាពុតត្បុតជាមនុស្សខ្វាក់ ធ្វើមិនដឹង មិនលឺ មើលមិន ឃើញនូវ សមិទ្ធផល និងស្នាដៃជាច្រើនដែលរាជរដ្ឋាភិបាលកម្ពុជា បានធ្វើកន្លងមក»។
ក្រសួងក៏បានលើកឡើងទៀតថា ប្រសិនបើដូចសំដីរបស់ឈ្មោះ អេង ឆៃអ៊ាង បានលើក ឡើងថា មន្ត្រីថ្នាក់ជាតិ និងអាជ្ញាធរមូលដ្ឋានធ្វើមិនកើត និងគ្មានជំនឿនោះ ម្ល៉េះសមរាជរដ្ឋាភិបាលសព្វថ្ងៃនេះ មិនអាចស្ថិតនៅគង់វង្សបានទេ ហើយក៏មិនអាចកសាងប្រទេសរីកចម្រើន រក្សាបានសន្តិសុខ សន្តិភាពជូនប្រជាជន និងប្រទេសជាតិ បានដូចសព្វថ្ងៃនេះឡើយ។
ក្រសួងមហាផ្ទៃបានចាត់ទុកសំដីរបស់លោក អេង ឆៃអ៊ាង គឺជាសំដីភូតកុហក គ្មានខ្លឹមសារ ដោយគ្រាន់តែនិយាយឲ្យលឺសំលេង និងកុំឲ្យតែគូកន និងបក្ខពូករបស់ខ្លួន ភ្លេច ឈ្មោះតែប៉ុណ្ណោះ។
ជាមួយគ្នានោះដែរ ប្រភពបានបន្តថា ក្រោមការដឹកនាំរបស់សម្តេចក្រឡាហោម ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានយកចិត្តទុកដាក់ខ្ពស់ចំពោះភារកិច្ចបម្រើជាតិ ប្រជាជន និងការខិតខំធ្វើយ៉ាងណាឲ្យសង្គមមាភាពយុត្តិធម៌ រួមទាំងការរក្សាសន្តិសុខ ស ណ្តាប់ធ្នាប់សាធារណៈ របៀបរៀបរយសង្គម ការដោះស្រាយបញ្ហានានា ដែលជាក្តីកង្វល់ និងសំណូមពររបស់ប្រជាពលរដ្ឋ ។
សម្តេចក៏បានបើកឲ្យមានវេទិការសាធារណៈ ការបង្ខិតសេវាឲ្យកាន់តែកៀក ប្រជាពលរដ្ឋ ដូចជាសេវាច្រកចេញចូលតែមួយ ក៏ត្រូវបានធ្វើឡើងដោយប្រកបដោយប្រសិទ្ធភាព និងមានប្រសិទ្ធផល ទន្ទឹមនឹងការបណ្តុះបណ្តាលស្មារតីមនសិការ វិជ្ជាជីវៈដល់មន្ត្រី និងកងកម្លាំងនគរបាលជាតិ ព្រមទាំងជំរុញការអនុវត្តគោលនយោបាយភូមិ-ឃុំមានសុវត្ថិភាពជាដើម៕
ចែករំលែកព័តមាននេះ