សេង រដ្ឋា ត្រូវអ្នករៀបចំការប្រកួតធ្វើបាបអារម្មណ៍មុនពេលគ្រងមកុដ
- ភ្នំពេញ
រាជធានីភ្នំពេញ ៖ មហាជន និងទស្សនិកជនជាច្រើនបុកពោះមិនតិចពាន់នាក់ទេ នៅពេលការប្រកួត Miss Grand Cambodia ២០២០ មិនទាន់ឃើញស្រីស្អាត…
រាជធានីភ្នំពេញ ៖ មហាជន និងទស្សនិកជនជាច្រើនបុកពោះមិនតិចពាន់នាក់ទេ នៅពេលការប្រកួត Miss Grand Cambodia ២០២០ មិនទាន់ឃើញស្រីស្អាត សេង រដ្ឋា បានពានអ្វីសោះ។ គេឃើញតែបវរកញ្ញាផ្សេង ខ្លះបានពាន២ទៅ៣ក្នុងដៃញញឹមរីករាយ ។ ចំណែក បេក្ខនារីមកពីខេត្តកំពង់ធំ សេង រដ្ឋា វិញ ស្ងាត់ឈឹង ធ្វើឱ្យអ្នកគាំទ្រខូចចិត្តឡើងសេតតែម្តង។
យ៉ាងណា ពេលនេះ រដ្ឋា បានយកឈ្នះបវរកញ្ញាផ្សេងទៀត ដោយក្លាយជាម្ចាស់មកុដក្រោមសំឡេងហ៊ោ ឡើងចង់បាក់ឆាកតែម្តង។
កម្មវិធីប្រឡង Miss Grand Cambodia ២០២០ បានបិទបញ្ចប់ហើយ កាលពីយប់ថ្ងៃទី២៦ កញ្ញា ឆ្នាំ២០២០ នាជុំចុងក្រោយ។ មហាជនជាច្រើនមកទស្សនាយ៉ាងកកកុញ ព្រោះម្នាក់ចង់ឃើញការច្នៃម៉ូដសម្លៀកបំពាក់ ទាំងប្រពៃណីជាតិ និងសមោលស មានភាពទាក់ទាញបែបណា។
ជាការមើលឃើញ បេក្ខនារី២៨រូប វគ្គចុងក្រោយ សុទ្ធតែស្រស់ស្អាត និងមានភាពក្លាហានជឿជាក់។ កាន់តែមានការតាមដាននៅពេលដែលម្ចាស់មកុដ សេង រដ្ឋា ដែលគេរំពឹងថា ទទួលបានពានផ្សេងៗ បែរជាមិនបានអ្វីមួយស្ទើរមិនគួរឱ្យជឿ។
អ្នកខ្លះចង់ដើរចេញកណ្តាលទី ពេលឃើញបេក្ខនារី ដែលពេញហើយបានពាននឹងឈានទៅប្រទេសមិនបានអ្វីសោះ សូម្បីតែមួយ ។ មិនថា ពានថតរូបស្អាត ពានញញឹមស៊ីកាមេរ៉ា ឬឈុតសម្លៀកបុរាណសម័យ ក៏ រដ្ឋា គ្មានឡើយ។
សេង រដ្ឋា ចុងក្រោយ នាងត្រូវឈ្នះមកុដ ហើយសម្រែកហ៊ោរពេញវេទិកា ឯសម្រស់របស់នាងវិញឃើញថា មានភាពទាក់ទាញរាប់ទាំងដងខ្លួន ដំណើរស្វាហាប់។ ឯការឆ្លើយសំណួរវិញ គឺនាងឆ្លើយបានល្អចំគោលដៅ។
លើសពីនេះ ខាងប្រទេសថៃ ក៏បានតាមដានកម្ពុជាប្រកួតដែរ ហើយបានចូលខមមិនថា រើសបានល្អកញ្ញាទាំង៥ចុងក្រោយ ពិសេសអ្នកបំពាក់មកុដលេខ១ ពិតជាស្អាត។ កញ្ញាលេខ២ បានទៅក្រុងព្រះសីហនុ លេខ៣ បន្ទាយមានជ័យ លេខ៤ បាត់ដំបង និងលេខ៥ ខ្មែរបារាំង។
ចែករំលែកព័តមាននេះ