អាជ្ញាធរដឹកជញ្ជូនបានប្រកាសកាលពីពេលថ្មីៗនេះថា បរិមាណរថយន្តប្រើប្រាស់ថាមពលអគ្គិសនីជំនួសឱ្យការប្រើសាំង នឹងមានវត្តមានលើដងផ្លូវប្រទេសចិននៅឆ្នាំ២០២០ ប្រមាណជា៣០ម៉ឺនគ្រឿង ស្របពេលប្រទេសនេះដាក់ទិសដៅសន្សំសំចៃថាមពល និងការប្រយុទ្ធប្រឆាំងការបំពុលបរិស្ថាន ។
បើតាមការឱ្យដឹងពីក្រសួងដឹកជញ្ជូនចិននឹងបង្កើតផលិតភាពដែលអនុគ្រោះដល់បរិស្ថានចំពោះរថយន្តប្រភេទនេះ ដើម្បីជួយគាំទ្រនូវការសម្រេចកំណើនលឿនជាងមុននៃអ្នកចូលចិត្តប្រើវាជាមធ្យោបាយធ្វើដំណើរ ។ តាមផែនការគេបានដាក់ទិសដៅសម្រាប់រថយន្តក្រុងប្រើថាមពលអគ្គិសនីឱ្យបាន២០ម៉ឺនគ្រឿង និងរថយន្តតាក់ស៊ី(ដឹកភ្ញៀវ) តាមទីប្រជុំជនប្រមាណជា១០ម៉ឺនគ្រឿង សម្រាប់ចែកចាយឆ្នាំ២០២០ ដើម្បីជាការលើកទឹកចិត្តផលិតកម្មនិងការទិញរថយន្តប្រភេទនេះ ។ ចិននឹងបន្តលើកទឹកចិត្តដល់ការសាងសង់មធ្យោបាយ ឬស្ថានីយសាកបញ្ចូលភ្លើងនានាផងដែរ នៅតាមក្រុងជាច្រើន ហើយថែមទាំងអនុវត្តនូវគោលការណ៍លើកលែងពន្ធ ក៏ដូចជាជួយទំនុកបម្រុងជាប្រាក់សម្រាប់អ្នកទិញវាយកទៅប្រើប្រាស់ ។ បើតាមទិន្នន័យពីក្រសួងចាប់ពីថ្ងៃទី១ កញ្ញា ឆ្នាំ២០១៤ ដល់ដំណាច់ឆ្នាំ២០១៧ បណ្តាអ្នកទិញរថយន្តអគ្គិសនីដែលមានគុណសម្បត្តិគ្រប់គ្រាន់នឹងមិនចាំបាច់បង់ពន្ធថ្លៃទិញនោះទ្បើយ ។
គួររំឭកថា គិតចាប់តាំងពីឆ្នាំ២០១៤ មកចិនបានដាក់ចេញនូវវិធានការផ្សេងៗ ដើម្បីផ្សព្វផ្សាយនូវការប្រើប្រាស់រថយន្តបើកបរដោយថាមពលអគ្គិសនី ឬបញ្ចូលភ្លើង ដើម្បីនឹងសន្សំសំចៃថាមពល និងការប្រយុទ្ធប្រឆាំងការបំពុលបរិស្ថាន ក្នុងនោះរួមមានការលើកលែងពន្ធ ការទំនុកបម្រុងជាប្រាក់សម្រាប់អ្នកទិញ និងការស្នើសុំរដ្ឋាភិបាលរៀបចំទិញរថយន្តទាំងនោះឱ្យបានច្រើនថែមទៀតជាដើម ។
ដោយទ្បែក តួលេខពីក្រសួងឧស្សាហកម្មនិងបច្ចេកវិទ្យាព័ត៌មានបង្ហាញថា ផលិតកម្មរថយន្តប្រើប្រាស់ថាមពលថ្មីនេះ របស់ប្រទេសចិនកើនទ្បើងមួយជា៤ពីមួយឆ្នាំទៅមួយឆ្នាំប្រមាណជា៨៣.៩០០គ្រឿងក្នុងឆ្នាំ២០១៤ ៕
ចែករំលែកព័តមាននេះ