ខេត្តកំពត ៖ រថយន្ត២គ្រឿងបានបើកស្រប់ទិសគ្នាមកពីទិសខាងលិចទៅទិសខាងកើតតាមបណ្ដោយផ្លូវជាតិលេខ33 ស្រាប់តែមកដល់ចំណុចភូមិបឹងធំ ឃុំអង្គសុរភី ស្រុកកំពង់ត្រាច រថយន្តម៉ាកូរ៉ូឡា ពណ៌.ស គឺបានបត់ចូលស្ថានីយប្រេងខាងឆ្វេងដៃហើយរថយន្តមួយគ្រឿងទៀតម៉ាកស្ការរិច ពណ៌ទឹកប្រាក់មកពីក្រោយ ក៏បុកចំពាក់កណ្ដាលរថយន្តកូរ៉ឡានោះតែម្ដងទៅ ។
ហេតុការគ្រោះថ្នាក់ដ៏អាក្រក់អាក្រីនេះ បានកើតឡើងកាលពីវេលាម៉ោង០៦និង៣០នាទីថ្ងៃទី១៥ កញ្ញា កន្លងមក មុនបុណ្យភ្ជុំបិណ្ឌ។ លោកទំ ទិត្យ នាយផ្នែកនគរបាលសណ្ដាប់ធ្នាប់ និងចរាចរស្រុកកំពង់ត្រាច កាលពីព្រឹកថ្ងៃទី25 កញ្ញា នេះ បាននិយាយថាគ្រោះថ្នាក់ចរាចរណ៍នេះ ដោយសាតែរថយន្តកូរ៉ូឡាពណ៌.ស ដែលមានម្ចាស់អ្នកបើកបរឈ្មោះឡាយ ផាត អាយុ៤៦ឆាំ្ន នៅភូមិ6 សង្កាត់មិត្តភាពខណ្ឌ7មករា រាជធានីភ្នំពេញ។
អ្នកបើកបររថយន្តកូរ៉ូឡាគឺពេលបត់រថយន្តមិនមានការប្រុងប្រយ័ត្នទេ ចង់បត់ក៏បត់ភ្លាម យ៉ាងល្ងីល្ងើពកថ្ងាស ។ ដោយឡែក អ្នកបើកបររថយន្តស្ការិចឈ្មោះស៊ាន សុថឹន កើតឆ្នាំ1994 នៅភូមិត្រពាំងព្រីង ឃុំទូកមាសខាងកើត ក៏មិនបានប្រុងប្រយត្ន័ដែរ ព្រោះគេបើកលើផ្លូវធំមានអត្ថិភាពច្រើន។
លោកទំ ទិត្យ ប្រធានផ្នែកនគរបាលសណ្ដាប់ធ្នាប់ និងចរាចរណ៍និយាយថា បន្ទាប់ពីបុណ្យភ្ជុំបិណ្ឌហើយ កាលពីថ្ងៃទី២២ កញ្ញា នេះ ម្ចាស់រថយន្តទាំងពីរគ្រឿងបានជួបដោះស្រាយគ្នាម្ដងហើយ តែភាគីទាំងសងខាងមិនត្រូវរូវគ្នាទេ។ ព្រោះម្ចាស់រថយន្តទាំងពីរសុទ្ធតែបានទារសំណងអោយសងគ្នាទៅវិញទៅមក។
ប៉ុន្តែសំណុំរឿងគ្រោះថ្នាក់នេះ អាចនិងបញ្ជូនទៅកាន់ស្នងការដ្ឋាននគរបាលខេត្តវិញ ។ ប៉ុន្តែជាការពិត អ្នកបើកពីមុខគេ គឺអាកូរ៉ូឡាមុននិងបត់ឆ្វេងស្ដាំត្រូវតែងាកមើលសិនថា តើមានគេមកពីក្រោយដែរឬអត់? បើគេមកពីក្រោយប្រកៀកប្រកិតដែរ ហើយយើងនៅពីមុខបត់ភ្លាមយ៉ាងល្ងីល្ងើបែបនេះ គេនៅពីក្រោយច្បាស់ជាបុកហើយ ទោះបីហ្វ្រាំងយ៉ាងណាក៏បុកដែរ។
ចែករំលែកព័តមាននេះ