មានហេតុអ្វីខ្លះ?ទើបអ្នកនាងឈិន សុធារី បន្តផ្លោងសម្តីខ្លាំងបែបនេះ
- ភ្នំពេញ
រាជធានីភ្នំពេញ ៖ រហូតមកទល់ពេលនេះ ទំនាស់រវាងអ្នកនាងឈិន សុធារី និងអតីតស្វាមីលោក សុវណ្ណ មករា ហាក់មិនទាន់ថមថយកំដៅនៅឡើយទេ ខណៈពេលដែល…
រាជធានីភ្នំពេញ ៖ រហូតមកទល់ពេលនេះ ទំនាស់រវាងអ្នកនាងឈិន សុធារី និងអតីតស្វាមីលោក សុវណ្ណ មករា ហាក់មិនទាន់ថមថយកំដៅនៅឡើយទេ ខណៈពេលដែល…
រាជធានីភ្នំពេញ ៖ រហូតមកទល់ពេលនេះ ទំនាស់រវាងអ្នកនាងឈិន សុធារី និងអតីតស្វាមីលោក សុវណ្ណ មករា ហាក់មិនទាន់ថមថយកំដៅនៅឡើយទេ ខណៈពេលដែល ឈិន សុធារី នៅបន្តផ្លោងសម្តីដាក់លោក សុវណ្ណ មករា ជាថ្មីម្តងទៀត តាមបណ្តាញសង្គមហ្វេសប៊ុក។
បើទោះបីជាការខឹងសម្បារទៅលើលោក សុវណ្ណ មករា មិនត្រូវបាន ឈិន សុធារី បញ្ជាក់ច្បាស់ក៏ដោយ ប៉ុន្តែមហាជនជាច្រើនបានសន្និដ្ឋានរឿងរ៉ាវមួយនេះទំនងអាចមកពីបញ្ហាការមើលថែកូនភ្លោះរបស់ពួកគេ ខណៈពេលដែលអ្នកទាំងពីរមិនបានដាក់បម្រាមខាងណាមួយមិនអោយជាប់មុខកូននោះឡើយ បើទោះបីជាពួកកគេបានលេងលះ។
ជាការកត់សម្គាល់ បើយោងតាមសំណេរដែល ឈិន សុធារី បានបង្ហោះនោះបានបង្កប់ន័យយ៉ាងមុតមាំថា «អាពូកែសម្តែង 😡😡បន្តិចទៀតផុសអោយខ្មាស់គេម្តងកុំអោយសម្តែងពេកអោយឯងខ្មាស់គេម្តង អោយដឹងការពិត ថាវាយ៉ាងមិច MKR» ។
តាមរយៈសារដែល ឈិន សុធារី បានបង្ហោះនេះ គឺច្បាស់ណាស់ថា នាងសំដៅទៅលើលោក សុវណ្ណ មករា ដែលទំនងជាបានចោទប្រកាន់នាងមិនបានជួយមើលថែកូន ដែលនោះអាចជាមូលហេតុដែលនាងហាក់ក្តៅចុងច្រមុះ ទើបបង្ហោះសារបែបនេះ។
យ៉ាងណា នៅពេលមានមិត្តភក្តិជាច្រើនបានសាកសួរ ក្រោយពេលដែលនាងបានបង្ហោះសារខាងលើនេះរួចមក ឈិន សុធារី មិនបានបញ្ជាក់មូលហេតុអ្វីនោះឡើយ ដោយនាងបែរជាឲ្យទៅសួរលោក សុវណ្ណ មករា ទៅវិញ។
ទោះជាបែបណា រហូតមកដល់ថ្ងៃទី២៥ កញ្ញា ឆ្នាំ២០២០ នេះ គេនៅមិនទាន់មានឃើញ ឈិន សុធារី បង្ហោះរឿងរ៉ាវដែលនាងនិយាយនោះឡើយ ក្រៅពីការបង្ហោះវីដែអូរូបកូនស្រីដែលបាននិយាយចង់នៅជាមួយខ្លួនរហូត និងមួយខ្លួថា ស្តាប់សម្តីកូនខ្ញុំផង… ព្រោះតែខំរកប្រាក់ដើម្បីចិញ្ចឹមកូនទាំងពីរ ម្តាយសុខចិត្តទ្រាំ ឲ្យគេយកទៅយកមក ម្តាយចង់ឆ្កួតព្រោះតែរវល់ពេក..បារម្ភកូនផង បារម្ភពីកិច្ចការរកស៊ីខ្លួនឯងផង ខ្លាចគ្មានប្រាក់ចិញ្ចឹមឫបង់សាលាកូន.. 😥 ម្ចាស់ជីវិតម្តាយ។
គួរបញ្ជាក់ថា កន្លងមកទោះបីជាអ្នកនាង ឈិន ច័ន្ទសុធារី និងលោក សុវណ្ណ មករា មិនមានឈ្មោះជាប្ដីប្រពន្ធនឹងគ្នាដូចពេលមុនក្ដីតែអ្នកទាំងពីរហាក់មិនមានគំនុំគំកួន ឬពាក់មុខយក្សដាក់គ្នាឡើយ ពោល ឈិន ច័ន្ទសុធារី តែងបើកដៃឲ្យ សុវណ្ណ មករា ចេញចូលផ្ទះរបស់ខ្លួន គ្រប់ពេលអតីតស្វាមីរូបនេះនឹកកូនៗទាំងពីរ ដោយអ្នកនាងមិនបានកាត់ផ្ដាច់មនោសញ្ចេតនារវាងឪពុក និងកូនឡើយ។
ឈិន សុធារី ធ្លាប់លើកឡើងថា ការធ្វើបែបនេះគឺ នាង ចង់ផ្ដល់ភាពកក់ក្ដៅដល់កូនៗជាទីស្រលាញ់ មិនចង់ឲ្យពួកគេធំឡើងមានអារម្មណ៍ឯកោ។
ឈិន សុធារី និងលោក សុវណ្ណ មករា បានដឹកដៃគ្នាចូលរោងការ កាលពីអំឡុងចុងឆ្នាំ២០១៥ ហើយអ្នកទាំងពីបានជួបភាពរកាំរកូសគ្នារហូតឈានដល់ការលេងលះគ្នានៅអំឡុងឆ្នាំ២០១៧ បន្ទាប់ពីពួកគេបានទទួលចំណងដៃកូនភ្លោះប្រុសស្រីពីនាក់នេះរួចមក។
ឈិន ច័ន្ទសុធារី ធ្លាប់បញ្ជាក់ថា ចាប់តាំងពីចែកផ្លូវគ្នាដើររៀងៗខ្លួននាពេលនោះ បន្ទុកទាំងស្រុងក្នុងការចិញ្ចឹមបីបាច់មើលថែរក្សាកូនទាំងពីគឺធ្លាក់មកលើនាងទាំងអស់ ចំណែកស្វាមីមិនបានជួយទំនុកបម្រុងនោះទេ តែក្នុងបណ្ដឹងលែងលះខ្លួនបានទាមទារអាហារកិច្ច ពី សុវណ្ណ មករា ទើបរហូតមកទល់ពេលនេះលោក សុវណ្ណ មករា ក៏បានទទួលភារកិច្ចមើកថែ និងទំនុកបម្រុងខ្លះសម្រាប់កូនទាំងពីរនេះផងដែរ៕
ចែករំលែកព័តមាននេះ