ខេត្តបន្ទាយមានជ័យ ៖ មាន៤ឃុំក្នុងស្រុកមង្គលបូរីដែលអាជ្ញាធរជូនដំណឹងមានការប្រុងប្រយ័ត្ននៅពេលទឹកជំនន់ឡើងខ្លាំងនេះជាការព្រួយបារម្ភទឹកធ្លាក់ពីខាងឡើងខ្លាំងដែលអភិបាលរងខេត្តបន្ទាយមានជ័យចុះពិនិត្យស្ថានភាពទឹកនៅថ្ងៃទី២៣ ខែកញ្ញា ឆ្នាំ២០២០នេះក្នុងស្រុកមង្គលបូរី។ លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ថា៖ រហូតដល់ថ្ងៃទី២៣…
ខេត្តបន្ទាយមានជ័យ ៖ មាន៤ឃុំក្នុងស្រុកមង្គលបូរីដែលអាជ្ញាធរជូនដំណឹងមានការប្រុងប្រយ័ត្ននៅពេលទឹកជំនន់ឡើងខ្លាំងនេះជាការព្រួយបារម្ភទឹកធ្លាក់ពីខាងឡើងខ្លាំងដែលអភិបាលរងខេត្តបន្ទាយមានជ័យចុះពិនិត្យស្ថានភាពទឹកនៅថ្ងៃទី២៣ ខែកញ្ញា ឆ្នាំ២០២០នេះក្នុងស្រុកមង្គលបូរី។ លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ថា៖ រហូតដល់ថ្ងៃទី២៣ ខែកញ្ញា ឆ្នាំ២០២០នេះស្ថានភាពដែលធ្លាក់ពីផ្នែកខាងលើមកពីខេត្តប៉ៃលិន និងខេត្តបាត់ដំបងតាមដងស្ទឹងបវិលមកដងស្ទឹងមង្គលបូរីខេត្តបន្ទាយមានជ័យ ទឹករយៈពេល២ទៅ៣ថ្ងៃនេះឡើងខ្លាំងរហូតដល់មានចំនួន៤ឃុំជាប់ដងស្ទឹងត្រូវបានជូនដំណឹងឲ្យបងប្អូនប្រជាពលរដ្ឋត្រូវមានការចូលរួមប្រុងប្រយ័ត្នព្រោះទឹកកំពុងហក់ឡើងខ្លាំងនេះជាការព្រួយបារម្ភពីអាជ្ញាធរ។
លោកបានបញ្ជាក់ថា៖ ទឹកជំនន់ដែលត្រូវបានជូនដំណឹងមានចំនួន៤ឃុំតាមដងស្ទឹងមង្គលបូរីមាន ឃុំសឿ ឃុំចំណោម ឃុំរហាត់ទឹក ឃុំបត់ត្រង់ ទោះជាទឹកកំពុងហក់ឡើងខ្លាំងរយៈពេល២ទៅ៣ថ្ងៃយ៉ាងណាក៏ដោយតែមិនទាន់ប៉ះពាល់ ឬលិចលង់ផ្ទះសម្បែងប្រជាពលរដ្ឋនៅឡើយទេតែនៅឃុំសឿ និងឃុំចំណោមដែលជាប់ព្រំប្រទល់ស្រុកបវិលខេត្តបាត់ដំបង ទឹកកំពុងប្រឈមលិចស្រូវដើមរដូវកំពុងទំដែលប្រជាកសិករកំពុងដណ្តើមច្រូតពីទឹកជាបណ្តើៗហើយ។លោក លី សារី អភិបាលរងខេត្តបន្ទាយមានជ័យបានបញ្ជាក់ថា៖
ក្រោយពេលចុះពិនិត្យមើលស្ថានភាពទឹកនៅស្រុកមង្គលបូរីឃើញមាន៤ឃុំ ដែលរស់នៅតាមដងស្ទឹងមង្គលបូរីកំពុងត្រូវបានជូនដំណឹងដល់បងប្អូនចូលរួមការប្រុងប្រយ័ត្ន ព្រោះស្ថានភាពទឹកផ្នែកខាងលើកំពុងហក់ឡើងខ្លាំងជាការព្រួយបារម្ភចំពោះអាជ្ញារធរដែលត្រូវចុះពិនិត្យជាក់ស្តែងឃើញទឹកកំពុងហក់ខ្លាំង។ លោកបានអំពាវដល់បងប្អូនប្រជាពលរដ្ឋរស់នៅតាមដងស្ទឹងចូលមានការប្រុងប្រយ័ត្នព្រោះទឹកដែលកំពុងហក់ឡើងខ្លាំងរាល់ថ្ងៃ ត្រូវប្រុងប្រ័ត្នចំពោះកូនចៅមិនត្រូវឲ្យលេងទឹក ហើយមុនចូលដេកផ្ទះទាបត្រូវពិនិត្យមើលឲ្យបានច្បាស់លាស់មុនចូលដេកខ្លាចសត្វអសិរពឹសដែលបណ្តាលគ្រោះថ្នាក់កើតឡើងបានគ្រប់ពេល៕ ដោយ ៖ ប៊ុន ធឿន
ចែករំលែកព័តមាននេះ