ប្រទេសអ៊ុយក្រែន ៖ កងទ័ពអ៊ុយក្រែនរាយការណ៍នាថ្ងៃទី២៣ កញ្ញា ថា អ៊ុយក្រែនបានធ្វើសមយុទ្ធយោធាដ៏ធំមួយ ជាប្រតិកម្មតបចំពោះសមយុទ្ធយោធាធំនៅប្រទេសរុស្ស៊ីជិតខាងមានឈ្មោះថាកូកាស់២០២០ ។ កងទ័ពអ៊ុយក្រែននិយាយថា សមយុទ្ធនោះរបស់ខ្លួនចាត់ទុកជាការបង្ហាញសមត្ថភាពរបស់ខ្លួនក្នុងការវាយរុញច្រានរាល់ការវាយប្រហារមកពីដែនដីរុស្ស៊ី…
ប្រទេសអ៊ុយក្រែន ៖ កងទ័ពអ៊ុយក្រែនរាយការណ៍នាថ្ងៃទី២៣ កញ្ញា ថា អ៊ុយក្រែនបានធ្វើសមយុទ្ធយោធាដ៏ធំមួយ ជាប្រតិកម្មតបចំពោះសមយុទ្ធយោធាធំនៅប្រទេសរុស្ស៊ីជិតខាងមាន
ឈ្មោះថាកូកាស់២០២០ ។
កងទ័ពអ៊ុយក្រែននិយាយថា សមយុទ្ធនោះរបស់ខ្លួនចាត់ទុកជាការបង្ហាញសមត្ថភាពរបស់ខ្លួនក្នុងការវាយរុញច្រានរាល់ការវាយប្រហារមកពីដែនដីរុស្ស៊ី ។ ទំនាក់ទំនងរវាងប្រទេសទាំង
២មានភាពតានតឹងចាប់តាំងពីរុស្ស៊ីបញ្ចូលតំបន់គ្រីមេ ទៅក្នុងដែនដីខ្លួននិងការងើបបះបោររបស់ពួកយុទ្ធជនបំបែកខ្លួនភាគខាងកើតអ៊ុយក្រែនជាពួកស្និទ្ធរុស្ស៊ី កាលពីឆ្នាំ២០១៤មក ។
ទាហានប្រមាណជា១២.០០០នាក់ និងរថពាសដែកច្រើនសិបគ្រឿង ចូលរួមក្នុងសមយុទ្ធតាមជើងគោក ។ សមយុទ្ធទ្រង់ទ្រាយធំនេះក៏រួមមានសមយុទ្ធរបស់កងកម្លាំងនាវាចរណ៍នៅសមុទ្រខ្មៅផងដែរ ។
ប្រទេសរុស្ស៊ីបានធ្វើសមយុទ្ធរបស់ខ្លួនឈ្មោះកូកាស់២០២០ ពីថ្ងៃទី២១ កញ្ញា មក ។ កាលពីសប្ដាហ៍មុនអ៊ុយក្រែន និងសហរដ្ឋអាមេរិក បានរៀបចំធ្វើសមយុទ្ធយោធារួមប៉ុន្មានថ្ងៃប៉ុណ្ណោះបន្ទាប់ពីការចាប់ផ្ដើមសមយុទ្ធយោធារុស្ស៊ីនៅបេឡារុស ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ