ក្នុងពេលដែលមនុស្សជាច្រើនកំពុងតែរកការងារធ្វើ ខណៈដែលសេដ្ឋកិច្ចពិភពលោកកំពុងតែប្រឈមមុខនឹងភាពមិនប្រាកដប្រជា វាជារឿងធម្មតាក្នុងការព្រួយបារម្ភពីលុយដែលអ្នកបានសន្សំទុក។ យោងទៅតាមលោក ប្រាដលី ធី ខ្លុនស៏ (Bradley T. Klontz)…
ក្នុងពេលដែលមនុស្សជាច្រើនកំពុងតែរកការងារធ្វើ ខណៈដែលសេដ្ឋកិច្ចពិភពលោកកំពុងតែប្រឈមមុខនឹងភាពមិនប្រាកដប្រជា វាជារឿងធម្មតាក្នុងការព្រួយបារម្ភពីលុយដែលអ្នកបានសន្សំទុក។ យោងទៅតាមលោក ប្រាដលី ធី ខ្លុនស៏ (Bradley T. Klontz) ដែលជាសាស្ត្រាចារ្យផ្នែកចិត្តសាស្ត្រហិរញ្ញវត្ថុនៅសាកលវិទ្យាល័យ Creighton University បានឲ្យដឹងថា ប្រសិនបើអ្នកមានប្រាក់សន្សំខ្លះហើយ អ្នកត្រូវតែឆ្លើនឹងសំណួរមួយគឺ «ហេតុអ្វីបានជាអ្នកគួរមានលុយខណៈដែលអ្នកដទៃទៀតមិនមាន?»
លោកបានប្រាប់ទៅ The New York Times មកថា ការឆ្លើយនឹងសំណួរមួយនេះមិនមែនតម្រូវឲ្យអ្នកប្រធៀបស្ថានការហិរញ្ញវត្ថុរបស់អ្នកជាមួយអ្នកដទៃទេ តែវានឹងជំរុញឲ្យអ្នកមើលឃើញលុយជាឧបករណ៍ មិនមែនជារង្វាស់ឡើយ។ហើយលោកបានបន្តទៀតថា ការមានចម្លើយសម្រាប់សំណួរខាងលើមានសារៈសំខាន់ណាស់ ជាពិសេសប្រសិនបើអ្នករកលុយបានលឿន។ ប្រសិនបើអ្នកមិនមានចម្លើយដែលល្អទេ អ្នកនឹងបំផ្លាញអនាគតខ្លួនឯង ព្រោះអ្នកនឹងព្យាយាមករកវិធីដើម្បីចាយលុយដែលរកបានឲ្យអស់ ឬផ្តាច់ខ្លួនពីសហគមន៍របស់អ្នកជាដើម។
យោងទៅតាមការសិក្សាមួយនៅឆ្នាំ ២០១៩ ដែលមានប្រភពមកពី Applied Research in Quality of Life បានព្យាយាមសិក្សាពីទស្សនៈរបស់មនុស្សលើទ្រព្យសម្បត្តិ និងសម្ភារៈនិយម។ ការសិក្សានេះបានប្រទះឃើញថា ការគិតថាទ្រព្យសម្បត្តិនាំយកសុភមង្គលក្នុងជីវិតជាបញ្ហាមួយព្រោះអ្នកដែលមានទស្សនៈនេះនឹងចំណាយពេលវេលា កម្លាំង និងលុយលើអ្វីផ្សេងពីផ្នែកមួយចំនួនដែលអាចនាំយកសុភមង្គលដល់ពួកគេបានដូចជាក្រុមគ្រួសារ និងសុខភាពជាដើម។
ប៉ុន្តែការគិតថា ទ្រព្យសម្បត្តិគឺជារង្វាស់មួយនៃភាពជោគជ័យអាចជំរុញទឹកចិត្តមនុស្សឲ្យខិតខំប្រឹងប្រែងធ្វើការបន្ថែមដើម្បីបង្កើនគុណភាពនៃការរស់នៅប្រចាំថ្ងៃរបស់ពួកគេវិញ។
ដោយហេតុដូចនេះទើបសាស្ត្រាចារ្យខាងលើបានប្រាប់មកថាអ្នកត្រូវតែរៀបចំផែនការក្នុងការចាត់ចែងលុយរបស់អ្នក និងធ្វើអ្វីដែលល្អជាមួយលុយផងដែរប្រសិនបើអ្នកមានសមត្ថភាព ដូចជាជួយដល់សហគមន៍របស់អ្នកជាដើម៕
ចែករំលែកព័តមាននេះ