ទោះជាការផ្ទុះជំងឺកូវីដ ១៩ បានបង្កនូវឧបសគ្គជាច្រើនសម្រាប់បុគ្គលិកពិតមែនក្តី បុគ្គលិកមួយចំនួនប្រៀបដូចជា បានសម្របខ្លួនបានល្អជាមួយនឹងការផ្លាស់ប្តូរ ហើយកម្ពុជាក៏មើលឃើញមានការរីកចម្រើនវិស័យថ្មីៗខ្លះៗដែរ ។ សម្រាប់បុគ្គលិកមួយចំនួនដែលមើលឃើញក្រុមហ៊ុនលូតលាស់បានល្អ ឬកំពុងតែរ៉ាប់រងទំនួលខុសត្រូវច្រើន អ្នកប្រហែលជាគិតចង់ទាមទារចៅហ្វាយឲ្យតម្លើងប្រាក់ខែហើយ ។
Smiling young Asian businessman executive extending his arm in a handshake to making a success deal with customer or partner. ប៉ុន្តេយោងទៅតាមអ្នកស្រីសូស៊ី វេច (Suzy Welch) ដែលជាអ្នកនិពន្ធសៀវភៅគ្រប់គ្រងដ៏ល្បីមួយរូបបានប្រាប់ទៅ CNBC Make It ថា វាប្រហែលជាមិនមែនជាពេលវេលាល្អក្នុងការសុំឡើងប្រាក់ខែទេ។
មូលហេតុ គឺមកពីស្ថាប័នការងារផ្សេងៗប្រហែលជាមិនមានថវិកាទុកសម្រាប់តម្លើងប្រាក់ខែឲ្យទៅបុគ្គលិកទេក្នុងពេលនេះ ។
អ្នកស្រីបានបកស្រាយថា ការផ្ទុះជំងឺកូវីដ ១៩ បានបង្កឲ្យមានការផ្លាស់ប្តូរជាច្រើនក្នុងសេដ្ឋកិច្ច ដូច្នេះម្ចាស់អាជីវកម្ម និងអ្នកគ្រប់គ្រងក្រុមហ៊ុនភាគច្រើនកំពុងតែតាមដានការចំណាយដោយព្រួយបារម្ភដែរ ។
យ៉ាងណាក្តី វាមិនមែនមានន័យថា អ្នកមិនស័ក្តិសមនឹងការទទួលបានការឡើងប្រាក់ខែទេ ។ អ្នកស្រី វេច បានបន្ថែមថា «ប្រសិនបើនិយាយប្រាប់ខ្លួនឯងថា ខ្ញុំមិនទទួលបានប្រាក់ខែដែលស្មើនឹងអ្វីដែលខ្ញុំគួរបានទេ នោះអ្នកក៏អាចគិតត្រូវដែរ។» ប៉ុន្តែអ្វីដែលអ្នកត្រូវដឹងគឺ មនុស្សកាន់តែច្រើនកំពុងតែខិតខំធ្វើការកាន់តែខ្លាំងឡើង និងទទួលយកការងារកាន់តែច្រើនផងដែរ ។
លើសពីនេះទៅទៀត អ្នកត្រូវដឹងថា ទីផ្សារការងារក៏កាន់តែមានភាពប្រកួតប្រជែងដែរក្នុងពេលដែលមនុស្សជាច្រើនកំពុងតែរកការងារធ្វើ រួមមានទាំងនិស្សិតដែលទើបតែបញ្ចប់ការសិក្សាថ្មីៗថែមទៀតផង ។
ប្រសិនបើអ្នកមានឱកាសក្នុងការធ្វើការពីចម្ងាយទៀតនោះ អ្នកកាន់តែមានសំណាងល្អជាងអ្នកដទៃទៅទៀត ព្រោះអ្នកអាចកាត់បន្ថយការចំណាយក្នុងការធ្វើដំណើរចុះឡើង និងការទទួលទានអាហារនៅក្រៅជាដើម ៕
ចែករំលែកព័តមាននេះ