រាជធានីភ្នំពេញ ៖ ភេទទី៣ម្នាក់បានដើរចុចទូរស័ព្ទដៃម៉ាក11ប្រូមេក នៅលើសួនច្បារមាត់ទន្លេ ស្រាប់តែមានជនសង្ស័យមួយក្រុមទៀតបានវាយយកទូរស័ព្ទរបស់គាត់ ហើយគេចខ្លួនបានកន្លះម៉ោង ក៏ត្រូវម្ចាស់ទូរស័ព្ទហៅបក្សពួកដើររកឃើញ ក៏ឈ្លោះប្រកែកគ្នាផ្អើលពេញផ្លូវតែម្តង បង្កឱ្យមានការភ្ញាក់ផ្អើលកាលពីម៉ោង12និង30នាទីរំលងអធ្រាត្រឈានចូលថ្ងៃទី24 ខែកញ្ញា ឆ្នាំ2020 តាមបណ្តោយផ្លូវលេខ5 នៅចំណុចម្តុំនឹងផ្សារកណ្តាល ស្ថិតនៅក្នុងសង្កាត់ផ្សារកណ្តាល1 ខណ្ឌដូនពេញ ។
តាមប្រភពពីជនរងគ្រោះជាភេទទី៣ បានឱ្យដឹងថា មុនពេលកើតហេតុ ខ្លួនបានដើរលេងនៅលើសួនមាត់ទន្លេផ្លូវព្រះស៊ីសុវត្ថិ និងចុចទូរស័ព្ទដៃលេងជាមួយមិត្តភក្តិ លុះដល់ពេលកើតហេតុខាងលើនេះ ក៏ស្រាប់តែលេចមុខជនសង្ស័យចំនួន3ទៅ៤នាក់ ក្នុងនោះក៏មានភេទទី៣ម្នាក់ និងមានស្រីប្រុសចំនួន3នាក់ទៀត បានមកធ្វើសកម្មភាពវាយយកទូរស័ព្ទដៃម៉ាក11ប្រូមេក បានសម្រេច ហើយរត់គេចខ្លួនបានជាងកន្លះម៉ោង ទើបជនរងគ្រោះហៅបក្សពួកមិត្តភក្តិជាច្រើននាក់ឱ្យជួយដើររកឃើញនៅឯក្នុងហ្គេមមួយកន្លែង នៅម្តុំផ្សារកណ្តាល ក៏ហៅចេញមកក្រៅដើម្បីសួរនាំ ។
ជនរងគ្រោះបាននិយាយថា គឺស្ត្រីភេទទី3នឹងហើយដែលជាអ្នកវាយយកទូរស័ព្ទដៃ ប៉ុន្តែខាងជនសង្ស័យប្រកែកថា ច្រឡំមនុស្សហើយ មួយណាភាគីទាំងសងខាងបានឈ្លោះប្រកែកគ្នាឡើងផ្អើលពេញម្តុំផ្សារកណ្តាល ភ្លាមៗនោះដែរក៏អត់ឃើញសមត្ថកិច្ច ទើបជនសង្ស័យបានដើរគេចចេញទៅបាត់តែម្តង ។
ក្រោយពេលកើតហេតុខាងលើនេះ ជនរងគ្រោះគាត់ក៏មិនបានដាក់ពាក្យបណ្តឹងនោះដែរ ក៏ឡើងជិះម៉ូតូមិត្តភក្តិចេញទៅបាត់តែម្តង ៕
ចែករំលែកព័តមាននេះ