សម្រាប់ក្រុមហ៊ុនជាច្រើន ការភ័យខ្លាចរបស់អ្នកដឹកនាំមិនមែនជាកត្តាដែលរាំងស្ទះការអភិវឌ្ឍក្រុមហ៊ុនទេ តែវាជាឱកាសតូចៗរាប់ពាន់ដែលត្រូវបានមើលរំលងព្រោះបុគ្គលិកមិនចូលរួមក្នុងការចែករំលែកមតិយោបល់របស់ពួកគេ។ ប៉ុន្តែគ្រាន់តែសូរទៅកាន់បុគ្គលិកថា «ពួកយើងអាចធ្វើអ្វីដើម្បីល្អប្រសើរជាងមុន?» គឺមិនគ្រប់គ្រាន់ទេ។
ប្រសិនបើបុគ្គលិករបស់អ្នកគិតថាអ្នកមិនចង់ស្តាប់មតិយោបល់របស់ពួកគេទេ ពួកគេក៏មិនខ្វល់ខ្វាយក្នុងការចែករំលែកដែរ។ បុគ្គលិកដែលមានគំនិតល្អៗតែងតែមានគំនិតជានិច្ច ប៉ុន្តែពួកគេមិនចែករំលែកជាមួយអ្នកទេ។ ផ្ទុយមកវិញ ពួកគេចាប់ផ្តើមក្រុមហ៊ុនឬអាជីវកម្មដោយខ្លួនឯងទៅវិញ។ ដូច្នេះតើអ្នកត្រូវសួរបុគ្គលិករបស់អ្នកយ៉ាងដូចម្តេចដើម្បីឲ្យពួកគេចូលរួមផ្តល់មតិយោបល់ស្ថាបនា?
១. សួរឲ្យចំៗ
អ្នកដឹកនាំត្រូវតែសួរពីអ្វីដែលខ្លួនត្រូវការ និងចង់បានឲ្យបានចំៗ និងច្បាស់លាស់។ ឧទាហរណ៍ដូជជា តើចំណុចអ្វីធំជាងគេដែលធ្វើឲ្យអតិថិជនរបស់ពួកយើងមិនពេញចិត្ត ? តើពួកយើងអាចដោះស្រាយវាបានដោយវិធីណា?
២. រក្សាការដាក់ខ្លួន
សំណួរទាំងនេះបង្ហាញនូវចំណុចខ្សោយរបស់ស្ថាប័នការងារ ឬចំណុចខ្សោយរបស់អ្នកដឹកនាំដែរ ដែលជាហេតុធ្វើឲ្យបុគ្គលិកមានការស្ទាក់ស្ទើរក្នុងការចែករំលែក។ ប៉ុន្តែអ្នកដឹកនាំត្រូវតែចេះដាក់ខ្លួនដើម្បីអាចរកបានចំណុចខ្វះខាតបាន។ អ្នកត្រូវតែសួរនូវសំណួរដែលបង្ហាញថា អ្នកមិនល្អឥតខ្ចោះទេដួចជា តើមានគម្រោងមួយណារបស់ពួកយើងដែលធ្វើមិនបានល្អជាងគេ?
៣. កុំឆ្លើយតបភ្លាមៗ
អ្នកគ្រប់គ្រងភាគច្រើនបរាជ័យក្នុងការសួររកមតិស្ថាបនាព្រោះពួកគេមិនទាន់ត្រៀមខ្លួនបានរួចរាល់ក្នុងការស្តាប់ភាពស្មោះត្រង់របស់បុគ្គលិកដែលបង្កឲ្យពួកគេចេញមុខមកការពារខ្លួនមួយរំពេច។ ការសួរមតិយោបល់មុននឹងចេញមុខមកបដិសេធធ្វើឲ្យមនុស្សបាក់ទឹកចិត្តជាងការមិនសួរទាល់តែសោះទៅទៀត។
ពេលដែលអ្នកសួរសំណួរទាំងនេះ អ្នកត្រូវតែអនុញ្ញាតឲ្យខ្លួនឯងស្តាប់ កត់ត្រា អរគុណអ្នកដែលបានចូលរួមមតិ មុននឹងយកវាទៅគិតពិចារណាដោយខ្លួនឯងជាមុនសិនមុននឹងធ្វើការឆ្លើយតប។
វាទាមទារឲ្យមានការហ្វឹកហាត់ និងសាកល្បងជាច្រើនលើកច្រើនសារទើបអ្នកអាចជោគជ័យក្នុងការជំរុញឲ្យបុគ្គលិករបស់អ្នកផ្តល់មតិយោបល់ស្ថាបនាដែលជួយដល់ស្ថាប័នការងរាបាន ប៉ុន្តែប្រសិនបើអ្នកជោគជ័យក្នុងការបង្កើតវាឲ្យក្លាយជាទម្លាប់ក្នុងការងារនោះ អ្នកនឹងអាចស្តាប់លឺគំនិតល្អៗកាន់តែច្រើន៕
ចែករំលែកព័តមាននេះ